我8個月大了！
今個月我第一次坐飛機，我係窗口望出去見到天空的顏色好靚呀！媽媽話我坐飛機乖乖無扭計，100分，可以多d帶我去旅行喎。聽講今次我地去左一個叫東京的地方，不過除左係街上面多d人撩我玩之外，都唔太知同香港有咩分別，不過點都好，我真係好鐘意去旅行，因為可以由朝到晚黏住爸爸媽媽。我依家影相識笑笑架喇，所以旅行影左好多靚相。
食野方面，平日都係繼續食粥仔，試過一次星星粉，但未掌握得好好，d粉會由個口滑番出黎。另外今個月都試左好多其他野，乳酪、牛油果、麵包、橙橙、枇杷果、蜜瓜、哈蜜瓜⋯簡單d來說，最好你地大人食乜我都食乜喇！
依家我手腳靈活左好多，鐘意企同埋行，其實我自己企都得，我想放開媽媽隻手，但係佢點都要捉住。如果有野借力的話，我可以自己由瞓係度坐起身，爸爸話我換片片時好唔安份喎。我一開心就會fing腳，次次曉曉表姐見到都要我黎多次，好累架喎。我最近啱啱學識拜拜，個個見到都好開心，又讚我叻叻，我都好開心呀！講個秘密你地知呀，我好鐘意人地讚我叻㗎！
我依家識講媽媽同奶奶，一叫媽媽她就會心軟即刻抱我，一叫奶奶她都知我要乜，不過佢有時會扮聽唔到。
我依排最鐘意的玩具是暐姨姨送的三角型，仲有我係日本自己揀的查理仔公仔，我都好鐘意同曉曉表姐玩，但係佢有時好熱情有時怕怕地我咁，不過我最鐘意的還是爸爸和媽媽陪我玩。
