14-11-2011:斐濟蜜月day 8.Beqa Lagoon的海底世界

嚟到Lalati第二日,一個good morning梗係由早餐開始啦﹗Lalati係all inclusive package,一早俾嘅錢已經包括咗一日三餐,所以每一餐都叫人期待呢~breakfast

早餐一定先有個擺得靚靚嘅水果盤﹗﹗既清新又健康~早餐嘅主菜可以係餐牌上面揀,我哋住咗三晚,正好試多幾款口味~DSC03601

呢張雙人吊床無論瞓幾多次都唔會厭呢,加上斐濟無懈可擊嘅天氣,正~DSC03603

睇到我哋嘅行裝就知道我哋今日嘅行程咯﹗冇錯,我哋會出海水浮潛﹗今次同Oolala唔同(請參閱:10-11-2011:斐濟蜜月day 4(part 1).超讚的Oolala day cruise),上次Oolala係大船載住一大棚人出去大海度浮潛,今次係小型出海,一個教練帶住我哋兩個去「游」覽一下Beqa Lagoon﹗最近重睇番張小嫻嘅麵包樹系列,第二集嘅「麵包樹出走了」講嘅就係一個斐濟女孩去香港尋歌手夢嘅故事,亦係我人生第一次接觸斐濟呢個地方嘅點,故事講男主角係斐濟潛水時遇難(後來當然先知佢冇死到啦),原來潛水嘅地方就係Beqa,以前睇時只覺得係斐濟嘅「嘰哩咕嚕地方」,去過再重睇就發現,哦,我都去過lu~DSC03604

Resort嘅自家碼頭,yoyoyo,出海lu~DSC03606

可惜天色麻麻地呢,好似要落雨要落雨咁~DSC03609

哎吔吔,又有血腥場面﹗雖然係細細隻嘅船仔,但海上嘅浪都唔可以講小的,拋一拋我成個人pat pat離開張椅,滑稽地坐咗係地,手踭一撞就傷咗咯,而家(打blog時係2.5年後)仲留有疤痕呢,係斐濟帶多咗個「紀念紋身」返來了~DSC03610

好了,教練拋低咗錨,固定好隻船,我哋一行三人就可以落水啦~DSC03612

天色認真麻麻地,望望遠處嘅島嶼,有種神秘氣氛呢~combine corals

今次浮潛魚仔冇Oolala嗰次咁多,但珊瑚都係形狀各異,色彩繽紛,令人目不暇給﹗﹗大家要仔細留意珊瑚中嘅魚仔,見唔見到Mo仔呢?

其實大家去Beqa Lagoon通常會潛水,不過我都係怕怕,唔敢誇出呢一步,Beqa有別於斐濟其他嘅潛水點,係佢有斐濟唯一嘅shark dive﹗我就冇去過喇,不過可以一齊睇下關於shark dive嘅網頁同埋video:

http://fijisharkdive.com/

大家第時去咗記得影啲相同video俾我睇下啊~DSC03636

對於呢個Beqa浮潛我印象最深刻嘅唔係海底世界嘅美,而係好強勁嘅浪﹗﹗我哋開頭跟住教練游時逆風,我覺得自己好努力好努力咁游都只係唔後退,完全唔感覺到前進囉,如果日日係度咁樣落力游⋯一定會瘦﹗﹗哈~不過呢,上次去Oolala我想要啲安全感所以拎咗條浮浮條,今次冇呢啲嘢其實仲自由,因為浮浮條令你上半身動作唔自然,今次冇束搏,可以專心咁游同埋欣賞海底景色﹗DSC03644

佢就係我哋嘅教練了﹗amazing嘅地方係,我哋著住輕便嘅泳裝已經游得好吃力,但大家留意,教練著嘅係牛仔三角骨褲﹗﹗即是等於揹住包米嚟游,但佢身手依然好矯捷,呢啲就係日日鍛練嘅能力~DSC03650

游完水當然好餓啦,沖個涼要好好飽餐一頓﹗Lalati供應嘅午餐通常都係比較輕便嘅食物,今次係wrap~

個天谷咗成朝,我哋回程時開始落雨啦,到下午已經一發不可收拾,所以整個下午我哋都只好匿埋係房囉,知道嚟斐濟會多啲空閒時間,我哋事先都係香港帶咗啲VCD嚟睇~睇下戲,休息下啦~

原本嚟Lalati都有好多諗法,因為睇佢個網頁都有各種complimentary嘅活動,其中我有想參加嘅包括行山同埋kayaking,後來都因為持續落雨而取消了,有時去旅行就會係咁,要放開懷抱,接受各種變化嘅狀況都ok先玩得開心嘛~以下係Lalati有提供嘅活動:

http://www.lalatifiji.com/complimentary_activities/DSC03655

所以下一張相已經係晚餐了﹗dinner

晚餐比較豐富,有三個course,detail同味道都唔記得了,總之Lalati嘅所有餐飲體驗都係非常好的﹗﹗讚~DSC03657

Lalati有兩隻動物朋友,狗狗係人類嘅好朋友,至於貓貓就比較unpredictable,大家聽日嘅blog blog就會見到佢~DSC03660黑麻麻之中有少少燈嘅就係我哋嘅蜜月小屋啦,小心地滑,所以大家嘅門匙都附上小電筒的,如果唔係真係黑到見唔到條路呀~

待續

前往其他斐濟旅遊blog

Comments

comments

在《14-11-2011:斐濟蜜月day 8.Beqa Lagoon的海底世界》中有 2 則留言

  1. 天氣唔好水底會唔會無咁靚?大浪游水真係好累~
    酒店包三餐包活動真係唔錯,所以我成日想試下CLUB MED,唔知除左CLUB MED之外,近近地東南亞唔知有無依類RESORT呢?

    • 我覺得水底仍然好靚bor,魚仔冇咁多唔知係呢個area根本少啲丫,定係因為冇專登餵嘢食吸引佢哋過嚟?
      東南亞就唔知,我知馬爾代夫嘅幾乎都係all inclusive package,搵次去下啦~

發表迴響

你的電子郵件位址並不會被公開。 必要欄位標記為 *