22-2-2010:海洋神話號day 3.下龍市內越南生活

落咗遊覽船之後仲有好多時間先要返去海洋神話號,我哋都要好好安排一下下晝o既行程呀,好在遊覽船o既導遊俾咗少少idea我哋~佢提議我哋過去大橋o既另一邊,嗰邊係下龍市比較熱鬧o既區,有啲market呀咁,可以逛逛~

偏偏又俾我哋遇到一架大的士,可以坐晒我哋八個人喎,咁就一口氣過去對岸咯~ 閱讀全文

21-2-2010:海洋神話號day 2.at sea (part 2)

午飯後繼續at sea o既活動,好多人以為去遊輪係中老年人o既專利,冇錯,有好多facility都好啱佢哋,但其實都有啲設施係專為年輕人而設﹗我人生o既第一次…攀石﹗就係遊輪上進行﹗

參加前要簽「免責聲明」…之後揀好鞋o既size,有教練協助我哋著好安全裝備,之後就開始咯~有三條lane,分別係容易、中級同埋進階﹗我第一次嘛,梗係爬容易嗰條啦~家姐因為生得比我同菊姨都高,所以被分配去爬中級嗰條呢~

韓籍教練(冇錯﹗又係佢﹗)先同我講解攀上去o既方法,點樣運用手腳,安全守則,上到去時要點樣同下面o既人示意求救等等…另外有位國語人遊客,我又幫佢用普通話翻譯一次呢,做咗親善大使﹗ 閱讀全文

20-2-2010:海洋神話號day 1.上船囉~

雖然事隔呢個trip已有成兩個月,但都打番blog blog啦,之前去咁多個trip都有打喎,留番個記念都好o既~不過事隔咁耐,可能有好多detail唔記得﹗:p下一個trip又嚟緊,所以都要清番啲「功課」﹗

今次o既「遊船河」行程總共六日五夜,坐o既係Royal Caribbean公司o既「Legend of the Seas」由香港出發,停越南o既下龍灣、峴港,同埋海南島o既三亞總共三個港口,可以上岸玩,而其餘o既時間就可以留係船上面享受各式各樣o既美食、設施,就好似一個巨型o既會所咁﹗

第一日我哋一早就去到尖沙咀o既海港城,要上船咯~

去到天星碼頭呢邊,見到我哋將要搭o既船,未出發,先興奮﹗size比起上次爹媽坐o既「Serenade of the Seas」,海洋神話號細少少,但比起一般香港人所熟悉o既雙魚星號嗰啲大得多咯~ 閱讀全文