10-2-2015:懷孕扎記29w3d.胎動與親子時間

由17至18週左右開始感覺到第一次胎動(請參閱:27-11-2014:懷孕扎記18w5d.奇妙時刻第一次胎動),留意BB呱嘅作息活動就成為我每日生活重要嘅一部份,郁得好猛烈時我自然就笑咪咪囉,郁得少咗啲又會憂心忡忡,又會想像下究竟佢做緊啲咩呢?瞓緊覺?玩緊臍帶?做緊伸展體操?

每個星期我同老公都會一齊睇「What to Expect」app嘅video,講嗰個星期BB呱嘅development,到佢可以聽到嘢嘅週數時,我哋就更加落力同佢傾計啦,當然佢唔識回應啦,所以就變成媽媽同佢講嘢時,爸爸就會「鍊」高把聲扮BB聲﹗:p vice versa~不過我哋都會將胎動變成「yes」嘅答覆,呵呵,有時買BB呱嘅嘢、幫佢改名,我哋都會「問佢意見」㗎~A嘅呢邊兩下,B嘅嗰邊兩下丫唔該--結果都係唔睬我哋囉﹗螢幕快照 2015-02-12 上午10.57.41

去到廿幾週大家都會講到聽音樂胎教呢個課題,我哋都係度摸索緊BB呱嘅音樂品味~ 閱讀全文