18-2-2015:送馬迎羊之逛年宵、食湯圓團圓

今年早係年廿五時行過一次荃灣嘅年宵市場,嗰日年宵市場啱啱開幕,同事話不如食完lunch去行一趟,所以毫無預兆之下就去行咗一圈,不過好多檔口都準備完成,而且下晝要繼續工作,大家都冇收獲~年三十晚食完團年飯,不如都去行一行屯門年宵市場啦~

我哋由屋企沿住屯門市鎮公園河邊再過河到對岸,抵達天后廟前嘅年宵市場~年三十晚果然係年三十晚,人超級多,為咗保護30週嘅肚子,我哋採取「火車頭式」嘅動作前進,即是老公行前面,我搭住佢膊頭行後面~人太多令興緻減少,我哋行濕貨行咗兩條街,買到花之後,決定行乾貨一條街就返屋企了,頂唔順丫~下年都係要趁人冇咁多嘅時間來~螢幕快照 2015-02-20 下午6.39.40

今年我哋買咗一盆蘭花,結婚三年幾我哋今年一齊經歷第四個農曆新年了,第一年買咗菊花,第二第三年都係水仙﹗其實老公最想買水仙,不過見好多水仙都未開花,感覺唔太應節,而其他花嘛,見到啲百合麻麻地靚,劍蘭的話我哋屋企個花樽唔夠高又support唔到,桃花我年年都想買㗎啦,不過 閱讀全文