26-12-2014:聖誕南丫島悠閒遊

雖然朋友們可能已經係Facebook睇到我部份嘅相相,但呢個始終都算係一個「旅行」,點都要打番篇blog俾番個「名份」佢丫﹗而且唔打blog的話過得耐咗記憶會變得含糊,打咗第時睇番又有番啲鮮活嘅回憶出番嚟﹗

今個聖誕有連續四日假期,我哋都冇乜特別編到要玩啲咩,26號就有一整個full day,day提議不如去下離島行下啦(少有喎,唔怕人多~),係長洲同南丫島之間我哋揀咗南丫島,記得南丫島有啲靚靚餐廳,又有啲靚靚小店子,行嘅山路又唔困難,感覺長洲總係多啲人,而家我嘅身世又唔入得張保仔洞,下次BB出世之後先一齊再去啦﹗

因為係超級悠閒假日,我哋係冇較鬧鐘之下大瞓特瞓至起身出門口的﹗簡單食埋尋晚剩低嘅兩件麵包同埋醃雞剩低嘅乳酪,我哋就出發了,反正去到再食嘢啦~螢幕快照 2015-01-05 下午3.48.54

早一日教會嘅Daniel至問起我哋會唔會去AIA,兩個大鄉里都唔知佢講嘅AIA係乜,原來就係中環海傍嘅嘉年華會,啱啱先答咗唔會去嘅我哋,估唔到之後嗰日就嚟咗⋯附近呢﹗新嘅摩天輪已經啟用了,我哋決定由南丫島返嚟之後要去望望~ 閱讀全文