逸逸今日去健康院見姑娘和打一個月針，終於第一次有人叫她的名字了。
現時逸逸重3.93kg，重得唔錯，保持在25 percentile的生長線。不過磅重時因為要脫光光的關係，除片沒多久就疴尿，結果尿到媽媽個身濕晒，原來同BB出街，除左帶件spare衫給BB之外，也要帶定給媽媽。
見姑娘時問番逸逸的生活常規，也沒有什麼問題，眼膠和臉上的粒粒只要繼續用清水清潔就可以了，近日天氣乾燥，也建議塗點潤膚霜。肚臍方面，要keep住隔日去健康院繼續觀察。
到打針時就真係可憐豬豬了，因為逸逸原本瞓左，姑娘仲好似好有道義咁摸摸逸逸個鼻仔同佢講：「我依家幫你打針，嗱，我已經同你講左架啦」之後就㓤落大脾仔道，逸逸即時爆喊仲谷到塊面仔紅晒添！好彩逸逸好也就冷靜番落黎了。
