30-7-2014:加州婚禮+夏威夷day 5(part 3).大島之夏威夷火山國家公園(下)

早上出發時一早就預告咗我哋呢個tour唯一正正經經嘅一餐就只有late lunch / early dinner,我哋四點幾就嚟到呢間Lava Rock Cafe了﹗原本係機場Starbucks買嘅scones結果都冇出場,係夏威夷果仁廠食咗個好勁嘅雙球雪糕之後一啲都唔餓呢~SONY DSC

Lava Rock Cafe

我哋嘅點餐早係旅遊巴開始進行,大家係張餐單度做記號,司機稍為推廣一下夏威夷名菜loco moco,馬上有大批支持者出現,包括我哋丫﹗SONY DSC

餐廳基本上只有我哋一團人,始終係怪時間進餐嘛~劃咗一小個偏廳俾我哋,大家自由坐都好free,唔駛夾硬同啲唔識嘅團友寒喧寒喧,甚好~SONY DSC

可以揀沙律或湯,湯王梗係揀湯啦,尤其係落雨濕濕又凍凍地嘅情況之下暖一暖身﹗係濃郁豐富嘅豆豆湯,係香港要自己整嚟飲相信要去鬼佬超市至買到啲豆豆了~SONY DSC

我哋除咗叫loco moco之外,揀咗西餐以外嘅另一個選擇,見description係牛肉湯麵就試下啦,味道冇問題,只係正常,但份量⋯太少﹗﹗麵已經好稀疏,牛肉更加絕無僅有~我哋share嚟食都好少少,自己食一份呢個湯麵真係想喊~SONY DSC

呢個就係loco moco了﹗我哋一見佢上場--哦,原來係頹飯﹗不過夏威夷頹飯都有一股魅力(可能任何頹飯都有),令人念念不忘,食完又心郁郁想再食﹗白飯面頭有一塊厚實味濃嘅鮮漢堡,上面嘅半熟煎蛋係亮點,蛋黃一破,mix埋上面嘅gravy配白飯食真係一絕﹗我哋係度品嚐loco moco時就係度思考點樣返香港重現呢度菜呢~結果爹姐恒都食咗一次「仿loco moco」呢~感覺如何?

我哋食飽飽團友都未完成,於是出去兩間紀念品點逛逛,我買咗兩張postcard,最後都原封不動跟住行李同我哋寄返嚟香港呢,因為之後都冇遇到郵局買郵票~講到夏威夷手信or紀念品,我哋買咗嘅主要係macadamia nuts(夏威夷果仁),其次就係夏威夷釀製嘅水果酒,仲有夏威夷恤呀、其他擺設呀咁,其實另外有一樣嘢都係名品--夏威夷刺繡﹗係呢度我哋欣賞到好多作品(原來好貴﹗﹗),另外都有啲刺繡套裝,不過嘛,都係唔啱我了,我只會⋯令任何顏色嘅刺繡都變成紅色﹗﹗SONY DSC

我哋之後去最後一站Jaggar Museum,途中經過招牌大家落車輪流影相﹗SONY DSC

火燭乎?nonono,係火山嘅熱氣丫﹗SONY DSC

近睇就係咁﹗大家爭相係度話,steam丫美容丫~我就唔敢吸入太多,始終係火山噴出嚟嘅蒸氣,裡面會唔會mix咗啲咩有害物質㗎?SONY DSC

到咗Jaggar Museum外面嘅觀景台,要哇一聲﹗﹗可以咁近見到火山口呢~SONY DSC

入去博物館入面睇,介絕咗Kilauea Volcano嘅種種,我知道咗brownies熔岩同牛屎熔岩嘅分別同真名,原來呢啲似頭髮嘅東東都係熔岩﹗﹗SONY DSC

參觀完出嚟,好美嘅日落呢~SONY DSC

嚟到呢度,我哋夏威夷大島火山day tour都嚟到尾聲啦,坐番一個鐘頭左右嘅車出番去Hilo機場,我哋要返去Oahu島嘅威基基嗰邊lu~

臨走前司機幽默咁講,大家入閘後要小心時間,因為Hilo機場嘅梳化椅係全世界機場之中最舒服的﹗瞓著咗就弊啦~SONY DSC

所以都要試試,哈,果然名不虛傳﹗

我哋返到Honolulu坐番shuttle,逐一送大家返酒店,我哋出發時係第二組pick up,所以回程時都係第二組返到呢,非常好﹗又累又有少少餓,唔出去食嘢了,呢啲時候最好嘅就係⋯IMG_4695杯麵﹗yeah~仲要係日清出品,味道就有保證啦~

我哋參加嘅Roberts Hawaii嘅網頁:

https://www.robertshawaii.com/

夏威夷火山國家公園官方網頁:

http://www.nps.gov/havo/index.htm

待續

前往其他美國旅遊blog

Comments

comments

在《30-7-2014:加州婚禮+夏威夷day 5(part 3).大島之夏威夷火山國家公園(下)》中有 8 則留言

  1. 我諗到了,你講嘅刺繡套裝=DIY pack
    我以為係刺繡嘅suit…=.=”
    所以你係怕刺親手指吧?:p

    • 媽咪原來冇聽過呢個term﹗﹗
      頹飯=頹廢飯,窮苦大學生最愛~
      以前讀大學普通飯可能二十蚊左右一碟,但頹飯售價係親切嘅$10﹗腸蛋飯/腿蛋飯仲有得撈汁,餵養唔少肚子,但呢啲咁嘅內容,明知冇乜益但偏偏又幾好食,所以即使唔窮困都可以食下~

  2. 仿loco moco,材料看起來是頹飯,其實一D都唔頹,因為漢堡是自家製,所以很有肉味,不過一點美國STYLE也沒有,反而就像是港式碟頭飯~
    我地之前去阿蘇火山都曾經試過近距離觀賞火山口呢﹗

    • 最大問題係個汁唔對路,因為冇真gravy,所以隨便買咗日式牛肉飯汁充數囉~
      阿蘇火山嗰次更近﹗

發表迴響

你的電子郵件位址並不會被公開。 必要欄位標記為 *