2-3-2015:懷孕扎記32w2d.膨脹中的baby bump

18週的時候開始好肯定突出來的係肚肚而唔係腩腩,而嗰一日覺得突得幾靚喎,所以開始用BabyCenter app入面嘅bumpie功能去影肚肚嘅selfie(請參閱:22-11-2014:懷孕扎記18w0d.selfie bumpie @BabyCenter app)~一直堅持每個星期都影,雖然冇人哋嗰啲咁講究整個靚靚background或者著住用一套衫,但一直增大嘅肚子都好明顯丫~

螢幕快照 2015-03-02 下午6.52.38

呢度就係由18週至32週嘅肚肚﹗﹗ 閱讀全文

31-10-2014:懷孕扎記14w6d.肚vs腩?

最近我不停問day呢個問題--「我呢個係肚定係腩呀?」--應該已經煩死咗佢⋯^^”

1st trimester嘅時候,因為6週左右有少少spotting,嗰陣中醫師都叫我唔好走動太多唔好操勞唔好拎重嘢,當然之前幾個月慣咗做運動都全部停晒啦~食又冇話食得多咗好多嘅,只係因為時時作悶,個胃一空就要食少少餅乾,我諗多出嚟嘅攝取量應該都只係一塊又一塊嘅梳打餅⋯不過呢,我1st tri嘅weight gain其實都得2lbs左右,但會唔會因為少運動而肌肉變肥肉?9週左右其實平時啲褲已經好緊,所以之前先講話要急切買新褲子之嘛~

到咗11、12、13、14週⋯個肚子好似有啲突,我都換上咗上次買bra時一齊買嘅孕婦底底,高腰包埋肚子又有彈性嘅阿婆底,咁大個女都未著過,感覺非常舒服~而面衫方面,已經唔可以唔著孕婦褲or鬆身連身裙,究竟呢個係肚定係腩?明明教科書話,孕婦腹部檢查的話,12週先至啱啱係肚子度摸到個子宮頂部⋯咁⋯肚出嚟嗰啲係咪肥膏呢?呢個真係諗極都諗唔通~(老公又會話我諗得太多⋯)

於是我就變咗個layman,上網係度search啲「幾時見肚」之類嘅關鍵字⋯作為專業嘅醫生,如果同一個問題有病人問我,我會充滿自信咁同佢講,個肚睇落大定細唔重要,bb健康,醫生話你體重增長速度、子宮大小ok就得﹗但好多似換轉自己切身處地時,就會變成無知婦女㗎啦~IMG_5114

如果睇呢張圖,確實12週係有少少肚嘅~問媽咪,佢話嗰陣4個月左右至見肚﹗睇網上啲討論區,啲太太們嘅答案vary from 2個月至5個月都有﹗之前梁詠琪同陳茵薇係同一場合 閱讀全文

6-10-2014:懷孕扎記11w2d.孕婦裝邊度買?

之前一直以為,要三四個月後至見肚嘛,即是之前一直可以著平時著開嘅衫啦?原來小胖底嘅準媽媽們比較快就會覺得平時啲褲仔緊,勒住個肚,除咗我之外,舊年生咗baby嘅同事YY醫生都係咁講呢~所以繼之前大出血買咗幾個bra之後,冇隔咗幾日我就要買褲子了﹗

上一篇blog講過我係淘寶買咗兩條legging,質素其實唔錯,而且肚子位亦可以容納將來長大嘅BB呱,但質料太厚了,而家九月十月著會太熱啦~我上上星期五emergency要買褲係因為嗰個星期六要去迪士尼,著裙子去迪士尼都唔太方便吧?對於邊度有孕婦衫衫賣,我只知道我上次買bra嘅O1O,同埋之前聽YY講尖沙咀嘅Mothercare,平時都冇乜點留意,係荃灣放工我又懶得去尖沙咀,不如上網睇下就近有咩鋪頭啦?一search之下只有討論區出嚟,哦,愉景新城嘅Bossini有maternity line?confirm一下位置先,咦,愉景新城原來已經冇咗Bossini?﹗最近嘅係⋯荃錦中心﹗過去睇下有冇maternity條line啦,噢,只係細細間嘅普通Bossini⋯愉景新城有荷花親子喎,去到,oops,裝修﹗呢個時候我已經非常沮喪~個商場有好大area賣BB嘢,但竟然少少serve準媽媽嘅鋪頭都冇﹗

結果? 閱讀全文