26-8-2017:開學前3+1高雄假期day 2(part 3).六合夜市食食食

每次去台灣,都覺得要去過夜市先似去咗台灣咁,今次都唔例外,點都要去夜市掃下街~出發前我媽有講過,睇下夜市有冇嘢啱曉曉食啦,而事實上,曉曉食得嘅嘢比我更多,起碼佢食得蚵仔煎我就唔食得喇~我比佢叻嘅地方只係我食得比佢辣少少同埋我比佢相對肯試新嘢咋~

話說我地離開夢時代,諗住搭番輕軌出去捷運站,呢個時候我哋先發現原來輕軌運行咗冇耐,暫時未有得賣單程飛,我哋得一張悠遊卡,所以搭唔到輕軌,呢個時候只可以選擇搭巴士或者的士,雖然只係七點幾,但有好幾條巴士路線已經開走咗尾班車,剩低有運行嘅路線嘛,我哋對於啲地標同捷運之間嘅位置唔太熟,而家又冇得上網搵路線,day不停話「嗰架的士好似同我哋招手喎」之下,我哋就揀咗快靚正嘅選擇,直接搭的士去到六合夜市了﹗

六合夜市其實以前都去過,不過對上一次去⋯check番blog嘅紀錄,原來已經係2009年lu(請參閱:6-2-2009:第一站高雄.六合夜市),其間去過其他台灣夜市,我都唔係好記得六合夜市有咩特別~而家睇番2009嘅blog,原來我哋食咗嘅嘢同嗰次冇一樣相同呢,不過今次我依然有同day講過,飲果汁的話要睇清楚係咪新鮮果汁﹗

到咗六合夜市啦~ 閱讀全文