係Lalati住咗三晚，落咗兩日雨，雖然冇我預期中嘅豐富節目，但我哋都要離開呢個可愛嘅地方lu～

Byebye，我哋嘅Honeymoon小屋～

我哋由Beqa Island坐番Lalati嘅私家船仔出番去大島Viti Levu了，係碼頭當然唔少得Lalati好似一家人一樣嘅員工大和唱Isa Lei送別曲啦～

我哋馬上就進發我哋下一個「據點」，旅程去到day 10，由一直追住我個blog睇嘅朋友們就會知道，我哋最初五晚係位於Denarau Island嘅Fiji Resort & Spa managed by Hilton度住，之後就去咗我哋啱啱離開嘅Lalati Resort & Spa，唔計臨走之前係機場附近瞓嗰一晚，我哋最後一站就係Coral Coast嘅Fiji Hideaway Resort & Spa了﹗Coral Coast係大島Viti Levu嘅南邊海岸，沿途都係美美嘅白色沙灘呢，大家馬上就會見到了﹗Hilton的話算係國際品牌，感覺時尚、專業，Lalati嘛就比較似家族經營，有人情味，私隱度高，適合想有私人空間嘅新婚夫婦，至於Hideaway嘛，比較屬於family friendly嗰type，我哋都見到比較多帶埋細小朋友嘅一家大細嚟度假～

一排排彩色嘅海灘小屋﹗我哋住嗰款係新裝修嘅Deluxe Beachfront Bure，令我最期待嘅係佢嘅private outdoor shower呢～

哇，無敵嘅藍藍海～

美美嘅花花～

早去到未入得房，我哋四處逛逛、影下相先啦～

荷花開得正好呢～

孔雀開屏？﹗

呢度係spa，裝飾都好靚，不過我哋幫襯咗Lalati嘅Loloma Spa就冇諗住同一個trip再做spa了，而且係呢幾日我哋節目豐富呢～

有得入房了﹗

哇，床上已經有歡迎我哋嘅裝飾呢～心情即刻bru bru bru上升～:D

因為係honeymoon，resort又送咗香檳俾我哋呢～我哋係Hilton時已經開咗支香檳，我嗰個唔飲得嘅老公冇義氣地只飲咗半杯就頂唔順，今次都係唔好開了，我哋⋯帶返香港同大家share啦﹗

周圍都用鮮花裝飾得好靚呢，outdoor shower好正﹗有少少陽光滲入嚟，但圍牆又夠高，可以好放心係度沖涼，我哋之後都有用outdoor tub嚟浸泡泡浴呢～(香艷XD)

day重新製作歡迎句子﹗之後仲有多一款添呢～幾片葉子，我哋自己再砌砌砌又有得玩一餐﹗

小屋前面有個小陽台，呢個就係我哋小陽台個view～

吹吹海風真係正喇﹗房間裝飾嘅雞蛋花又變成我嘅頭飾啦～

小陽台～

海真係好藍好藍好藍，水真係好清好清好清呢～

chu~

sweet sweet sweet～

我哋去食個lunch，之後好好活動咯﹗

餐廳有結他+ukulele樂隊，加添悠閒氣氛，大家自己想像下音樂旋律咯～

大概都係澳洲紐西蘭遊客最多吧，餐牌主要都係serve西式食物，我哋食得light啲，沙律同烤雞share嚟食～

之後就去親親大海咯～

行到頗出都仲係好淺水，我哋都只係浸浸，冇話真正嘅游水～始終時間都早，太陽好猛﹗

哇，居然淺水區都見到魚仔游來游去呢～

實在太太太曬了，我哋之後轉移陣地去游咗陣泳池，泳池相樣就細少少啦，而且都多其他遊客～

返房沖一沖身至去傍晚嘅節目，你睇下day幾creative？又用一樣嘅葉子砌出另一幅畫～又好有熱帶風情bor～

雖然有少少亂糟糟，呢度就係Deluxe Beachfront Bure嘅內部了﹗

大家對Hideaway有興趣可以click去佢哋條link度睇下：

http://www.hideawayfiji.com/

待續

前往其他斐濟旅遊blog

Comments

comments