上一篇blog一推出，我哋嘅史官家姐即刻whatsapp同我講，喂，我哋係去完龍山堂先至食lunch㗎～oops，sorry～因為今次個旅行太多相機影相，爹爹嘅手機、爹爹嘅相機、家姐嘅手機，day嘅手機，我嘅相機，全部mix埋一齊，而且大概除嘅史官由始至終都有影相之外，大家影嘅都唔係史實嘅全部，我當時就顧住隻曉，我都有啲糊塗了，anyway，時序都唔係最重要嘅，希望啲印象深刻嘅片段係相隔四個月之後(今日打blog時已經係五月中)仲可以記低落嚟啦～
之前姓氏橋嗰篇blog講過，檳城好多華人，而每個宗族嘅華人都有自己嘅祠堂，邱氏似乎係檳城都好繁盛呢，佢哋嘅「邱公司」(我相信應該係讀作邱公祠)係當中變成旅遊景點了，因為最大、最靚、keep得又好吧～既然我哋一行七人之中有邱氏，就一齊去參觀吧～ 閱讀全文
今日George Town裡面另一個must go嘅目的地就係睇壁畫，之前家姐睇啲資料話可以坐人力車去欣賞，既可以體驗old town風情，又可以省少少腳骨力～我哋由姓氏橋離開，向壁畫群嘅方向步行，發現冇耐又有一幅冇耐又有一幅，而且距離都唔係好遠，而且驟眼都未見到搭人力車嘅地方，於是繼續－－行﹗
行再遠啲嘅距離本來都唔係問題，我哋跟爹媽去旅行由細行到大，之不過天氣實在太太太太熱﹗太陽實在太太太太猛﹗你要知道，平時 閱讀全文
第一日嘅行程主要只係搭飛機搭車、唯一行程只係食咗個靚飯，瞓咗一晚到day 2，我哋正式出去玩lu～首先梗係食個靚早餐先啦﹗我哋去Hard Rock酒店嘅Starz Diner食自助早餐，搵個位坐低先～
我哋一行六大一B，如果係坐長枱，我哋嘅主席通常都係曉，方便左右護法(爸&媽)傍住佢嘛～Hard Rock酒店係音樂、Beattles做主題，周圍都係佢哋嘅公仔、相片～ 閱讀全文
抵埗檳城之後我哋出發往酒店啦，由機場去我哋預訂嘅Hard Rock Hotel都要一個鐘車程呢，我哋直接去機場嘅Taxi Stand買飛搭的士，好好丫，原來有大架的士可以載晒我哋6大1B連行李，而且價錢已經按距離定好，俾埋錢先出發咁就安心啦～去旅行真係最怕俾人呃丫～
可能山路大多，轉好多彎，而且冇同曉著定短袖衫係入面，最盡都係剝剩長袖單衫同薄長褲，佢係車上都瞓得唔穩～好啦，到啦到啦，落車⋯哇﹗﹗﹗原來馬來西亞而家真係超熱﹗﹗特別係我哋由冬天嘅香港過嚟～最吸引我嘅係酒店嘅welcome drink囉～check in時又有少少失望呢，我哋心目中係訂好三間double room，其中一間加BB床，點知職員話只俾到兩間twin room、一間double room我哋，吓？﹗唔係幾個月前訂好房嘅咩？睇番酒店voucher，竟然double room係「request」而唔係訂實㗎？如果一早留好指定嘅三間房俾我哋點會冇呀？理論上應該配好房間編號俾住客家嘛，我會expect其中一間房入面已經有BB床放係度歡迎我哋添，點知冇喎～我哋仲要等人入嚟安張BB床～
我哋係度勞氣嘅時候，因為曉都自己勞氣，爸爸帶佢周圍行下睇嘢，咦，似乎佢有啲驚驚喎～ 閱讀全文
終於到咗出發嘅日子lu﹗yeah yeah yeah～早上再執埋最後嘅行李就出發囉，既然而家同公公婆婆住埋同一個屋苑，當然一齊搭的士去機場啦，估唔到我哋四個大人一個B、三隻大行李一部BB車都可以一架的士載晒，good﹗去到我哋同姨媽姨丈會合，一齊係機場翠華食(第二轉)早餐先～
check in時都有啲唔順利，話說出發前一日家姐幫手上網check in，但發然成部飛機嘅兩個俾BB坐嘅搖籃位已經有人揀咗﹗得番單丁位﹗如果揀的話即是我同曉自己坐前面？冇得同爸爸一齊照顧，四個鐘頭嘅機程咪好辛苦？﹗人哋咁早揀得嗰個位，都未必肯同我哋換啦⋯我哋打咗電話去港龍嘅熱線問，佢話佢哋會盡量幫忙有BB同行嘅家庭，去到機場counter時會再同我哋處理，咁就好放心了～點知去到機場check in時，居然同我哋講冇得調，因為預先揀咗位嘅乘客張飛係高啲等級嘅經濟艙，係「上等人」，有優先揀位，而我哋嗰張係「下等人」飛，咁冇辦法啦～所以最後我哋6+1就2個2個2+1個咁坐，而我哋一家三口同公公婆婆就前後行，咁都好啦～當時係有啲生氣，因為人哋冇BB又坐搖籃位，我哋有BB又要坐普通位，咁唔合理嘅？﹗而熱線嘅職員同地勤職員講嘅嘢又唔一樣，哈，個地勤職員好落力叫我哋「反映意見」，似乎佢哋都好多無奈呢～
食完個早餐我哋就入閘過關了﹗話說曉張passport相係兩個幾月大時影，同而家個樣都好唔同了，大家成日都疑惑究竟曉會唔會過唔到關？﹗結果 閱讀全文