14-2-2015:情人節part 2之浪琴表香港馬術大師賽

呢個情人節活動早係2014年尾時已經定落嚟啦,其實只係有一日隨便上網睇下Cityline有咩節目表演出售門券,就偶然發現呢個馬術大師賽嘅活動了﹗當時正式宣傳都未開始呢~相請不如偶遇,與其要大家諗爆頭去邊度慶祝,不如我哋兩個大鄉里出去見識下新事物啦~當時早早買飛仲有early bird優惠,而座位都好正呢~

馬術大師賽一連三日舉行,2月14日係第二日賽程,有下午場次同埋晚間場次,我哋嗰張門票係6:00pm至12:00am,吓?﹗咁長時間?﹗有冇比賽比咁耐?﹗開頭買飛時個網站都仲得好少資料,所以都懞查查,後尾先至陸續post出時間表同其他details~哦,與其話係觀賞一個體育比賽,更加貼切應該係一個社交活動﹗因為我哋門票包括嗰六個鐘頭,原來有馬術訓練demonstration、正式嘅大師賽之一嘅Gucci Gold Cup、馬術藝術表演,係主場館旁邊有個大嘅area叫做Prestige Village,有各個贊助商嘅booth,簡直就似個小市集,又有啲雕塑同展覽,又有餐廳酒吧,大開眼界呢,唔單單係一個體育比賽嚟㗎~而主場館嘅活動結束之後,仲有DJ打碟到午夜12點,夜鬼們可以繼續social~

我哋入場時六點半左右,馬術訓練嘅demonstration至啱啱開始,係主場館暫時入座率都仲好低咋~SONY DSC

有兩個年輕馬術運動員,由一個資深騎師帶住佢哋做啲練習,嗰個德國藉嘅老師之後都有參加Gucci Gold Cup呢~其實教兩個年輕人之餘,更加俾廣大市民觀眾認識 閱讀全文

14-2-2015:情人節high tea@香港迪士尼樂園酒店

原本講過好多次,對於超多糕餅嘅high tea不感興趣嘅我,居然我哋會係情人節去咗high tea,而且仲要係我提議嘅喎~事關今個情人節我哋嘅重頭節目係去觀賞下一篇blog會講嘅馬術大賽,而位於亞洲博覽館嘅馬術比賽又晚上六點半開始喎,晚餐時間唔湯唔水,不如去食個勁嘅下午茶就入場啦~既然要去到老遠嘅亞洲博覽館,所以將tea嘅地點鎖定係迪士尼or機場附近嘅兩間酒店,老公問過之後,我哋決定去香港迪士尼酒店嘅華特餐廳~

SONY DSC

雖然電話話full booking,只可以walk in,但入到去華特餐廳,入座率都唔高丫,我哋坐得都好鬆動~服務生嘅衣著同餐廳嘅陳設都係維多利亞時代咁,古色古香~我哋order咗 閱讀全文