11-4-2009：梧桐寨看瀑布

發佈日期: 2009-04-11 作者: Rita

難得o既復活節假期只需要call一日，即是仲有三日假期啦，又咁o岩呢個星期六可以同day+佢o既朋友仔一齊去行山喎~唔知點解平時同day出街時時都係我出主意，但佢同教友們出去又會安排得妥貼丫﹗下次都要你全權安排我o地出街街o既活動呀，要坐享其成﹗

今次去o既係「梧桐寨」，以前聽就聽過呢個地方，但就未去過，原來係大霧山郊野公園o既，會睇好多條瀑布﹗我同day約好係元朗食早餐，之後就meet各位一齊搭地架64K去集合地點啦~

點解要post呢張相？因為要影清楚今日day著o既tee，係我o地去cebu時買o既眼鏡猴tee呀﹗

出發地點係梧桐寨村~

初時行o既路係咁平坦o架，不過越行就…越崎嶇﹗

第一個check point﹗按圖索驥，知道見到呢間寺廟就行o岩路了﹗去到萬德苑~不過我o地冇入去參觀呀~

外面有一隻懶洋洋o既狗，令我諗起係印度時周街周地都係狗呀~連醫院範圍內都有好多隻狗呀~o個時印度D狗全部熱到懶洋洋的~

呢度先算係真正o既起點，循例都影影張地圖先~

一次影到晒幾個目的地，冇錯，今次我o地會去四個瀑布，分別係井底瀑、中瀑、主瀑，仲有呢度冇show出o黎o既散髮瀑~

都好多人呀，一行十三人﹗

o黎到第一站o既井底瀑了﹗景色有少少似當年去浮羅交怡o既七仙井[26-12-2006：浮羅交怡全島遊．紅樹林．觀鷹．七仙井．纜車]呢~

day o羅~要我影埋呢D古怪相﹗的確幾棧鬼~hee~

中瀑都幾有氣勢呀，估唔到香港都有咁壯麗o既瀑布呢~

而且D水都好清呀，不過呢D天時玩水暫時都仲係凍o左少少~

之後o既路越行越斜，越行越險呀，雖然而家運動少o左好多，但好在都仲應付得o黎~

o黎到主瀑，我o地停留得比較耐，影下相啦，又野下餐啦~不亦樂乎﹗不過有一段時間唔見o左day…day去o左邊呀？點算呀？原來day同阿橙去o左為大家探路前面有一段路唔知難唔難行，話說之前試過山泥傾瀉，有一小段路壞o左，其實豎起o左個牌叫人唔好行過去o架，但網上睇D人又個個都照行過去喎，咁咪睇下o唔ok o羅~

主瀑呢度個水潭仲有好多魚添呀~

我都要影一張獨照﹗主瀑真係好長，縱使我部相機有廣角鏡，個鏡頭點就都影唔晒~

結果我o地都係決定跨過o個段難行o既路，雖然手腳並用，最後有驚無險地都齊齊整整過到去~因為呢，過唔到去o既話…

…唔單止睇唔到最後o既散髮瀑…

…睇唔到咁遠o既錦田景色…

仲要原路行番落去呢~

睇完四條咁靚、各有特色o既瀑布，係時候落山啦~野o左餐，食o既只係簡單o既乾糧，大家都想落山飽餐一頓咯~

我o地今次行山時沿路都見到航空青年團o既團員，一班小伙子，細細個但著住制服長靴都好型呀﹗又好在有佢o地咋，因為佢o地有好多team，又有walkie-talkie聯絡接收消息，咁先話我o地知原來隔離山頭有山火呀，嚇死人啦，其實都驚驚地，咁樣死法好唔抵家嘛~所以落山時都急急腳急急腳呀﹗落山時先發覺原來我o地已經爬到好高﹗

好不容易落到山腳，我o地搭巴士出番去元朗，搭車時呼呼大睡，大家都累咯~

19-10-2007：重陽節登山樂

發佈日期: 2007-10-19 作者: Rita

雖然尋日去「歡樂谷」玩到咁累，今日要繼續早起身呀﹗因為呢個重陽節o既早上，我o地一家一早出去登高~

約好o左爸爸o既中學同學同埋佢o既屋企人，我o地一行八人由香港仔出發，由貝璐道開始行上山，經過田灣山、薄扶林水塘道，去到太平山頂做終點，全程接近三個鐘頭啦~

行到山上涼亭睇到o既景觀，下面就係香港仔了﹗

o個度有人貼o左首「打油詩」係度喎，講下行山身心舒暢o個D啦~

點都影一影我o地o既終點：太平山頂啦，以證明曾到此一遊﹗今日o既太平山頂真係「hong kong is full of people」呀﹗超多人﹗冇可能係度搵到位食飯~

原本諗住去堅道o既明愛餐廳食lunch，點知真係冇開喎﹗我介紹大家去呢間堅道o既意大利餐廳「casa nostra」，唔記得上年定前年同day去食飯，同佢慶祝生日~set lunch價錢都ok o架，$48起~我食o左個risotto set lunch，有超美味o既南瓜湯，南瓜味好濃郁，又香又滑，青豆牛肉risotto，今次D飯唔算太硬，都幾好味，同埋凍咖啡，另外叫o左個new york cheese cake同家姐share~我就好鍾意呢度喇﹗唔知佢o地有幾多鍾意呢？﹗原來有得坐外面陽台o架，我下次都好想坐下﹗飲杯o野唔比starbucks貴幾多，但可以輕鬆的、懶洋洋的渡一個下午﹗

