再補番寫舊o既diary，我D「diary債」越來越大了…真是oh no~

第二朝瞓到8:30am，都算有充足o既睡眠~去食o左package包埋o既自助早餐，quality一般般啦，又唔係太中式又唔係太西式，但我都係想食D偏向西式o既早餐，佢有即煎o既荷包蛋呀﹗熱呼呼的，good﹗

不過油o左少少啦~

食飽飽之後再去最後一次o既溫泉，朝早都係人比較少，可以浸得自在D，可能今次o既假期時間比較鬆動吧，都唔會有種好趕呀好趕呀o既感覺，每個位置都可以輕鬆的enjoy一下﹗入o左去個「香薰房」，入呢個房都要幾苦心o架，因為唔可以著泳衣入去，要入更衣室著番件客服，入面靜靜暗暗的，有一張張搖搖梳化椅，俾人可以好relax咁躺上去休息一下，有D好寧靜o既音樂，我瞓著o左呢~呢朝真係係咁瞓，後來我o地又再去「地熱帶」，又睡了好一會﹗

浸到差唔多十二點都番房沖涼執o野check out lu~holiday差唔多到尾聲啦~再去中國餐館食lunch，幾個小菜依然好好味，鹽水鱸魚(超好味，魚肉唔似平時o既鱸魚咁鬆散，質地幾結實，魚味好濃，但好矜貴呢，每人得一至兩件。)、籠仔蒜蓉蒸菜心(是招牌菜吧，周圍幾乎張張枱都有食﹗)、潮州式涼瓜排骨(開頭以為個「潮州式」只係個名，好似南華D「俄羅斯忌廉湯」之類，原來真係唔同個喎，味道清清的，有D鹹酸菜係入面~)、蘆薈蒸蛋(超滑滑蒸蛋﹗但蘆薈o既質感…有少少似…似…鼻涕﹗oops﹗)、中湯~

食完lunch係附近逛逛、影下相，因為搭3:15:am o既車嘛，所以仲有好多時間，行到咁上下係花園o既露天茶座坐坐，飲o左杯奶昔，我o既草莓奶昔普普通通啦，似奶多過昔，唔係好濃稠，但o個度o既環境真係一流﹗

係車上梗係大瞓特瞓啦，要預備夜晚跟陳醫生call嘛~我又瞓家姐又瞓，佢個頭係咁跌落o黎呀~阻住我瞓﹗可惡﹗

去到珠海o既九洲港轉船番香港，回程冇去o既時候咁飄咁大浪，坐得舒服得多了，聽聽歌時間好快就過去啦~船上o既廣播講船上小賣部有咩食，哇，有超令人懷念o既「餐蛋麵」呀~

你覺唔覺呢，船上o既餐蛋麵係特別特別好食o架(一定要餐蛋，腿蛋都唔得﹗)，以前去離島都一定要食下﹗但好耐冇食過lu~呢日都冇食，因為番到香港要食dinner嘛~

同爸媽姐食完飯就孤身上路了，今晚約o左組mate一齊番QE跟陳醫生on call~唉，中間發生o左一件倒霉o既事﹗好慘呀~~~~~~~~~~~~~~~~~

我係尖沙咀搭o左一架小巴，話會經佐敦地鐵站去黃埔喎，咁我咪諗住係佐敦落車o羅，點知架車一直冇經過D熟悉o既位置就到o左紅磡火車站﹗點解會咁o架？點解會咁o架？慘、慘、慘~

點算好？搭咩車都唔o岩…最終…都係行番過去醫院﹗係紅磡行番過去比原來由尖沙咀行過去仲遠，唉~最終都行得到o既，唯有安慰自己行多D路變美女啦~

仲有，好在有day同我傾住電話陪住我~

雖然呢晚冇emergency OT，但都好fruitful喎，睇o左兩個case，一個係neck mass，晏晝入院，陳醫生抽o左我o地好多submandibular swelling、trismus o既書，零識答，又教我o地睇CT neck~第二個case o岩o岩入院，係IO，佢直情俾我o地take history、做P/E，仲叫我o地記錄埋係牌板入面添，又教我o地prescribe D investigation、management o個D，教o左點樣計fluid replacement，如果我o地夠膽，直情可以俾我o地打drip﹗但大家都…唔…忘記了點做…

本來都預o左會過夜o架啦，但佢十一點幾就叫我o地走lu，原來佢都有得瞓覺~咁都好丫，又學到o野，又有得瞓，good呀~

前往其他中國旅遊blog

都係補寫番呢日o既diary…如果逼埋同一日寫就會超級長了﹗

出發去珠海御溫泉o既日子…要係中港城搭9:30am o既船，7:30am就要係屯門出發啦~因為去玩，所以唔怕早起身﹗

搭船大概要70分鐘，架船都幾飄呢，上船前飲o左杯奶茶，有少少想嘔﹗

好辛苦呀~好在好快都到目的地了﹗過關我特別慢，因為只有我仲係拎住本回鄉證，個個都係回鄉咭了﹗申請o左啦，過多兩日就可以領取了~御溫泉係郊區，仲要搭多一個鐘頭多D o既車先去到，係車都唔係太瞓得著，睇下風景，聽下歌，吱喳一下，時間都唔難過~

