出發去aurangabad前最後一個上課天，我o地一大早8:30am就去到OPD，諗住跟HIV clinic，點知等到9:15am時，姑娘話我o地知，醫生都係唔會o黎o架啦，話說呢度D醫生o岩o岩發動罷工運動﹗佢o地抗議削減專科醫生培訓o既名額，呢個罷工影響都幾大o架，OPD冇人睇﹗巡房得番D高級o既associate professor o黎巡…我o地elective student被迫投閒置散~
由ward影落去o既遊行隊伍 閱讀全文
17-4-2008：醫生大罷工
4
標籤彙整: india
16-4-2008：上課日第二天
因為尋日o既狼狽相，今日要好好考慮一下出去o既行裝﹗淨係咩個細側揹袋應該放唔晒所有o野喇，而我覺得揹住個背囊跟round都ok，所以目標係以減重為主。照揹兩個袋袋，放低上ward其他工具，只帶白袍同埋stetho(聽診器)，放低旅遊書，唔帶咁多支水，唔，滿意了，輕盈得多。到上堂時將細袋放入大袋，咁淨係揹個背包咪ok o羅~不錯不錯﹗
今日約好英國女生Amy 9:30am去到MICU(內科深切治療部)，我o地跟o個個doctor o既ward round由o個度開始，去到要換拖鞋，哈，好難湊夠一對相同款式o既，所以人人都鴛鴦鞋﹗哇，入面真係勁多千奇百怪o既case﹗cerebral malaria(腦瘧疾)、幾個GBS(平時係QMH最多咪一個半個﹗)、又有placental abruption整到DIC同埋acute renal failure﹗總之好多平時少見o既case啦~
照理上個MO present俾o個個doctor聽時講緊英文，但…umum…都唔係聽到太多，有時甚至以為佢o地講緊印度文﹗﹗主要教我o地o個個doctor講o野就聽得清楚D~
round o左MICU、男同埋女o既general medical ward就結束了，完結時doctor仲請我o地飲咖啡添~o黎到咁多日第一次飲咖啡﹗如果canteen o既咖啡飲o左唔肚痛的話即是以後都可以飲啦~
lunch去o左學校附近一間靚靚地o既餐廳食，有AC hall o架，都幾抵食，味道樣樣都唔錯~下次都好有機會再去~叫o左hong kong fried rice， 閱讀全文
14-4-2008：孟買四圍遊
第三日，番到o黎酒店時終於冇咁?了~以為今日開始番學啦，點知遇著公眾假期喎~十點幾去到醫院，D學生話我o地知office唔開門呀~明天請早~噢，所以今日繼續做遊客，遊覽孟買~
我o地專登早o左出門口，去買o野食，結果去o左醫院正門對面一間小食店食早餐，我o地都係門口踱步o左一陣o架，因為小食店門面唔係太靚、唔係太光猛~不過見尚算乾淨~哈，入到去雞同鴨講，全部人零識講英文，指手劃腳之下，食o左「samosa」， 閱讀全文
12-4-2008：初來孟買報到
落機後，過埋關，我o地要換錢啦，要搵車搭番酒店啦~係機場好容易就搵到旅遊書講o既pre-paid taxi，有好多間o架，但我o地都問清楚價錢先~醫院個網話由機場去KEM hospital只需要大約Rs300($60)，所以心裡面都有個譜，最後問到一間每架Rs340都殺了，去到人o地地方，預o左要做水魚，只希望做一條中水魚，唔做大水魚啦~
一出去機場外面，哇，勁多蚊﹗其實過關之後都開始有蚊啦，好在我o地噴好晒蚊怕水先行出去o者~話時話，呢隻蚊怕水真係好有效，D蚊真係唔敢埋身﹗(大學診所o既travel clinic教我o地買含有DEET 30-50% o既蚊怕水，保捷行有售。)
我o地五人分開兩部的士，向酒店進發，原來都幾遠呀~因為時間早，所以睇到鹹蛋黃一樣o既日出﹗平時係香港一來冇咁早起身，二來周圍高樓大廈咁高，個天光晒都見唔到個太陽啦~
司機都唔係好認得路，佢都要停低兩次問人先番到酒店~
的士係油站入油~ 閱讀全文