14-12-2012:斯里蘭卡day 7(part 2).混亂市場.豐富博物館.必去Odel買手信@Colombo

我哋離開Galle Face Green,去下一站Pettah Market,根據旅遊書介紹,Pettah Market乜都有得賣,包羅萬有,咁去旅行當然想睇下人地地道o既生活啦~SONY DSC 呢張相有趣o既地方係,一家人五個人一齊去旅行,一人拎住一部相機/手機,結果就會咁…大家都影影影,影埋啲差唔多o既角度,呢個都唔緊要,但返到去睇相睇到嘔﹗﹗我而家揀啲相嚟寫blog都係開住三個folder嚟揀o架~ 其實我哋都唔係好sure Pettah Market究竟係一座building定係一啲露天o既攤檔,所以落咗tuk tuk之後都左望右望睇下有冇hint… 閱讀全文

14-12-2012:斯里蘭卡day 7(part 1).Galle Face Green Promenade@Colombo

真係未試過隔成一年有多先補番篇blog,但本著遲到好過冇到,我點都要完成﹗上回講到我哋長途跋涉由Nuwara Eliya搭咗超長途火車返去Colombo,返咗去Lake Lodge酒店已經成個人散晒,除咗可以上住網(饑渴已久)等食晚飯之外,乜都做唔到啦~

combine lake lodge morning

起咗身周圍行下先,因為呢間酒店我哋只住一晚,爹媽姐今晚就離開斯里蘭卡啦,爹媽會係新加坡stay幾日探探美姨一家,家姐就會直接返香港,而我同day就會係斯里蘭卡留多幾日,遊覽一下南部,所以食埋個早餐就check out o架啦~ 呢個半open o既area就係我哋食dinner同早餐o既地方,雖然酒店唔算好大,總有十幾間房啦,但咁樣o既用餐區域佢劃分咗幾度,咁就各個家庭可以自成一角啦~而間酒店處處都睇到悉心佈置,有時尚優雅o既感覺~ 閱讀全文

13-12-2012:斯里蘭卡day 6(part 2).Lake Lodge

我哋火車抵達Colombo時天都黑齊晒了,不過夜裡o既Colombo依然熱鬧~其實我哋都考慮咗好耐到咗之後要點樣返酒店,事關我哋5個人5大件行李,係斯里蘭卡呢個tuk tuk盛行,而的士唔流行o既國度裡,咁豈不是要一人一tuk?如果一女子一行李一tuk好似危險咗少少,好在出咗火車站有成群結黨o既tuk tuk司機,見我哋咁o既身世,就建議我哋5人3 tuk,爹媽2人2行李1 tuk,我同家姐2人1行李1 tuk,day 1 人2行李1 tuk,咁o既安排都好啲啲~夜裡飛快o既tuk tuk係城市駛過特別涼爽,好快我哋就到咗事先網上預約好o既旅館Lake Lodge~http://www.taruhotels.com/

我哋check in時已經問到旅館有得serve晚餐,拿拿聲拎個餐牌睇睇先,照樣,都係要等半個鐘至45分鐘~咁入咗房休息下先啦~

因為屬於boutique hotel吧,所以陳設比較時尚,但爹媽o既角度睇就覺得幅牆好似冇油過咁~ :p其實都乾淨企理o既~ 閱讀全文

13-12-2012:斯里蘭卡day 6(part 1).自家農場、踏上搖晃火車之旅

嚟到Nuwara Eliya o既第三日,我哋要離開Nuwara Eliya,返去Colombo啦~打算搭中午o既火車,所以仲有一晝時間~我哋之前同Laki提起過巷子口o既士多啤梨園,原來Laki villa工作嗰位女士識得士多啤梨園個女主人o架,所以安排佢帶我哋過去參觀+買果醬~

又係一個美好o既早晨~我發覺每一日好似都有呢張咁上下o既相,大概每次見到呢個景色都忍唔住影吧~ 閱讀全文

12-12-2012:斯里蘭卡day 5(part 3).Nuwara Eliya地道生活

經過彎彎曲曲o既山路,司機載番我哋落Nuwara Eliya o既市中心地區,我哋都肚餓仔了,要先搵個地方食啲嘢先~

Nuwara Eliya市區 閱讀全文