29-8-2016:北海道三人行day 2(part 4).慕名到訪政壽司、小樽運河夜景

既然搵唔到可以俾曉跑步步嘅地方,而間神社又唔係我哋預期咁樣,於是我哋決定早少少過去政壽司搵位了,唔知會唔會好多人嘛,可能要等一個鐘或以上呢﹗我哋由神社返出去熱鬧嘅街道時,經過咗住宅區,山坡上都有好多靚靚屋呢,係香港好難有得住house嘅我哋羨慕唔到啦~係小樽,政壽司有兩間分店,我哋日間經過運河附近嘅色內分店,同埋我哋今晚去食嘅壽司屋通總店~

去到登記時格局同食蟹宴差唔多,講低名之後同你講要等一個鐘,今次個等候室仲靚過上次食蟹嗰度好多,座位更多又舒服,仲有洗手間係旁邊添﹗我哋見曉曉行嚟行去又唔會悶或者唔耐煩,所以今次都冇同佢出去行街了,附近等位有一家三口日本人,個小男孩大個曉曉一歲左右吧,佢又想同曉曉玩又怕醜,我逗佢佢又咭咭笑,曉曉有個小哥哥係度又冇咁悶吧,後來日本家庭仲有其他客人入座了,得番我哋三個,後來又有韓國人大家庭,個唔知嫲嫲定婆婆見到曉曉問佢幾多歲,我膽粗粗用韓文答咗佢,但唔記得用敬語丫﹗好冇禮貌添~:p

collage241

等位時有咩好做?當然睇下餐牌之餘又陪下個女玩啦~

到我哋了到我哋了﹗我其實 閱讀全文

29-8-2016:北海道三人行day 2(part 1).搞掂行程預約、出發將太家鄉小樽

我哋八日行程嘅頭兩晚都住係札幌,今日day 2就係小樽嘅day trip,札幌搭JR去小樽的話,快車只係半個鐘左右,而且班次都好密,好方便呀﹗不過出發之前我哋有非常重要嘅時要做,我哋要買好晒之後咁多日旅程嘅火車飛呀﹗以我哋不自駕遊嚟講,JR可以算係命脈~anyway,食飽飽先講﹗

三井花園酒店嘅早餐都好正呀,自助早餐嚟講選擇非常多,和式西式都有之餘,餸菜種類又多又好味~果汁好幾款、麵包好幾款呢啲唔算奇,連和式早餐配飯食嘅醃菜同熱葷都好多種,去到日本旅行,我通常都傾向食和式早餐,少有機會食丫嘛~

collage211

曉:粟米湯好味﹗

day 1嘅blog講到,我係香港用電腦編好晒行程,揀好晒火車班次,但最老土嘅居然 閱讀全文