其實想打呢篇blog好耐，不過一直積咗好多blog未打，未有耐輪到呢個題目，咁啱有位blog嘅讀者係懷孕扎記度問起用後嘅感想(請參閱：10-3-2015：懷孕扎記33w3d．we are ready之Bebemo環保尿布)，我諗都有好多準備用尿布嘅準爸媽好想睇下其他用家嘅意見嘅，我不如都係正正經經打篇blog啦～
(攝於1歲3個月10天)
以前明明成日都係屋企著片唔著褲㗎，點解 閱讀全文
26-5-2017：半熟手媽媽25m．Bebemo環保尿布用後感
2
標籤彙整: 母乳bb
24-5-2017：半熟手媽媽25m．媽媽奶辛酸史(八)之離乳故事－90%自然和10%推波助瀾
呢篇blog面世時我諗曉曉應該有27m了，因為唔可以泄露秘密住，即使打好都要save落draft度⋯希望呢篇blog唔需要edit就可以完整推出啦～
最最最最最初如果問我想餵咩奶，我0.01秒就可以答打算餵人奶，最好係全人奶唔需要補奶粉，但如果問我想餵到幾時，我其實冇乜idea，可能因為太多人因為種種原因放棄吧？我都冇乜聽人講餵到幾時功成身退，而比較大多數嘅係不得已嘅放棄或者無疾而終，我記得我有答過某人「一歲吧？一歲咩都食得，咩奶應該都冇乜所謂，唔駛辛苦咁耐啦～」我唔記得係咩場合答同埋唔記得問我嘅人係邊個了～雖然我係醫生，我只知道世衛建議餵到兩歲或以上，但我未成為母乳媽媽之前其實只認為「母乳=最有營養嘅奶」，以前讀書時講到甚麼餵母乳可以「增長親子關係」，我覺得只係「講係咁講啫」，增長關係有好多方法，餵奶唔係唯一方法吧？而令我有改變嘅係join咗Facebook母乳group「媽媽牌同盟」，令我希望餵到自然離乳﹗
而曉曉出世時確實餵得唔係幾順， 閱讀全文
18-3-2017：半熟手媽媽23m．SENS Studio家庭照之成品篇
有add我哋Facebook嘅朋友一早就睇過啲相相了，我相隔兩個月先打番blog嚟講，blog友們而家都可以睇下啲相啦～拍攝過程大家可以睇番上次篇blog﹗(請參閱：4-3-2017：半熟手媽媽22m．SENS Studio家庭照之拍攝篇)
去睇相時估唔到啲相嘅數目咁懸殊，雖然話著家庭tee嘅時候曉嘅狀態最好啫，似乎之後跌watt嘅相真係不堪入目，家庭tee嘅相佔咗超過一半，但我哋最終揀咗嘅亦係最多，最後smart casual嘅真係唔多揀得落⋯有咗上次影大肚相嘅經驗，我對於價錢、數目方面都有啲概念，同個sales bargain之後，兩年來加咗啲價，佢俾番相同嘅價錢我哋做相薄，我話唔要print out嘅散裝相，佢就俾我哋揀多幾張相，都好丫～
同上次一樣，soft copy即日就燒咗碟俾我哋返屋企，而相簿就耐啲，話嚟緊今個星期五可以去拎了(26/5/2017)～相簿慢少少唔緊要啦，最緊要有得快快睇相﹗﹗
呢度我揀咗部份有代表性嘅相同大家分享～
家庭tee之中當然最重要係一家三口嘅靚靚合照啦，上面嗰張我同day都不約而同用咗嚟做Facebook嘅profile pic，下面嗰張好搞笑，day用埋嚟做Facebook cover photo添～ 閱讀全文
13-1-2017：new新加坡day 1(part 1)．曉之第四次出征
day打算轉工期間休息長少少時間，話晒畢業第一份工做到而家，都未真真正正好好休息過，放假好多時都俾我拉咗去旅行，既然諗住休息一兩個月，我哋去一個星期旅行都ok吧？heehee～逸bb嘅百日宴之後個星期我哋就出發了，好學生嘅我，星期四要返學，當然後星期五出發星期三返香港啦﹗
目的地方面，我再一次要係去唔去韓國之間掙扎，未學韓文之前成日去韓國，計埋今個學期我學咗兩年半了，反而呢段期間未去過，但今次一月係韓國全年入面最凍嘅時間，行李又會好多，揹住曉又會好辛苦，曉(同埋我)又唔係好捱得凍，結果都係理性地打消咗呢個念頭～最合理嘅目的地當然係新加坡了，可以避寒之餘，美姨移民去新加坡咁多年我一直都未去探過佢，加上而家新加坡多咗咁多新嘢玩，好多家庭帶小朋友出門第一個選擇唔係去沖繩就係去新加坡了，好吧，gogogo﹗
今個trip嘅blog命名為「new新加坡」，因為講我自己去新加坡嘛，嚴格嚟講真正有入境去旅行嘅算係第三次，但頭一、兩次都係小學時嘅事lu，一次就係跟旅行團去「星、馬」(當年新加坡仲係普遍地稱為星加坡呢)，另一次就係去澳洲時飛新加坡，回程時停留多兩日，呢兩個trip印象唔係完全冇，但就只剩低零零碎碎嘅記憶片段，對於我嚟講今次係全新新加坡啦﹗
日日都好忙，結果出發前只係book咗機票同酒店，去嘅地方都只係略略咁睇過，大景點就有同美姨商量過少少，見步行步吧﹗第一日去到只有晚飯，第二、三日我哋都同美姨一齊，唔駛plan咁多住嘅～
曉曉，唔夠位啦，帶唔到Daisy同Dora去啦～
出發嘅早上執埋行李， 閱讀全文
11-5-2016：半熟手媽媽13m．媽媽奶辛酸史(六)之苦盡甘來早晚親密時光
之前一直有睇開我嘅blog嘅讀者會唔會因為媽媽奶辛酸史一至五而覺得餵人奶好麻煩呢？其實作為過來人，如果唔駛返工的話，人奶一定方便過奶粉十萬倍，乜嘢都唔駛洗、唔駛消毒，出街去旅行唔駛帶大包小包，一揭起件衫就食得，bb肚餓喊到拆天都唔駛等，正～返工要泵奶嘅媽媽當然辛苦好多啦，行李又重又怕帶漏嘢，又怕返工忙得滯唔夠時間泵奶，又怕泵唔夠奶俾bb食，運送又怕啲冰種唔夠凍奶會變壞，又怕塞乳腺又怕乳腺炎，所以要向堅持嘅在職人奶媽媽致敬啊(請參閱：12-7-2015：半熟手媽媽3m．大包小包上班去)～好在我唔係日日返工，我都唔知我返全職的話有冇能耐堅持到咁耐～
係母乳媽媽group嚟講，我而家餵到13m算係中等經驗值啦，都未算係老資格，因為媽媽牌嘅推崇嘅係「自然離乳」，即是唔係 閱讀全文