要1:00pm人o地退晒房先可以check in，我o地先去食lunch，中菜館上次都去過lu，不過淨係對D裝潢有印象咋，食物o既味道都唔係好記得lu~叫o左炆蓮藕、煮豆腐、砂鍋魷筒、中湯，樣樣都好味，而且好大碟好澎湃﹗仲好抵添呀~今個人只係比平時o既canteen雙餸飯貴少少~

check in之後入房稍為休息一下先出動去浸溫泉﹗房間好舒服，係榻榻米形式o既床，窗邊有張矮枱，望到田野咁o既風景，洗手間設備日用品都齊全，果然係四星級，good呀~

去大大時發覺廁所門有道謎題，話估中call客戶服務個number，集合四人之力，好快就解決了兩間房o既謎題﹗

真係有服務員送禮物o黎間房呀，係條手繩呀~房入面有各式各樣o既棋類，我o地玩o左好復古o既波子棋(個底板超細，要拈起小指頭o黎行呢~)、飛行棋(細個玩時會喊，尤其係俾人食o左隻棋同埋擲三次六時~我好冇「棋品」o架~

哈﹗不過而家好多了，起碼唔會喊~但玩得依然緊張刺激﹗玩game最緊要投入嘛~)、鬥獸棋(得爸媽識玩咋~)…

休息一陣就出動第一次浸溫泉了﹗呢兩日實在係旺季中o既旺季，所以超多人﹗

御溫泉有好多個溫泉池，除o左中間o既中國版圖形狀大池之外，側邊仲有好多好多個各式各樣o既溫泉池，有名花、名木、名酒、咖啡一系列四款，中藥o既六福湯(六個池各有唔同o既中藥同療效)，椰奶湯、瓜果湯、香薰湯，冷熱溫差o既池，按摩池，浸腳池，仲有其他享受o既area，按摩、facial、修甲、採耳之類…o個D我o地就冇試了﹗溫泉周圍都有飲品免費拎o黎飲，除o左水同soft drink之外，仲有D特別o既健康飲品o架，六福湯附近有幾款有療效o既涼茶，我當然…飲o左…「消脂減肥茶」啦﹗

人係真係好多o架，我o地盡量揀D少D人o既池o黎浸o羅，好多個池我都好鍾意，特別係香薰湯o既檀香味，D味歷久不散，變了美女﹗

仲有個冷熱溫差o既池，43度泉水–>瀑布o既凍水–>43度泉水，哇，爽呀~

係「地熱帶」度躺一陣，休息一下﹗雲石地板下面係溫泉水，烘得地板暖暖的，躺係上面好舒服(其實好似係屋企瞓按摩床咁﹗)~但美中不足係「地熱帶」對面係燒烤區，D燒o野食味好濃、飄o左過o黎~有D破壞氣氛o羅~

浸到咁上下去休息間食D水果麵飽，飲杯熱飲~

dinner﹗去o左日式餐廳食火鍋﹗其實都唔係太日式了，但都冇所謂啦，大家都係比較鍾意食中式o既食物~食物o黎o左開始煮啦，點知個爐唔多妥當，一直都唔熱呢

，我o地好有耐性咁等o左20min，但都冇滾過﹗搵個waitress過o黎，佢同我o地換o左個爐，但第二個爐，oops﹗滾過一次又係自己熄機﹗

換–>唔得–>換–>唔得﹗總共換到第六次﹗真係發夢都估唔到會咁，哇~~~~~~~~~~~~~~~~~~~~~好慘呀﹗

食o左好耐都食唔晒枱上面o既食物﹗因為D火力唔夠﹗煮唔熟﹗趕唔切番房睇america’s next top model啦~真係oh no~爸都小躁﹗我自己又冇meng喎，淨係覺得件事好搞笑~

最終都食得完o既，但過程真係幾艱辛﹗錄o左好多短片記錄呢件奇事﹗

番到去真係差唔多做「女王的教室」了，媽同姐都有追開，要睇大結局，我不嬲都冇睇開，但我o地話想夜晚再去浸浸溫泉嘛，所以都唯有一齊睇啦~節目做到11:15pm，睇完先再出動﹗

夜晚個round媽咪冇去lu~我o地三個去o羅~人少o左好多，天氣又冇咁熱，浸得都幾自在﹗但都要早D瞓啦，十二點左右都番去lu~享受o左個好舒服o既shower就瞓啦~我都好想屋企係榻榻米呀(瞓出界都唔驚~)~

前往其他中國旅遊blog