17-4-2017:澳門一家八口大旅行day 2(part 1).Studio City Macau隨意走

早上我哋特地唔約定一個時間食早餐,爹媽通常早起,起身肚餓可以先食早餐再周圍逛逛,我哋帶住b嘅嘛,真係好難講,「b瞓一刻值千金」,瞓得幾耐就由得佢盡量瞓吧,不過都有可能好早起身㗎,刻意叫醒總冇自然醒咁好嘅~自然醒,心情又靚啲,又精神啲~

我哋住嘅23108,點解澳門真係可以容納咁多酒店﹗﹗一層成過百間房,有廿幾層樓,仲要有咁多咁多間酒店喎~所以條走廊好長,小朋友興奮時可以跑跑跑,唔肯行要抱住時爸媽就要呼喊到未呀? 閱讀全文

16-4-2017:澳門一家八口大旅行day 1(part 3).澳門旅遊塔、MGM自助餐

下一個行程去澳門旅遊塔,由熊貓館搭小巴去旅遊塔都搖咗好耐,好事嚟嘅,幾隻豬豬係車上叉足電,可以再戰,唯獨我嗰隻曉豬豬到咗目的地仲繼續瞓瞓瞓,到我哋離開景點時都一直瞓,可能佢都唔知自己有參觀過澳門旅遊塔,雖然佢有份影咗好多(睡)相~

澳門旅遊搭下面就去過好多次,(check番facebook先知)2012年9月時去過參加兩岸四地嘅Family Medicine conference就係嗰度舉行,另外2011年9月就有同聖母孝女會聯會一齊去澳門朝聖時順道去過旅遊搭下面觀賞旅遊搭+煙花,後來再同day&曉去澳門時即使有經過嘛都冇上到去~今次我哋一家八口大旅行終於有機會上去參觀lu~對我嚟講,澳門旅遊塔最深刻嘅印象,應該係Running Man入面佢哋去玩嘅刺激玩意吧?Bungy jump、塔外步行繞圈、爬上塔頂等等,有啲成員就超英勇,有啲賣點就係佢哋嘅驚青樣~

原來家姐影咗呢幅牆,上面講咗邊個演藝人有嚟過澳門旅遊塔~ 閱讀全文