有咗baby以來第一次大出血原來首先係為自己添裝﹗﹗其實未驗孕已經感覺胸比平時特別谷，而且原來時間過去，都未見肚，胸就先升cup﹗一早已經停用有鋼絲胸圍，但平時感覺超舒適嘅Uniqlo柔軟bra最近都越來越緊，尤其有悶悶感覺時更辛苦，所以發現都係要買bra bra啦～本來想等到12週，樣樣settle down先花錢，但似乎個胸s等唔切了⋯:p

睇啲懷孕資訊知道，其實升cup會繼續進行直至生產，所以唔係按照呢一刻嘅size去買就ok，結論都係去孕婦店買可以用到成個懷孕加生產後過程嘅bra，附近邊度有？我只諗起玩具反斗城入面有個section係賣孕婦用品叫「010」，希望唔好撞到熟人啦，話晒呢一刻嚟講都仲係未公開嘅秘密～

個sales實在太識做生意了，係一個笑咪咪嘅微胖中年女人，彷彿你有咗baby就係佢嘅幸福一般～:”)原來呢啲專門店都幾貴，但bra bra又真係專為孕婦貼身設計呢，sales姐姐揀咗兩款俾我入去試～哇，即使有wire都超舒服﹗﹗佢嘅underwire同平時唔同，平時係硬硬嘅鋼絲，但呢個係有柔韌性嘅、魚絲似嘅物料，有support得嚟又唔會好硬頂住～

帶子比較寛，承托力較好，有三層扣子調較鬆緊，俾你長肉之後都戴得舒適～ 閱讀全文 →