回到酒店休息一會兒，下一個節目就是享用酒泳池的時間。
HARD ROCK HOTEL個泳池都幾大幾靚，而且泳池邊仲係人造沙灘，雖然真正的沙灘只是一欄之隔，但現正有工程進行中，大家係泳池邊都可以當正去左真正的沙灘咁。
仲有POOL BAR，不過暫時要遠離酒精的我，POOL BAR也跟我沒有什麼關係。
我們第一組落到黎泳池，搵個好位休息下。其實我們都不會落水，但我點都換了泳衣落泳池，恆仔連衫都唔換，繼續T恤短褲就算。
大家都相繼落到黎，恆仔同著左性感BIKINI的曉曉合照，個時曉曉仲好好肉地，依家長高就拉長左，唔再係小肥妹了。
曉曉第一次游水，所以大家先同佢熱下身。
一齊影張相先喇
雖然我無落水，但在岸上看他們玩水也很高興。
曉曉接受到游水，仲玩得好高興添，但她暫時接受唔到沙地，否則在這條毛毛蟲入面爬下爬下都幾好玩。
玩左大約一個半小時，我地就回房間休息了。
嘆一杯剛才在超級市場買的三合一美祿，好味道。