有諗過要唔要第四日o既行程用一篇blog嚟「解決」，但為求「建築奇才高第系列」o既完整性，都係俾佢自己獨立一篇啦~我哋嚟到高第之旅最後一個景點—-米拉之家~米拉之家係二十世紀初o既豪宅，係城市中央地段，好大o既單位，通風透光o既設計，深受有錢人歡迎~係之後o既幾十年，曾經作唔同o既用途，到咗今時今日，有部份開放作為博物館，但有啲部份仲係有被使用緊o架~
靠近黃昏時份o既米拉之家，彎彎曲曲o既外型，貫徹高第o既現代主義設計，不過就冇奎爾公園咁色彩繽紛~ 閱讀全文
嚟巴塞隆拿旅行，如果你翻開任何一本旅遊書，一定會有建築師高第(Gaudi，或譯高迪)之旅，事關呢位十九至二十世紀o既西班牙建築師係巴塞隆拿有好多具美觀與實用並重o既作品，其中表表者非聖家堂莫屬，我哋今日除咗參觀聖家堂之外，仲去咗奎爾公園、米拉之家，雖然無法所有高第o既作品都睇過晒，但我哋呢啲建築門外漢都感受到佢o既熱情同埋天份﹗﹗
聖家堂係非去不可o既no.1，所以我哋排咗早上去咗先~我哋住o既Barcelona Princess Hotel唔包早餐，我哋尋日係Boqueria Market買咗牛角包，食完尋日o既奢侈早餐之後，今日食番個經濟早餐先~(不過都唔係香港啲包包咁平…要1.5歐羅一個囉…)
牛角包都算係西班牙人比較常食o既包，係街上賣o既，唔係tostada(圓圓地o既烘多士)就係bocadillo(類似法國長麵包，脆脆硬硬的，通上夾火腿芝士食)， 閱讀全文
雖然曼谷blog仲未打晒，我都係決定先開始呢個勁勁trip o既blog先，趁住記憶尤新嘛，應該可以打得詳細啲，唔駛過晒氣之後再「看圖作文」~ :p
唔知大家知唔知其實我讀大學時學咗兩年半西班牙文，所以隔咗咁耐，去過咁多唔同地方旅行都未去西班牙其實都有啲奇，事關呢個trip叫做遲嚟咗八年啦，呢件事都隔咗咁耐，連最介意嗰個我自己都唔介意講咯，我大學year 2暑假嗰年本來係去西班牙做elective o架，已經係嗰邊o既Salamanca大學報好名，讀短期西班牙文，之後join埋爸媽家姐去玩，媽咪提番起我至記得，嗰陣仲申請咗西班牙領事館o既獎學金過去添，點知太期待個trip，溫書唔專心，結果考試肥佬，冇得去lu，要補考，結果反而全家人得我一個未去過西班牙~隔咗八年終於去了﹗之前一直冇放得比較長o既假，honeymoon嗰次因為11月，覺得應該要去南半球，暖一下，而且想去浪漫又風光明媚o既斐濟做honeymoon，西班牙出局了~舊年同埋爸媽姐family trip，去咗斯里蘭卡，西班牙又出局了~適逢今年考完試要放個長假優待下自己，又真係好耐冇去過歐洲了，上一次同爸媽姐去德國奧地利瑞士嗰次都仲未入大學，加上叫做入秋，歐洲開始日短夜長，似乎只有夜貓子西班牙適合呢啲日子去，終於輪到佢啦~
咁多年冇練習過西班牙文，我都係打定輸數，打算做個講英文o既遊客，但又躍躍欲試，只可惜考完試第三日就出發，冇時間俾我溫書~礙於西班牙呢段時間o既溫差大，氣溫係5-25度，好似要帶晒全個衣櫃o既衫去，day只准我帶一半西班牙文書去，好啦，我就揀咗一本vocab書啦，又有少少短句，又有多啲vocab，應該夠用啩？
因為出發前要溫書考試，個trip幾乎冇乜點prep過，不過我都隱約有啲印象要去邊啲地方，做咗極少o既預習，我哋book好機票、三間酒店、買好一場西甲波飛、執好行李就出去了，其他detail乜都未搞…heehee，所以雖然去到咁遠，但都有唔少即興o既事情咯~
開頭話11月1至10號去，但想爭取搭夜晚機，所以10月31晚就出發了，day話哎吔，得半日我返工都係返得一陣，結果我哋31日好似多日假係香港咁，不過好重要丫，因為行李幾乎未執~
指定動作當然唔少得啦~ 閱讀全文