到咗day 4,係時候要出下海啦~我哋一早係酒店嘅嘅櫃位了解好有咩day tour,book好咗今日嘅出海浮潛tour同埋聽日嘅激流tour,全部都有酒店pick up~所以只要係集合時間係lobby等就ok了~
點解有個古裝人?好似著住拿破崙衫嘅?原來佢係嚟pick up另一個團嘅,咁搶眼嘅~
我哋參加嘅day cruise係Storck Cruises公司嘅Oolala day cruise,會去一個叫做Savala Island嘅私人島嶼,大家可以入去呢個網站度睇睇:
http://www.storckcruises.com/day-cruises/
我哋參加時都唔知咁勁,原來個tour有係Tripadvisor得獎bor~
後面呢隻遊艇就係Oolala啦﹗我哋忍唔住哼著「oolala oolala oolaoola hey⋯」,大家知唔知我哋哼乜?
我諗係Fiji出海同係其他陽光與海灘嘅國家相比,最大嘅分別可能就係斐濟人熱愛音樂,而且唔吝嗇同人分享﹗我哋上船時就有四人組唱住歌歡迎大家了,充滿住熱鬧歡樂嘅氣氛呢,腳步都輕快起來~佢哋係咪遊艇專門雇用嘅音樂人?nonono,佢哋既係船員,又係服務生,又係去到小島嘅示範表演人員,我唔記得帶浮潛係咪佢哋了,總之,彈結他唱歌只係任何一個斐濟人嘅基本技能而已~但係好好聽,好想問下佢哋有冇出CD囉~
出發lu~上船已經有得jap jap jap,因為有morning tea嘅時間,全個tour嘅酒水都係全包任飲,而家有少少飽餅食下先~
Oolala標榜每個tour只係30人,所以游艇都好鬆動下~
yeah~~~~出發浮潛lu~不過今次係係海中央出發,所以教練問大家有冇浮潛經驗,有經驗嘅有信心嘅先好跟去,如果係初哥就去到Savala Island時先由陸地出發,都啱嘅,風大浪大如果騰雞嘅話就好危險了﹗我哋今次算係第二次浮潛咯,所以舉手出發﹗上次2008年去宿霧時試過第一次浮潛~(請參閱:17-12-2008:海裡水中游)
yeah~
不過因為係大海之中,我都係想有啲依靠,所以我都拎咗一碌浮浮條,其實握住浮浮條係冇咁好游的,因為前方太浮,變成條頸有啲攰⋯後來我哋去到Beqa Island嘅Lalati Resort再去浮潛時嗰次就光脫脫咁冇拎嘢了,反而仲方便呢~
好忙碌,又有睇魚魚珊瑚,又要跟實大隊,眼睛又要追住老公,腳又唔聽使(其實應該係體力唔聽使⋯)~
好墟冚﹗
達至浮潛嘅高潮之後亦係上水嘅時候啦,大家花費完氣力,饑腸轆轆之下,聞到⋯
哇~抬頭一望,原來Savala Island已經嚟到我哋眼前,我哋上岸就係午餐時間咯~
待續
前往其他斐濟旅遊blog
其實我未試過浮潛,遲D要搵機會試下~
可以睇到靚靚海底﹗﹗人哋話潛水更靚,我漸時都超越唔到自己嘅恐懼~
愛浮潛!!
上星期去了蘇梅,水很清,珊瑚很多~~
經常想學潛水,但我也過不了心理關口:p
佩服你幾年前的旅程還可記得咁詳細,哈哈~~
好似浮潛都係同游水差不多,但潛水就有好多我自己掌握唔到嘅嘢,危險好多咁~
蘇梅係咪好正?去泰國最爽嘅係啲嘢又靚嘢食又好味又平﹗﹗
其實我都唔記得咗好多啦,所以都係圖畫多文字少,即去完即打就最好~嚟緊去馬來西亞我都想real time直播,因為自己一個去嘛,夜晚應該多啲free time,起碼唔會去夜街先啦~繼續留意啊~
與魚同游,近距離看海星,看魚群在身邊搶食,在水中央真的過癮。
你哋都比較少去呢類嘅旅行呢,搵次同媽媽去下浮潛啦~