早係陪月姨姨最後返工之前，我已經開始有呢個煩惱，到得番我照顧曉曉時，就要帶住佢出去買餸，但究竟點樣先係最好嘅裝備配搭呢？
盛載曉曉嘅工具：bb車 vs Moby Wrap揹帶 vs 金金借我嘅Combi揹帶
盛載餸餸嘅工具：手挽環保袋 vs 背囊 vs 買餸車仔
其實星期日同老公一齊去買餸時係用bb車推住曉曉，然後用環保袋盛餸，當然有架bb車時係要另一個人推超級市場車仔，即是一個人去買餸嚟講，你推住b時，買嘅嘢係唔知放邊，最多只可以買單手拎到嘅份量～然後買買下問題發生了，因為曉曉突然肚餓大喊，係四周途人都會望實嘅程度，買餸要中斷，我同百佳阿姐講咗要邊舊鯇魚佢都未整得切俾我，結果day繼續shopping，我同bb緊急返屋企﹗
之後就要靠自己了，第一次我用Combi揹帶+買餸車， 閱讀全文
FTM－－呢個term呢，我自己未係我都唔知stand for咩，原來入咗呢個圈子之後就會接觸好多新term，FTM就係Full Time Mother，嚟緊到七月先至返回工作崗位，由而家開始我就係FTM，到七月時就變成PTM了﹗^^”
不過產後頭一星期有老公請咗侍產假，情緒上對我嘅支援最多，而返屋企之後嘅一個月仲有陪月姨姨幫手添，實實在在地幫我好多～基本上有陪月姨姨嘅時候，我日頭嗰八個鐘所做嘅，就只係食食食餵飽自己，同埋製造奶奶奶餵飽BB，其餘時候可以大覺瞓，BB沖涼、BB換片、BB食樽樽、BB扭計我都可以放心交俾佢，而陪月姨姨亦精心預備一日無數餐嘅營養美食+湯水俾我，我張開眼就有得食同飲－－不過唔知點解過去一個月都仲係好攰，可能佢唔係度嗰三分之二嘅時間都被搾乾了⋯
但陪月姨姨幫手足足一個月之後，就到我要獨立嘅時候啦，今日係值得紀念嘅日子～我同老公講「好在係星期五啫」，佢笑說話我 閱讀全文