1-8-2014:加州婚禮+夏威夷day 7(part 2).珍珠港之Bowfin潛水艇

其實整個World War II Valor in the Pacific有好幾個monument可以參觀,大家必去首選當然係我上一篇blog嘅Arizona Memorial啦,如果仲有時間其實可以去參觀其他戰艦甚麼的,我就選擇去參觀潛水艇,2006年嗰次去紐約,六姨丈就帶我參觀過航空母艦啦,潛水艇對我嚟講更新鮮呢~SONY DSC

Bowfin潛水艇嘅外觀﹗見到佢嘛?水面左邊係橋,右邊就係潛水艇了﹗擁有修長嘅外型﹗

我哋買咗潛水艇+博物館聯票,又睇實物又有新知識更完滿﹗參觀之前我哋填飽肚子先~SONY DSC

午餐就係Visitor Center嘅食堂解決,睇落係普通嘅熱狗同脆脆,呢一餐難得地令人非常滿足呢~熱狗腸腸夠熱夠粗又juicy,麵包微微烘過,加上多款自選醬汁,令我懷念起F.3暑假嗰年去Toronto讀summer school時食過嘅街頭熱狗呢,事隔咗十幾年,唔知而家仲係咪周街都有熱狗檔呢,嗰陣hotdog $2、sausage $3(當然係加拿大$$啦),我通常揀經濟嘅hotdog,總係非常美味,自己加加加啲配料就變得非常豐富,嗰陣都覺得好可惜㗎,點解香港唔興呢啲熱狗檔呢?要唔要我開一檔掀起潮流?另外我哋叫咗nachos,有濃郁嘅芝士醬同埋肉醬,雖然nachos唔算好脆,但醬汁好味,又填飽埋我哋肚子﹗杯入面係chicken noodle soup,中式口味少少嘅西式湯,湯王點會唔鍾意湯呢?SONY DSC

好,我哋開始參觀,登上甲板咯﹗SONY DSC

要走過好斜嘅樓梯入去潛水艇呢~SONY DSC

潛水艇嘅海軍生活真係好艱苦﹗你睇,床鋪下面就係魚雷﹗﹗因為環境狹窄,每一點點嘅空間都要100%利用﹗SONY DSC

由船頭行到船尾要經過無數次呢啲小艙門,又厚又重又細,係咪萬一入水時要即刻「落閘」?SONY DSC

我哋睇到三層碌架床覺得好逼,但你要知道,潛水艇入面嘅床係唔夠一人一張的,而係大家輪流瞓﹗Bowfin有八十幾個船員,床就得廿幾張,所以每張床都係24小時全部被occupy的~加上全部都係佬,大家記得男生宿舍陣味吧,我估潛水艇入面應該臭男生宿舍三倍﹗﹗SONY DSC

廚師都好辛苦呢,呢個廚房係香港嘅住家已經唔算細,但如果係煮八十幾人份量嘅一日三餐呢?廚師們真係又要動手又要動腦先安排得好﹗SONY DSC

複雜嘅機件⋯要我學就頭都爆﹗SONY DSC

好在餐廳都算闊落﹗(點解變咗參觀示範單位?﹗)SONY DSC

雖然廚房相對地細,但餐單絕對唔馬虎噃,仔細睇睇,連甜品都有呢﹗令辛苦嘅行軍生活加少少精彩吧~

話說係戰爭期間,海軍生活好辛苦,特別係潛水艇嘅海軍,因為係咁焗促嘅環境,人都好易癲,所以每次任務都只會一個星期多啲,就要泊岸放放假~戰爭期間,軍隊包起咗威基基嘅老字號酒店Royal Hawaiian Hotel,作為慰勞軍人之用,威基基海灘變咗軍營一部份,用鐵絲網圍住,雖然度假嘅軍人要四人share一間房,但已經係人生一大樂事﹗今日嘅Royal Hawaiian Hotel:

http://www.royal-hawaiian.com/SONY DSC

我哋再次登上甲板,睇下各種軍事設施﹗扮下嘢先~SONY DSC

大炮--火力如何?最好唔好試了~SONY DSC

呢個望遠鏡今時今日仲work唔work㗎?SONY DSC

好work﹗連遠處戰艦上嘅遊客嘅一舉一重都好清楚呢~

之後我哋去參觀博物館~離開潛水艇時職員問我哋買唔買紀念照,今次難得地買咗呢,上次水立方就話RMB20,仲要一大相一細相連鎖匙扣,今次US$10,但佢係好有心思嘅製作呢,相片印成係號外報紙上面咁,我哋見報呢,職員仲話$$係for潛水艇maintenence之用,就支持下啦﹗上嚟我哋屋企就見到貼緊堂啦~

潛水艇+博物館套票價錢已經包括audioguide,我發現原來揀「family」嘅錄音更適合我呢,其實係講俾細路仔聽,所以英文用字簡單啲,語氣親切啲,多啲小故事,少啲長氣嘅歷史,可以繼續聽唔會咁易放棄﹗:pSONY DSC

呢個似係軍用水壺嘅係乜東東?原來係世界上第一隻潛水艇嘅模型﹗成個人坐係入面,只突少少頂部出水面,而家啲潛水艇有型好多bor~SONY DSC

潛水艇任務通常係偵察作用,原來箱子入面係戰時各種型號嘅戰艦潛水艇模型,我方敵方都有,海軍要train到好熟,遠遠見到個形狀就認得出係邊一款船,知道係自己友定敵人先可以報告上級嘛~SONY DSC

哈,男人自古以來已經不變﹗﹗想要有女人愛慕?加入海軍啦﹗SONY DSC

原來海軍們對自己嘅艦艇都好有歸屬感,會設計自己隻船嘅吉祥物,仲會印係文具呀日用品呀上面添~SONY DSC

GI Joe同Barbie都有出過海軍造型嘅product呢~SONY DSC臨走前影番個招牌先~

我哋唔夠時間去埋其他戰艦,之後仲有重要活動呀,繼續留意我下一篇blog吧﹗

我哋參觀嘅珍珠港正名係World War II Valor in the Pacific,可以去官方網頁參觀,有多啲資料:

http://www.nps.gov/valr/index.htm

Bowfin潛水艇:

http://www.bowfin.org/

待續

前往其他美國旅遊blog

Comments

comments

在《1-8-2014:加州婚禮+夏威夷day 7(part 2).珍珠港之Bowfin潛水艇》中有 2 則留言

  1. 原來FAMILY AUDIO GUIDE係咁既意思,下次去到英文地區旅遊都可以留意下有無~
    參觀潛水艇真很幾有趣,我真係無諗過一架潛水艇會有成八十幾人咁多~

    • 係呀,聽原裝大人版大辛苦,聽完馬上唔記得,都係簡短啲精要啲仲有趣~
      係潛水艇住真係人都癲~

發表迴響

你的電子郵件位址並不會被公開。 必要欄位標記為 *