8-11-2011:斐濟蜜月day 2(part 1).Bula Fiji~

好咯好咯,經過約十小時飛行,終於嚟到Fiji咯~點解題目要叫Bula?因為Bula就係Fiji人打招呼嘅說話,嚟到呢度唔駛理對方係邊個、識佢唔識佢,基本上人人都可以揮手同佢講一聲Bula㗎~螢幕快照 2014-05-07 下午11.28.39

Fiji嘅國際機場位於Nadi,即是大島嘅左邊,距離機場十幾廿分鐘車程有個有橋連接嘅島叫做Denarau Island,上面係一個綜合嘅旅遊度假區,有多間國際級嘅度假resort、shopping centre、golf club等等,我哋頭幾晚就係呢度嘅Hilton住,亦係機票package嗰幾晚,另外book咗兩間resort,分別位於南邊海岸嘅Coral Coast,同埋大家見到南邊有個大少少嘅島嘛,另一間就係呢個Beqa Island上面了﹗最尾一晚我哋直接住係機場旁邊,方面搭早機返香港咯~DSC03077

抵達Fiji嘅早上﹗DSC03078

過關時已經第一次感受到Fiji人嘅熱情好客了,我覺得有啲民族真係天生識唱歌的,好明顯中國人,準確啲嚟講應該係漢族人就唔係天生愛唱歌嘅民族~啲Fiji人好似個個都識彈結他or ukulele同埋個個都識和音咁,之後我哋一一見識到~香港係唔知幾時忽然流行起ukulele的,但我對呢個樂器開始比較唔陌生應該就係呢個trip開始了~簡簡單單四條弦線,伴一伴奏就令樂曲更豐富了~DSC03079

係機場唱錢先,yeah~因為Fiji曾經係英國殖民地,到而家啲鈔票都仲係英女皇頭像呢~DSC03081

係香港要citysuper至有得買嘅Fiji水,係呢度其實係好普通嘅樽裝水,如果要買就係幾乎都係呢個牌子了~DSC03083

見到啲棕櫚樹,開始感受到一股熱帶風情啦~DSC03087

係Fiji幾乎都係平房,即使係Nadi嘅熱鬧中心都唔見有高樓大廈,始終人口唔算密集吧﹗梗係啦,面積係香港嘅18倍,全國人口只有85萬咋喎~(根㯫今日search wikipedia嘅資料顯示⋯:p)

我哋酒店安排咗旅行社嘅車接我哋返酒店,同車仲有送去其他酒店的客人,我哋一上車,職員就熱情的為我哋戴上貝殻鏈鏈了﹗我哋頭幾晚住嘅係Fiji Beach Resort managed by Hilton,大家可以入去佢個官方網站睇下:

http://www.fijibeachresortbyhilton.com/DSC03091

半露天設計嘅lobby,非常通爽舒適~我哋後來講笑,係Fiji,我同day嘅專業都冇晒價值,天氣咁舒適怡人,唔需要thermostat,day就冇工開啦,大自然環境咁優美、生活冇壓力,仲有能醫百病嘅天然草藥kava,我做醫生都無用武之地咯~DSC03088

等候check in時貼心為我哋送上welcome drink~DSC03095

我哋就係住呢啲小別墅了,不過唔係成楝~我哋住地下嗰層,可以直接由房間行出海灘,基本上所有房間都係一字排開,所以戶戶向海,因為一字排開,而lobby係正中間,我哋住得側側地雖然少啲閒雜人等經過,但要出大門口都相對地較遠,可以call lobby派架高爾夫球車嚟接我哋嘅,但係我哋通常都係撞啱就搭,費事咁大陣象啦~DSC01963

房間有美美的大紅花為我哋佈置好~我之後忍唔住用咗一朵嚟戴咗上頭~DSC03099仲有開放式大浴室同大浴缸,好開心啊~

雖然嚟到係早上,但我哋結婚嗰晚冇乜點瞓覺,搭長途機又疲憊不堪,我哋沖個涼,瞓咗一個覺先可以開始活動,下一篇blog我哋就叉足電可以開始玩玩玩啦~

待續

前往其他斐濟旅遊blog

Comments

comments

在《8-11-2011:斐濟蜜月day 2(part 1).Bula Fiji~》中有 6 則留言

    • 係呀,呢間係比較modern嗰種,之後嗰兩間都靚,不過風格就唔同了,繼續留意丫﹗
      都係㗎~不過夜晚瞓覺就唔敢用天然風了,因為即是意味住打開門瞓⋯

  1. 氣候真的一流,長住應不會腳痛!
    沒有工開,又唔識爬樹,連椰子都食唔到!

    • 又唔會太熱,就算熱都唔會熱得唔舒服,啱啱好~
      睇下轉行做咩囉~呵呵~

  2. 我相信中國原本是個愛唱歌的民族,只是後來樣樣講道德修養,少了閒情輕一面。例如,在周朝的詩經、漢唐的樂府、宋詞等都可以唱。傳統士大夫或文人都是通才,孔子識六藝(禮、樂、射、卸、書、數),自翊駕車最叻;後來的文人也多精通五經、醫葯與琴棋書畫等。

    • 但詩經呀、宋詞嗰啲係咪好正經咁唱呢?應該唔係大川叔叔嗰啲出口成歌、嘻嘻哈哈嗰啲吧?

發表迴響

你的電子郵件位址並不會被公開。 必要欄位標記為 *