26-7-2014:加州婚禮+夏威夷day 1(part 2).幸福滿滿的上頭祝福

今次再嚟美國時我同day已經係一個家庭嘅單位嚟過關入境了,美國嘅immigration出名多嘢問同埋花時間,但今次問咗我哋兩個問題嚟做乜嚟幾耐就放我哋過去了,等埋行李都好快就出到嚟啦~不過飛機delay咗,唔知airport shuttle嗰度影唔影響呢?DSCN0060

今次住嘅酒店,係珊珊一早幫我哋訂好咗離三藩市較遠,但位於離佢住家、婚禮場所較近嘅Campbell,所以一般嘅公共交通就去唔到隸屬San Jose嘅呢個小鎮了~我出發前預先上網訂咗一間叫做SuperShuttle嘅公司,接送我哋來往三藩市機場嘅兩程,根據網頁指示,我哋要上一層再搵番佢哋個counter~因為shared ride service比起door-to-door service平實在太多,我哋已經知道我哋會同其他前往相同方向嘅旅客坐同一架車~結果我哋㗎van坐咗四個party嘅客人,我哋係最後一站,不過對於我哋兩個昏迷不醒嘅人嚟講,坐幾耐好似都唔係太重要,尤其對屯門人嚟講,坐車瞓覺比起坐飛機瞓覺應該更加拿手~

我哋訂shuttle係呢間,完全可以網上操作+付費:

http://www.supershuttle.com/DSCN0062

坐咗超過一個鐘,我哋嚟到Campbell Inn了,可能未瞓醒,又decrease GC,我落車時遇到少少意外,就係落車姿勢係⋯五體投地﹗我會話,如果我40年後一樣咁跌法應該會有rib fracture >.<“⋯好在30歲嘅我只係擦傷少少啫⋯我用2秒嘅時間企番起身,腦裡面嘅第一個諗法唔係傷到邊、痛唔痛,而係,希望唔好咁多人見到啦⋯好樣衰丫﹗

Campbell Inn都住得好舒服,我哋揀咗二樓嘅房間,窗口就望番走廊,所以都要時時關窗簾,對我哋亞洲size嚟講,床好大~而且我鍾意佢有兩個洗手盆,咁就方便啲啦~多謝珊珊同Bill嘅招待啊~

雖然我哋會參加珊珊嘅family dinner + 上頭活動,但肚子餓了,都係要補充番啲粮水先~行出去Campbelll Inn,望望左望望右,感覺左邊會快啲有嘢買,gogogo~DSCN0066

感受到Campbell係一個舒服、寧靜嘅加洲小鎮,陽光又好~我哋出門時適逢遇到單車隊伍,奇嘅係佢哋騎嘅單車同我哋一般嘅好唔同噃,架車好長,個車輪好大,把手好高,要吊高一對手去軚盤,唔係一個半個人嘅單車係咁嘅樣,而係連續幾十架都係咁嘅style﹗一定係某啲喜好團體嘅活動﹗有冇人可以話俾我聽呢啲係咪而家最流行嘅玩意?DSCN0067

原來我哋行5-10分鐘就到嘅shopping mall就正正係我之前上網見到嘅The Pruneyard,不過呢一刻嘅我對逛街都冇乜興趣了,最緊要有嘢落肚,要快~IMG_4660

搵到間麵包店,我哋簡單的share咗一份clam chowder,因為晚飯時間都好早,唔好食太多了~想買啲平平地嘅樽裝水做儲備,但個商場唔係好覺有supermarket或者便利店咁添,再算啦~

珊珊家姐安排好我哋搭Maggie表姐架車,連同姨媽、契媽五個人一齊出發去晚飯地點--醉香居~聽個名就知道係中菜館了,原來係Cupertino嘅醉香居嗰個商場以前珊珊就帶過我哋去了,去到覺得個mall個樣熟熟地,confirm一下,bingo(請參閱:7-2-2011:USA trip day 6.與康熊貓聚聚舊@Japan Town & Muir Woods)~呢個係華人mall,我哋終於去咗間華人supermarket補充番啲粮水,非常好~SONY DSC

yeah,好開心呀,同準新娘子合照先~

同女家親戚們晚飯都有四圍枱,爸爸媽媽兩邊嘅親戚都有,感受到呢個家族非常融洽呢~食物方面都好大陣容,雖然係華人開嘅中菜館,但食物都係美國size,份量好足﹗﹗我哋盡力食之後,表哥都要打包啲返屋企~辛苦了﹗SONY DSC

食飽飽之後就係新娘子嘅上頭啦,由珊珊最大嗰個姨媽操刀~SONY DSC

恭喜晒~

我哋返到酒店都要好好休息丫,第二日就係由朝到晚嘅珊珊big day了,day不嬲適應時差都有啲慢⋯哈,希望佢聽日唔好係人哋嘅大日子度zzzzz啦~

待續

前往其他美國旅遊blog

Comments

comments

在《26-7-2014:加州婚禮+夏威夷day 1(part 2).幸福滿滿的上頭祝福》中有 4 則留言

  1. 我一係WHATSAPP知道你跌親,第一個反應係:”我個妹真係好論盡…”
    入境唔再問咁多問題係咪因為你唔再係單身女子?

    • 好似去親旅行都總會發生啲事,好在都唔係太嚴重啫⋯
      我諗多少都有啲關係啦,另一方面day同一個簽證第二次入境都可能有啲關係吧?

發表迴響

你的電子郵件位址並不會被公開。 必要欄位標記為 *