一個美好o既早晨梗係要有美好o既早餐開始啦~我哋係馬德里只有一日full day，之前o既一個晚上同之後o既一個早上，只有咁少時間，要好好安排下~我哋打算早上去最出名o既普拉多美術館先，因為唔了解架步，都係早少少去到附近先搵食~我哋發覺呢間酒店附屬o既餐廳價格相宜，又多選擇，最重要o既係有熱嘢食﹗唔止係凍冰冰o既包，good~
坐係窗邊有靚靚景就更佳~我哋揀咗焦糖pancake同埋蕃茄醬多士，咖啡都好好味~除咗size細咗少少之外都幾好~ 🙂 閱讀全文
為咗令時間冇咁趕，所以早少少去到火車站至搵食，開頭我哋都係火車站一間餐廳坐低咗，但見大大間鋪得兩個waitress係度做嘢，而且周圍啲食完走咗o既又未執枱，想埋單o既又未埋到單，我哋兩分鐘之後都係決定起身，與其食得咁急個心咁煩，不如都係食得自在啲，所以食咗…
登登﹗麥當勞﹗﹗yeah~~~而且係西班牙專有包包呢， 閱讀全文
離開阿卡乍堡我哋要即刻去Sevilla最後一個景點鬥牛場了，之後就要趕下午o既火車返馬德里啦，距離話近唔近話遠唔遠，係Santa Cruz邊緣、河o既旁邊，如果唔迷路的話步行大概15-20分鐘啦，好在今次我哋都順利去到~
鬥牛場o既外觀﹗ 閱讀全文
唔明白點解有咁多阿卡乍堡，係咪阿卡乍係一個特別o既名字？之前去Cordoba又有阿卡乍堡，Granada o既Alhambra裡面又有阿卡乍巴城堡，Sevilla又有阿卡乍堡，因為阿卡乍太繞口，我哋兩個簡稱佢哋做「炸堡」，好似啲漢堡o既名，哈~不過幾個炸堡之中其實今次行Sevilla呢個行得最開心，可能因為我哋終於唔租audioguide了，唔駛俾「聽唔聽得晒」、「租咗唔聽唔抵」呢啲心理影響咗，純粹o既去欣賞建築o既美、花園o既美，亦唔需要花咁多時間係度聽聽聽，我哋有更多時間影啲靚靚相~所以唔好做資料o既奴隸丫~
一入場就係一個美美o既中庭了，四面建築環抱住翠綠o既花園~今次仲有少少粉紅花花做點綴呢~ 閱讀全文
今日o既行程都好充實呢，因為我哋下五三點幾要搭火車返馬德里咯，上午至午飯時間之間要完成大教堂、Sevilla o既阿卡乍堡同埋鬥牛場呢幾個目的地﹗
其實時間上我哋花係大教堂唔係太耐，但為咗blog o既完整性，我都獨立一篇俾佢啦~後來聽家姐講番至知原來Sevilla o既大教堂都好威水，係歐洲之中有排名o既大教堂，我哋就懵查查咯，只覺得西班牙o既每個城鎮，無論大大小小都有大教堂，所以參觀Sevilla o既大教堂前都冇話咩特別期望咁~
外牆o既雕劇非常精細呢~ 閱讀全文