上岸了﹗呢個小小島叫做Savala Island,應該係船公司嘅私有財產吧,其實島上面冇乜天然物資,所有嘢都係由船搬上去,算係一個大本營大家可以係度食嘢啦、休息啦、親親大自然啦、再出海去浮潛啦、kayaking啦等等~
未到食lunch時間,我哋先四周行一圈視察下,其實個島真係好細,我諗兜一圈都係十幾分鐘嘅事~
島上最多嘅係椰子樹,有啲小樹苗應該係船公司職員特別保護的吧~
開餐lu開餐lu~自助形式,有沙律、有烤肉、有水果、有麵包,仲有無限量供應嘅有酒精與非酒精飲品,我都試下Fiji beer啦~
大家食飽飽之後圍圈坐,因為到咗coconut demnostration嘅時間,萬能嘅職員們會為我哋展示熱帶產物—-椰子嘅種種用途﹗
由實用嘅掃帚、籃子,到小朋友玩嘅草螳螂,都可以用一片小刀、一對巧手整出嚟,邊講邊編織,好快就完成啦﹗
烈日當空,我哋都係留係棚子下面休息一陣先再出動啦~zzzz….
我哋離Savala Island咁遠都仲到地~嚟張合照啦~
大家都筋疲力盡+曬燶晒啦,係時候回程咯~回程時依然樂韻悠揚,Fiji人真係好識搞啲歡樂氣氛,佢哋叫我哋每個地區嘅人士都獻唱一曲,Fiji人帶頭唱咗澳洲同紐西蘭嘅有名民謠,啲澳紐遊客都好投入,大家一齊叫晒口號咁添,唔知點樣「aussie aussie aussie,hui hui hui」之類,咁樣「Fiji Fiji Fiji」應該應咩呢?大家都好醒目地識回應「Bula Bula Bula﹗﹗」yeah~
我哋自己出去獻唱啦,霎時之間都唔知有咩歌又記得chord又記得歌詞,day話唱林二汶嘅「好天氣」,佢話記得點彈喎,弊在我記得一句唔記得一句,甩下甩下咁,可能因為勇氣可嘉,大家都拍爛手掌,哈~下次我哋要練定一兩首歌,以備不時之需囉~
回程時我第一次聽到Fiji人嘅「再見歌」,非常好聽,叫做「isa lei」,之後同Fiji人接觸嘅節目都有再聽到呢~應該係人人都識唱的歌吧~可以睇下isa lei嘅youtube:
http://www.youtube.com/watch?v=qV3NJYx3OIM
晚餐都係返resort食,今次去咗另一間餐廳,係食啲亞洲食物的,轉轉口味吧~
今日出海一整日,我哋兩個個背脊都曬燶咗,影咗兩張燶背相,唔好意思放出嚟,結果未來幾日都勁痛囉,日日都要用大量嘅蘆薈啫喱敷下背脊,本來由香港帶咗一樽aftersun來應來好夠用,結果要加碼添~真係又失策一次啦~
待續
前往其他斐濟旅遊blog
上帝創造椰子,也給人智慧,叫大家得到一切所需!
我最喜歡掃把,可惜不放便帶回來!
我地應背定海闊天空/獅子山下:p
是啊~
呢啲掃把應該比較適合掃戶外吧,我哋買咗個連花園嘅單位就帶掃把返來啦~
下次人哋問你首歌講乜咁會唔會仲難解釋?
浮潛時背脊真係要double防曬,因為海底太美,常常浮到不知時間…
我double漏了大小腿背,就燶了兩條腿背:p
我上次去宿霧又係浮潛到燶咗,尤其係水中涼涼地,都唔覺得曝曬中⋯有時天陰陰的仲陰毒~
去完返來有冇黑咗好多?
平時唔見光的地方黑咗好多XDD
面有特別照顧補密啲,所以睇落只會黑咗少少~
而家直頭白返啦~
通常好快都會回復自己嘅「底色」嘅~黑唔緊要,最怕曬傷嗰幾日好痛苦…>.<
樣樣都會玩的職員出海帶著大家一起玩,這樣的工作最開心,可以讓全船人打成一片。而且自己歡樂,也給人帶來歡樂,這才有輕輕鬆鬆渡假的氣氛呢。
係Fiji感覺啲人工作中都好歡樂咁,唔會好似香港人咁苦惱,可能地方大啲,冇咁多人,天氣好啲,壓力少啲,人開心啲~
香港生活節奏太快了,人人都要各盡所能,每刻都要用盡才叫有效率。還有打工就是為佐搵錢,這兩種想法佔佐主導,工作中得到的樂趣也必然大減。
我而家去到古晉更加覺得香港人節奏太快,當我哋去到世界各地時都覺得人哋慢,咁即是我哋先係唔正常的⋯難怪香港人咁大壓力﹗
喜愛自己嘅工作,樂在其中,返工都唔係苦差了,我鍾意睇症,不過數目太多時間太少令趣味減低,壓力增加,脾氣增加⋯唉~