18-11-2011:斐濟蜜月day 12.國粹rugby之Coral Coast Sevens

唔好意思,差唔多要慶祝結婚三週年,我仲係度打埋最後兩篇honeymoon blog,真係慢到冇人有,不過,遲到好過冇到,點都係齊齊整整、有頭有尾嘅好﹗何況尾二呢日亦係我非常期待嘅一個節目啊~

早係網上book咗Fiji Hideaway Resort and Spa時,就係佢個官方網頁度發現咗有得代購Coral Coast Sevens嘅門票,雖然唔知Coral Coast Sevens係邊一類型嘅比賽,但始終㰖球係斐濟嘅國民運動,我哋香港人又唔太熟悉,點都要體驗一下現場氣氛啦﹗門票一啲都唔貴,我哋e-mail同concierge book好門票,yeah~到時至算啦﹗bus

酒店職員話運動場就係Sigatoka Town,我哋對於呢個地方都唔陌生了,之前都去過or經過幾次,既然只係一條路,我哋就搭巴士過去啦﹗酒店就已經位於Coral Coast了,Google Map話離我哋睇rugby嘅Lawaqa Stadium只係21公里(呢個係啱啱知道嘅資訊﹗),坐巴士好快就到啦~DSC02259

Fiji人比較大隻,好似大家有啲逼添~未去Fiji前我哋都唔係好sure呢啲Polynesian嘅人種係點嘅面貌、點嘅膚色,原來佢哋係圓面圓眼圓鼻子厚嘴唇嘅面貌、偏深嘅膚色、好多人都天生爆炸頭,但膚色嚟講就遠遠比非洲嘅黑人淺色得多了~DSC02260

我哋去到Sigatoka,一時之間唔係好orientate到自己,於是問問路,警察叔叔叫我哋跟住呢位同僚警察叔叔行,因為同我哋一個方向喎,但佢腳程超快,我哋要半小跑步至跟得上添﹗DSC03923

慢慢越接近會場,就開始有啲活動氣氛了,見有好多小攤檔賣零食飲品,最搞鬼嘅係佢哋全部都係家庭式經營,果汁似乎係屋企自家製,再入落重覆使用嘅「環保膠樽」再賣出嚟,我哋嘛,就唔太感興趣買了~:pDSC02263

哇,到會場外面了,經過鐵絲網已經見到健碩結實嘅運動員係度熱身啦﹗DSC03924

今日觀賞Coral Coast Sevens嘅Lawaqa Stadium,Wiki話呢個場館可以容納12000觀眾㗎﹗DSC02266

我哋嘅門票﹗我哋坐Grandstand,free seating嘅,相對於Grandstand應該係對面嘅草地位,我哋有瓦遮頭,唔怕曬~DSC03926

雖然去到時間唔算好早,但都坐到個靚位~DSC03928

免費派發嘅場刊,正好做紀念品,我哋亦要follow住schedule先知發生緊咩事﹗DSC02267

我哋住嘅Fiji Hideaway Resort & Spa都有贊助比賽,難怪酒店網頁有幫手宣傳活動啦,而球場上亦有佢嘅logo~DSC02268

分牌嘛,係人手負責﹗你要好好留心,唔好發呆咯~DSC02270

每場比賽時間都好短,所以唔同球隊係球場上出出入入,熱身、比賽、返更衣室,我哋都冇乜機會去認下球隊、認下球員~rugby game

對於我哋講,呢項比較陌生嘅運動睇落都係估估下,總之要將球帶過去底線後面啦,好似係兩條柱子中間會高啲分咁~雖然規則唔係好識,但見啲rugby先有嘅戰術都覺得好有趣,例如有敵方堆住一個抱住球嘅隊員,佢就要側瞓係地上,死首住個波,再趁機交番個波出嚟俾隊友繼續帶上去,呢個過程我稱之為「生蛋」,因為真係唔知個波點樣係下面唧咗出嚟﹗至於舉高隊友去截擊高處投過嚟嘅球亦係其他球類比賽見唔到~返到嚟香港再睇下Hong Kong Sevens呢啲國際級賽事,高下立見,始終Coral Coast Sevens係地區賽事吧,Hong Kong Sevens入面嘅斐濟國家隊真係唔係講笑的,非常健壯、非常強頑,雖然斐濟係面積上嘅小國,但真係rugby嘅強國呢~

我覺得男孩子參加rugby運動真係幾好,又要體能又要體格又講究團體合作,應該會又大隻又fit又多朋友﹗女仔嘛就唔好了,始終太多碰撞丫﹗DSC02312

後來有啲球隊仲有啦啦隊添,觀眾席上更有氣氛啦~DSC02318

我哋都唔等得到所有比賽結束,就要出去Sigatoka Town食lunch,跟住趕返去酒店咯~因為我哋之後嗰日就好早飛機返香港,始終Coral Coast離Nadi機場都有啲遠,寧願早一晚去到機場附近瞓,都唔好晨早流流搭長途車去機場,萬一車程有咩閃失就大件事啦~

我哋去咗一間印度餐廳食,Fiji印度人好多,所以有印度餐館一啲都唔奇﹗lunch2

繼上次食過cassava之後,今次又係一間平民鋪頭,更貼近一下當地人嘅生活﹗右下角係大家熟悉嘅咖喱+薄餅,但右上角嘅⋯點解好似中菜?﹗仲要係茶餐廳嘅碟頭飯?﹗都唔出奇嘅,當年我哋去印度,間間餐廳都賣啲疑似中菜嘅東東啦,好似「chow mien」呀、「fried rice」呀咁~heehee,啱口味仲好啦~

我哋預約咗車子直接送到我哋去機場旁邊嘅Raffles Gateway Hotel,應該都坐咗有兩個鐘吧,正確時間我都唔係好記得了~hotel

雖然只係住一晚方便第二朝搭飛機,但都好靚好滿意丫~不過時間唔多,天色又陰陰的,我哋都冇試用佢個小泳池咯~DSC03938

你睇,Sigatoka離呢度有70公里,之前我哋去激流嘅Navua有161公里~dinner附近餐廳唔多,我哋揀咗呢間食快餐pizza嘅,都坐得舒服,食物就澎湃咗啲﹗食到超飽之餘,餐廳職員好似自己搞緊party,佢哋切咗蛋糕仲分咗件俾我哋食添呢~肚滿腸肥丫﹗

酒店附近都冇乜好逛的,所以我哋食飽飽都返酒店休息啦﹗

我哋住嘅Raffles Gateway Hotel:

http://www.rafflesgateway.com/

待續

前往其他斐濟旅遊blog

Comments

comments

發表迴響

你的電子郵件位址並不會被公開。 必要欄位標記為 *