睇完電影出嚟，我哋要搵個靚位睇canoe pageant，相信係類似水上巡遊的東東吧﹗

再一次發現ambassador嘅優越地位，原來佢哋有特別劃位嘅呢，我哋想睇得靚就冇得坐得舒服，要坐得舒服少少嘛⋯

就要隨處亂坐，因為怕鞋子跌落河，都係除埋佢穩陣啲﹗day就辛苦一陣企下咯～

我哋呢個位都唔錯，距離live band雖然遠少少，但巡遊隊伍就睇得好清楚﹗原來canoe pageant係每個民族輪流坐小艇出場，展示佢哋嘅民族服飾、舞蹈、風情，果然賞心閱目～

先嚟係夏威夷嘅Hula舞，我哋之前係Royal Hawaiian Center學過少少呼拉舞，係喇，佢哋嘅擺動pat pat係nice and smooth㗎～大家記住啊，呼拉舞嘅擺能同肚皮舞係唔同啊～

之後幾隊各有各特色，有的熱情奔放，有得熱鬧歡樂～見到綠色衫嘅紐西蘭隊嘛？女孩子腰上纏上流星錘波波，我哋之前去佢哋部落玩過嘅呢，今次都有帶上場﹗

Fiji對於我哋嚟講就係特別啲嘅一隊了，Fiji係我哋honeymoon嘅目的地嘛，令人不住對比一下當年去Fiji時睇到嘅歌舞，係咪都相似呢？道具同裝束都好熟悉啊～(請參閱：16-11-2011：斐濟蜜月day 10(part 2)．熱鬧的Robinson Crusoe Island晚會)

睇完水上巡遊之後我哋前往Tonga部落，距離我好想去嘅Tahiti婚禮演出仲有一段時間，可以去Tonga睇多一個show～

每次經過Tonga都聽到大家嘅聲音好熱烈呢，究竟有咩秘密？開場先邀請小朋友們一齊上台學跳舞～

Tonga部落人們嘅歌舞擊鼓表演反而冇花好長時間，原來⋯亮點係⋯

現場(壯男)觀眾上台嘅精彩(被玩)演出﹗三位男士都係來自美國大陸，主持人就稱呼佢哋做「Arizona」、「Texas」同「Utah」－－即是佢哋來自嘅州～要上台做咩？跳舞啦、打鼓啦、大叫土話啦、展示男性嘅一面啦⋯好在幾位都好玩得﹗>v<“～

為表謝意，每位參加者最尾完成挑戰都有加冕嘅榮耀﹗﹗

雖然睇完show都唔係對Tonga嘅特色好有印象，大家都睇得好開心丫，笑到肚痛～

之後移步到－－大溪地﹗

大溪地每日有四五場show，但我哋專登揀呢一場因為係一日只有一場嘅婚禮演出丫﹗我哋揀個靚位先﹗有竹蓆子鋪係草地上面，我哋就揀一張稍稍冇咁曬嘅坐低啦～

新娘子正預備呢～

經過咗奉獻、誓約等等，禮成﹗

大溪地呢個演出，仲趁機俾在場嘅遊客couple重申婚姻嘅盟約呢，我同day都企起咗身，面對面，跟住主持人教嘅去回應﹗原來佢哋許諾時答嘅係「No﹗」喎，點解呢？原來問嘅係「你會唔會離開你嘅丈夫/妻子？」，咁答案當然係no啦～

之後嘅時間我哋周圍隨便逛逛～大家可能唔係好熟悉Polynesia嘅範圍，其實就係指太平洋嘅島國s地區喇﹗大家比較熟悉嘅夏威夷係頂頂啦，我之前去過嘅Fiji就係紐西蘭嘅北邊，至於Samoa、Tahiti呢堆就比較中間，Rapa Nui，即復活島就比較近美洲嗰邊了～

我哋參觀下部落嘅房子～

見到一層層嘅葉子鋪成嘅外牆，諗起日本白川鄉嘅合掌屋呢～(請參閱：7-6-2008：拜訪合掌村@白川鄉)

外面空地有堂上，原來係夏威夷部落教緊條呼拉舞呢～後來我哋又見到有教ukulele同埋烤麵包～

我哋有參加大溪地嘅標槍丫﹗削尖咗嘅木條，加埋有重量嘅槍頭，拋物線地擲出去吧﹗果然男士對於打獵有天分啲？有好幾個爸爸同我老公都可以真正拋到出去呢，有啲仲中咗target個圈添，我嘛，幾次都係中途墜落⋯:p

葉子手工班就有成就感多啲﹗我哋跟住老師將葉子穿嚟穿去，整成一條魚仔﹗

重點係可以chok條魚仔呢，有趣有趣～我條肥魚+day嘅結實魚而家係我哋屋企客廳度啦～差不多到晚飯時間，我哋周圍影下相慢慢散步去餐廳啦～

我哋去嘅Polynesian Cultural Centre網站：

http://www.polynesia.com/

待續

前往其他美國旅遊blog

Comments

comments