day 5嘅行程係我其中一個好期待嘅行程呢,呢個rafting tour早係香港時我已經上網留意到,同埋決定咗要參加﹗之前同Connie去日本埼玉縣時去過嘅長瀞激流叫我印象難忘,好想再去多一次呢類嘅活動~(請參閱:17-5-2010:東京埼玉trip day 3(part 1).長瀞激流)
大家睇睇地圖,我哋住嘅Hilton位於斐濟大島嘅左邊Nadi對開海邊,而今日要去嘅激流就係地圖右下角嘅Navua,幾乎走咗個島三分之一嘅圓周呢,大家望見地圖都知,斐濟嘅公路唔發達,冇得拉條直線過去,所以路程都頗長呢~Google map顯示距離係158km,如果時速70公里至係兩個幾鐘去到,但因為唔係highway,全部都係local路,所以時間亦更長了~
慢慢有流水聲音,差不多到啦~因為我哋嘅rafting係要由高處落去河口,所以仲要上山添~
準備好裝備,出發咯﹗
我哋今次join嘅公司係River Fiji,大家可以去佢個網頁參考下:
http://www.riversfiji.com/rafting/upper-navua
由落車到登上橡皮艇嘅地方都有一小段山路,又要幫手拎啲物資,都少少辛苦呢~
我哋成團人總共三隻橡皮艇,每隻坐四名客人,另外加一個教練,我哋嘅艇仔仲坐咗一對澳洲couple,開頭大家生疏的,後來同教練吱喳下之後就開始交談下了﹗
雖然話係激流,其實水流唔算太急,可能因為只係雨季開始吧,睇到網頁啲相片好似比現實更加驚險咁,如果落多啲雨就可能洶湧啲了~
點解要影我對腳呢?因為著波鞋的話又會全部濕晒,如果著Crocs拖鞋又會甩出嚟,所以⋯我用波鞋條鞋帶綁實Crocs係我對腳上面﹗﹗
午餐都係簡單嘅三文治果汁,因為物資都係用橡皮艇搬運,總冇可能大排筵席吧?
繼續前進﹗我哋三隻鮮黃色橡皮艇,其實公司令外派咗兩個職員撐啲單人船仔,應該叫kayaking吧,其實都可以join kayaking嘅tour的,不過只限出海,冇河流kayaking tour~我諗呢啲職員都係幫手照應下吧?
教練們鼓勵大家輪流上去水簾洞後面影相,應該係佢哋每一日都會嚟嘅指定動作吧,要爬上去都唔易丫,不過我爬上爬落時跣一跣腳,整損咗隻腳趾公,流血添呢~痛又唔係認真痛,不過比較擔心嘅係,因為啲水都不太乾淨,如果入咗菌菌就弊啦,我即刻同教練講,好在佢哋有急救包,止血都唔係重點,最重要係有得用清水洗咗傷口之後,佢有Betadine藥高同我消毒,咁就安全好多啦~好在後來都冇發wound,如果唔係要睇醫生食antibiotics就好掃興了~
點解話啲水唔太乾淨呢,大家都見到顏色其實都係泥水色,而且啲牲畜嘅便便應該都係直接流入河流,所以呢條河都唔適合好似上次去日本長瀞激流咁隨時跳入水游~
係船仔嘅悠閒時光同教練,同澳洲couple傾下計,我記得講過下Fiji嘅食人族,原來Fiji成為殖民地之後,有歐洲傳教士嚟,傳入咗基督宗教之後,啲食人族就唔再食人了,但聽教練講,當時要啲土人歸化好似都有唔少流血事情~另外澳洲couple個女仔好似都幾認識下中國文化的,好似佢嘅後父定後母係華人喎,仲有個中文字紋身添~detail的我都唔係好記得了⋯
我哋上岸後,就搭番River Fiji嘅旅遊巴返去公司大本營了~
嗰個office幾靚bor,好似係咪燒咗隻碟俾我哋?唔知有冇記錯~我哋總之要等下咁㗎~所以有時間係度閒逛,睇下花草~
受傷的腳趾⋯
晚上resort有傳統舞蹈show睇,我哋未食完就開始啦,所以都伸個頭出去望下~
我哋後來嘅旅程有睇到更豐富更高水準嘅傳統舞添呢,今次就叫做少少體驗下先吧~
待續
前往其他斐濟旅遊blog
另外單艇的兩人是幫大家影相!
在office是等燒碟同賣相,當中有大家在車睡著了的相!
係bor,我都唔記得咗添,講番又有啲印象,咁係咪即是我哋仲有大量嘅其他相呢?唔知放咗係邊?﹗
rafting又係我未玩過既既玩意,不過有少少驚~
講起食人族,我諗起去紐西蘭看MAORI的表演時,也有介紹他們的文化習俗,好記得其中一句是毛利人現在不吃人,但吃麥當奴~
去啲不太激嘅都ok,上次我去日本嗰個同今次呢個都好溫和~係舒暢多過刺激~
哈,麥當奴叔叔都係人﹗
其實太平洋島嘅原住民係文化上可能都有唔少共通點,今次嚟緊去夏威夷會去個Polynesian Village,好似就有唔同土著係唔同區,可以比較一下了﹗
玩激流,以前海洋公園都有,多玩兩次就不「激」了。當然,重點在外地的自然環境中,各有不同的景觀,這樣才值得每個地方試試。
所以嗰啲我直情唔會叫佢做激流⋯重點只係要衝、要刺激,但感覺上去旅行玩嘅激流應該係人同大自然嘅interaction囉~上次日本嗰個好溫和,其實你哋搵次都可以去下呢啲~