嚟到旅程最後一日咯，時間都唔多，所以只留係台北逛一逛~其實爹媽兩人熟台北熟到不得了，仲有咩地方想去呢？睇旅遊書發覺有個新新地o既「台北探索館」，咦，我哋都未去過，就今日去行下啦~而且位置就係台北101旁邊，即是可以去埋誠品添~(每次去台北都想去誠品旗艦店﹗:p買買買~買一大堆返來﹗呵呵~)
我哋住o既Just Sleep酒店好近地鐵站，所以去邊度都咁方便﹗ 閱讀全文
17-9-2010：台北宜蘭trip day 6．台北探索館、101大樓
2
標籤彙整: 台北
16-9-2010：台北宜蘭trip day 5．出海親親海豚+龜山島、返台北爸媽與老朋友相聚
宜蘭對開o既海就係太平洋lu，上次去過花蓮，基本上係同一個海，所以既然上次去花蓮有得賞鯨豚，宜蘭都一樣有，今次同爹媽去，睇下我哋運氣好唔好，會唔會見到鯨魚海豚呢？而宜蘭對開有個龜山島，一般嚟講呢啲出海o既船都會順道經過俾大家望下o既~我哋個cruise係經礁溪o既民宿幫我哋book o既~價錢同旅遊書講o既都差不多，確實價錢都唔係好記得lu~
我頂帽係之前嗰晚係羅東夜市買o架﹗太陽咁猛，都係戴番頂闊邊帽好啲﹗媽咪都有買~我哋嚟到碼頭準備出海咯﹗因為個cruise完咗就直接返台北了，所以拎住巨行李，好在，船公司都肯俾我哋放舊巨行李係佢哋個office度~ 閱讀全文
14-9-2010：台北宜蘭trip day 3(part 1)．宜蘭頭城農場知性之旅．藏酒酒莊DIY+暢談
係寧靜o既農場休息一晚之後，又開始一日豐富o既行程~起首o既係農村風味o既早餐~
之前有冇影過呢？我哋食飯o既地方有啲似入camp，一張一張圓枱，有啲膠椅疊起，食完嘢又要自己執拾碗筷，不過就唔駛自己洗碗~早餐都係自助形式，有蕃薯粥等等o既傳統食物~都幾好食﹗ 閱讀全文
12-9-2010：台北宜蘭trip day 1．真的just sleep
又有得去旅行囉~呵呵呵~真開心﹗假期其實一共有九日，不過因為18號要參加婚禮做姊妹，所以今次叫做去咗六日旅行啦~話就話六日，事實上係玩五日，因為第一日搭夜機，係港龍20:55起飛去台北o既班機~咁咪好徙？其實唔係o既，今次諗住去宜蘭，開頭直情諗住就咁買機票，然後只訂宜蘭o既旅館，不過嘛，原來連兩晚台北酒店o既package居然比起就咁買機票仲要平？﹗所以早一日去到，瞓一瞓覺都抵番~
點解去宜蘭o既？話說本身諗住同爸媽家姐去o架，媽咪話都好耐冇去過日本，而家姐都不嬲鍾意去日本，打算去伊豆半島嗰邊…但後來家姐請唔到假，咁下次等埋佢先去日本啦，爹爹就忽然提議去宜蘭了，聽講嗰邊有礁溪溫泉同埋有啲農場，聽落都幾有趣，好啦，就宜蘭啦﹗而且經過台北，爹媽又可以去探一探舊朋友仔﹗
出發lu，出發lu~
day來送機~真好~ :”) 閱讀全文
28-5-2008：歷史的印記．台北landmark
咁耐之後先補打番呢篇blog blog，希望仲記得詳情啦~從印度開始計，離開屋企已經有六個幾七個星期，終於o黎到最後一日旅程﹗因為下晝都要搭飛機番香港，所以時間都唔多，我o地三個都o黎個台灣o既人對於行程冇乜咩特別o既執著，所以都悠閒為主~
呢間就係我o地住o既酒店啦，位於龍山寺附近，聽爹媽講呢區比較品流複雜喎，好在我o地住係度呢三日都平平安安~不過酒店本身嘛，新裝修過，所以都住得幾舒服，加上我o地係印度時住過各種奇奇怪怪o既酒店，自然覺得好滿意了~ 閱讀全文