食完飯就行番落去中環搭車番屋企lu~

爸媽去百佳買餸，拎o左呢張「supermarket-fishipedia」﹗教人認識各種o既魚，仲有魚貼紙添啊﹗

係車上呼呼大睡﹗

下晝我做o左咩？估100次都估唔到的﹗冇錯﹗我執o左房，特別係執o左鋼琴上面D雜物﹗個琴終於得以重見天日﹗其實立定決心要執o野，係因為好想彈琴，經過「不能說的秘密」同埋「交響情人夢」o既刺激之後，我好想彈番琴﹗仲要係古典音樂o個隻﹗所以今日拎番D古典音樂o既琴譜出o黎彈下~原來D功力都唔係倒退得太嚴重o既~

之後都冇乜做D咩特別o野咋，睇o左陣小說，又上下網咁o羅~dinner食o左媽飯﹗之後睇o左陣日劇DVD，係「孤島診療所」﹗我不嬲好鍾意睇呢套漫畫家嘛~之前買o左套劇集~一口氣睇o左兩集﹗hee，我始終都係覺得漫畫入面o既孤島醫生較傻呼呼、較可愛﹗

唔，訂o左dell o既notebook了﹗期待送貨~

差不多瞓啦~

1-5-2007：香港行山．香港仔水塘道至黃泥涌峽

發佈日期: 2007-05-01 作者: Rita

公眾假期，實在太令人高興了

﹗o岩o岩開block得閒少少，難得可以同day出去玩成日﹗今日節目豐富~

約o左day 9:30am係中環集合，我o地朝早去行山，早o左DD出門口之餘車程又順利，去到仲可以食個早餐先添~我o地首先搭巴士去行山o既起點~今日o既路線係：

香港仔水塘道–>金夫人馳馬徑–>布力徑–>黃泥涌峽

行山書話路程6.5公里，需要2.5小時完成，不過我o地大概兩個鐘就行完啦~

係起點留個影先~其實今日條路最辛苦得兩個位，一個就係係香港仔落o左巴士之後行上去起點o個條大斜，另一個位就係布力徑o個條長長直直o既樓梯了，其他路程大都好輕鬆~

遇到非常nice o既行山客﹗幫我o地影o左張合照﹗

為o左證明我o地行o既係南區，你睇﹗路o既中段見到海洋公園o架~好想去啊﹗

行到布力徑o個條長長o既石級，好辛苦呀，要中途休息好多次﹗去到呢個位，影下相，飲啖水，抖一抖o者~

大概十二點幾行完啦，離開布力徑時經過好多有錢人o既大豪宅，D大閘真係好誇張o架，都叫做見識一下啦~搭番巴士出去中環，我o地要去下一站﹗

行緊過去天星碼頭搭船時，見到拍戲﹗哇，有陶大宇同埋滕麗明﹗我發覺自己o既反應只係「等我過去八下先~」，而唔係見到明星好興奮o個種感覺o羅，可能因為佢o地唔係咩超級巨星or靚仔吧？何況，陶大宇個樣真係同電視一模一樣~唔似得上次見到sun boy’z個william時o既反應：「哇，原來佢真人咁高咁有型o架﹗」

搭船過去紅磡，其實我都好鍾意搭天星小輪o架，可以吹住海風，又有得睇下景，特別鍾意來往中環同紅磡o個條線，因為搭得耐D，同埋隻船係「打橫」行過維港，可以睇得D景清楚D~

行完山，出一身汗，飲下我最愛o既寶礦力就最好喇﹗

影o左兩張冇o黎正經o既自拍之後，終於有張正常少少~(o個兩張就唔好放上o黎喇，費事笑親大家~)

肚子餓，食o左飯先﹗原本想去上次食過o個間好抵食o既日本o野o架，點知超多人搵唔到位添，試下另一間，呢間係以健康為主題o既餐廳，叫做「菓一道」？﹗餐牌o既每一個菜式都有卡路里係隔離，全部都四百幾卡路里，咁著數？﹗我叫o左呢個白汁莧菜雜菌意粉，都幾好味丫，但同我想像中唔係好同，我估唔到仲有咁多其他蔬菜﹗雖然係素菜，又得四百幾卡路里，但食完都ok飽o架~不過…唔…四點幾時就餓了﹗

今日點解要去黃埔？因為去睇睇呢個活動﹗乜原來我鍾意Linkin Park o既咩？no no no~睇下張poster o既右下角，哈哈，有zarahn做嘉賓，我收到華納唱片o既newsletter，得知呢個消息，咪諗住去睇下o羅~

但原來，呢個活動，係一個

大騙局

﹗

活動3:00pm開始，我o地2:00pm就到了，可以企到一個有利位置，當時仲係度沾沾~

2:30pm左右就開始俾人入去lu，幾多人﹗後來正式開始時企得仲滿呀~

今日o既司儀係森美，所以森美o既fans都有o黎o架~所以有三夥fans，Linkin Park o既fans、zarahn o既fans同埋森美o既fans﹗

未開show前四個晒冷仔出o黎亮亮相先，俾D記者朋友影影相~

仲有做下訪問，可惜我唔識讀唇語，唔知道佢o地講乜~

正式開show lu~o個一刻我先知一個震憾o既消息，原來今日o既活動Linkin Park o既成員係唔會出席o架﹗咁都得？﹗我估D fans應該本身知啩，如果唔係，一定會暴動﹗但咁又奇喇，佢o地唔會出席，咁fans有乜好o黎呢？著數只係免費可以得到一張single，但佢o地就快出碟，到時反正都會買大碟o架啦，呢隻免費o既single又有咩用呢？收藏價值？我都唔知lu~