21-5-2008:落雨濕濕遊德里

最後一日係delhi lu~我o地今日遊舊德里,去jama masjid(清真寺)、red fort(紅堡)同埋raj ghat(甘地紀念碑)~

出門口時落好大雨呀~一人一把遮都濕﹗係印度落雨就會好污糟好污糟﹗因為地下會變成一遍泥濘,佢o地又冇去水渠喎,地面又凹凸不平,地下一個個水?,好難行~如果想像得遠D就會覺得好核突﹗成個城市都好多動物家嘛,牛、馬、雀,佢o地排放出o黎o既xx,加上雨水、混和,你踩上去,發生咩事呢?oh no no~所以一個城市o既基礎建設真係好重要﹗另外嘛,一落雨天氣就超涼了,平時太陽最曬時有四十度左右,一落雨得番二十度鬆D,行出街即刻起雞皮呀,之後去jama masjid要除鞋,踩埋D凍凍o既水?就打晒冷震了~

我o地再次搭metro(地鐵),今次搭兩個站去chandni chowk~umum,我覺得都好浪費咁好o既公共交通系統o架,車廂咁大咁靚,但配套唔夠o羅~居然係人手賣單程飛﹗咁咪好慢?雖然都有智能卡車飛,但呢度D人o既教育水平參差,而且,唔係人人俾得起smart card o既deposit…另外,而家保安嚴密嘛,我o地等搜身、搜行李排隊排o左好耐,好在有的是時間﹗唔,一入車廂就非常舒服了~

落車之後都要行一段路先到jama masjid呀~一早就知道入去要除鞋,相機要收費,但o黎到印度仲會日日都不斷發生令人激氣o既事o羅~佢話喎,「擁有」部相機就要收錢,而且相機費已由Rs150提高到Rs200,唔買相機門票俾人搜到要罰Rs500,??﹗有冇搞錯?﹗我o地本身諗住買一張票,只用一部相機o黎影相,但連「擁有」都唔得?咁麻煩o既?究竟呢間係寺廟丫,定係商店呢?死都唔肯俾佢賺呢D錢,原本諗住買一張o既而家都唔買了,我o地輪流入去參觀﹗除鞋又要指定係邊個位除,又要搬我o地D鞋喎,太可惡了﹗好在入面都唔係太多想影相o既地方o者~唔,入面最特別o既,應該係有好多好多好多白鴿了﹗中庭有一個黃色框框,入面充滿住雀粟﹗幾百隻白鴿呀﹗好壯觀(+少少恐怖﹗)~

清真寺外觀 閱讀全文

18-5-2008:烏蠅之城

我o地由delhi出發去兩日兩夜o既agra短trip,因為之後仲會番去delhi,所以可以輕鬆揹小背包出發去agra﹗但因為火車六點幾就開,我o地四點幾就要起身o羅~好在火車站離酒店好近o者﹗

今日坐o既係cc class,即是冷氣座位卡,高級o野o黎o架~有火車餐食﹗我o地訂票時已經要揀veg定non-veg餐lu~所以都滿有期待呢~開車冇幾耐就開始派餐lu~

都幾有派頭﹗一人一個熱水壺,熱水用o黎沖奶茶~而食物就有餅乾、糖果…但,吓?咁少o野食o既?都有少少失望添…墊紙寫住唔同飯餐o既菜單,先知道我o地呢餐叫morning tea,咁,我o地即是有冇得食早餐o架?坐兩個鐘就落車o架lu喎~算啦,唔好諗啦,費事失望啦,食完呢個morning tea,就瞓覺lu,今朝太早起身啦~ 閱讀全文

17-5-2008:節目豐富@新德里

o黎到delhi o既第二日,我o地參加o左local tour,因為個local tour可以有旅遊巴帶我o地去D比較遠o既地方嘛~如果要自己安排交通的話就會麻煩D o羅~又要同auto rickshaw司機講價…而且呢個tour確實幾抵﹗

去到集合地點,有個黃皮膚、中國人面孔o既人同我o地講o野﹗原來係新加坡人呢~佢o黎呢度工幹兩個月,趁weekend出o黎遊覽一下,佢見到我o地好高興呢,大家係度吱喳,分享一下印度o既「生存之道」﹗睇o黎佢好耐冇見過華人呢~所以特別興奮﹗

第一站去jantar mantar(天文台),係o個度有好多超大型o既器材,靠住太陽、月亮o既光,可以計算年月日時,聽講都好準o架~不過而家器材D刻度冇保養,所以用唔到lu~

後面紅色o既就係其中一個工具喇﹗你睇,新德里o既市容幾靚~建築物新、樹木多~ 閱讀全文

16-5-2008:德里at the first sight

其實搭過咁多次夜車,應該都冇乜好寫啦,但尋晚jodhpur去delhi o既車程真係好搞笑,無啦啦刮起風沙,我o地要急忙關晒所有窗,然後用紙巾掩口鼻,先可以繼續討論行程,如果唔係就要食晒沙﹗持續o左都有半個鐘o架~結果…?覺之前要抹抹抹張床﹗總之就搞到好污糟好污糟啦﹗?冷氣車廂就唔會發生呢D事啦~不過會係起碼四倍價錢﹗

終於抵達印度o既首都delhi了,亦係最多遊客o既地方~今朝火車大概七點鐘到達舊德里火車站,本來諗住即刻開始去舊城區遊覽o架,但尋晚火車o既旅程實在太污糟了,改變策略,先番酒店,沖個涼再出去~

原本係孟買時打o左電話預約,點知去到話冇booking喎,雖然佢都有房available…點都上去睇下狀況先啦~呢間酒店極平,係我本旅遊書有寫o架,Rs200一晚一間雙人房(~HK$40)﹗但…真係不堪入目﹗冇冷氣o既房居然冇窗口,冇花灑浴啦,另外床單灰色+有洞洞啦…連我都唔接受﹗好在附近有勁多酒店﹗旁邊o個間叫我入去睇…

一見就喜歡了,AC房都係Rs725咋(平過孟買o既pals hotel﹗)~而且似間酒店o既setting~很好﹗張被仲要摺到…哈,好搞笑﹗ 閱讀全文