最近幾個月好忙(煲劇、瞓覺)，即使有時間打blog都分咗嚟追番啲旅行blog，半熟手媽媽系列有幾個月冇同大家見面了，好在仍然堅持到每個月係Facebook發表曉曉嘅成長紀錄，搵次有心機真係要轉移番過嚟個blog度好好存檔﹗過埋正月十五有好幾日，煲完「鬼怪」大結局，有時間打番呢個過年blog～
雖然係曉曉第二個農曆新年，但今次對佢嚟講好似第一次過年咁呢，舊年得嗰十個月大成舊飯飯咁，今次就真係樣樣有佢份了﹗
感受今個農曆新年氣氛嘅開始應該係去新加坡旅行時吧﹗
我哋先係新加坡唐人街－－牛車水逛咗第一個年宵市場，所以今年公公婆婆屋企、姨媽姨丈屋企同我哋自己屋企都有新加坡人嘅特色新年掛飾菠蘿呀﹗又關菠蘿事？爸爸居然知道， 閱讀全文
同美姨食完沙嗲午餐之後，美姨就車我哋過去Gardens by the Bay，我哋可以花四個鐘自己係嗰度慢慢玩～今個trip真係好好彩呢，美姨咁啱幫我哋搵到Gardens by the Bay同埋Universal Studios嘅免費門票，真係慳唔少入場費錢錢～多謝美姨﹗
一落車見到最醒目嘅當然係好多棵超高大樹花園啦～曉都要「哇」一聲？我估應該都係爸爸做導演～ 閱讀全文
原本考慮之後花一個full day去Singapore Zoo同埋正正係隔離嘅River Safari，美姨提議今日我哋下晝就去Singapore Zoo了，因為地點好遠，佢可以車我哋去，一心諗住新加坡地方唔大，遠極有限，原來Singapore Zoo嘅位置可以想像成羅湖咁，差不多去到邊境，搭公共交通未必去唔到，但如果自己坐車去都可能真係花好多時間，咁車我哋去梗係好啦～
去到時下晝兩點幾，距離公園關門只有四個鐘，我哋決定全力玩Singapore Zoo了，唔好咁多心想去兩個park，入到去發覺果然係正確嘅選擇，因為入面好多嘢睇好多嘢玩丫，玩一日都唔嫌多，不過買門票時我哋加多S$5買埋tram ride門票，呢個就真係徙咗錢了，因為我哋入到去完全徒步，一次都冇搭過，因為又要係指定地方等，行車又只有單方向，想free啲都係行路算數～而家上網睇一睇，原來事先上網買定飛平好多﹗平日有九折，peak有九五斤，係super peak先至買番原價～所以如果一早計劃好行程，一定要提早上網買飛，又可以節省排隊嘅時間呢～
入到去見到有各種「租車」服務，上次去北海道嘅旭山動物園(請參閱：2-9-2016：北海道三人行day 6(part 1)．旭山動物園(上)之「葉公好龍」)，園內bb車全部免費任用，嗰次曉又肯坐，我哋輕鬆唔少，新加坡唔少大型景點都有bb車，但全部都要俾錢租呢，Singapore Zoo特別嘅係，除咗有傳統bb車之外，仲有可以坐兩個小朋友嘅手拉車，啲小朋友坐得特別高興呢～今次我哋就冇考慮租喎，曉跑步步+輪流揹應該都ok～
睇一睇啲show嘅時間，兩點半有一場Rainforest Fights Back Show，我哋先直接行過去了﹗
行過去睇show途中會經過Zoo-rassic Park，其實係一條以恐龍模型裝飾嘅路，第一次去動物園有得睇恐龍﹗ 閱讀全文