我1歲大了！
今日爸爸媽媽幫我開左生日會呀，有好多小朋友同我一齊玩，一齊唱生日歌，又食左第一次蛋糕，我興奮到去到夜晚心情都未平伏到呀！
今個月我第一次去迪士尼，原來迪士尼係一個好好玩的地方，有得玩水，有好大張床，有好可愛的卡通人物，仲有好靚的小小世界，我依家認得米奇架啦，下次我可以指比你睇。
我暫時仲未算識得行路，但大人用一隻手拖住我已經行得唔錯，d大人依排成日無端端放開我隻手，我好醒架，會即刻坐低再轉為爬的pose，咁樣先又快又穩陣。
我依家識得「俾」，亦識得「放」，講「楊逸到」我識舉手，識㩒掣播音樂，做到然後爸爸媽媽讚我叻叻我就最開心喇。
講野方面，依排爸爸媽媽成日話我長篇大論，但又唔明我講乜，同埋成日笑我模仿佢地既發音。依家佢地聽得明我講既大致係爸爸、媽媽、奶奶、Hello同埋no no no，其實我英文係咪算係講得唔錯呢？
食野方面，我越來越唔鐘意食BB爛飯，所以媽媽由今個月開始就俾我食清淡版大人飯了，週末仲可以同佢地一齊食一樣既野添。早餐又俾我試通粉，真係好好味，有通粉揀我就唔太想食麵包了。
