18-8-2013:即興曼谷day 3(part 3).年青的Asiatique吃喝買玩夜市場

我哋去到碼頭時好似啱啱miss咗一班船,所以係個碼頭度都等咗幾耐下,我哋坐低休息下、闔下眼瞓、又上下網咁,到上船再出發時天色都開始暗暗地lu~不過唔緊要,我哋今日剩低落嚟o既行程係去行夜市,天黑都唔怕~行程係家姐編的,我對佢完全冇懷疑,家姐揀的一定好,所以我都唔知我要去邊…哈哈~總之佢簡介話我哋要去o既夜市係由舊貨倉改建,我心目中係一個陰陰暗暗o既大室內空間,然後啲攤檔好似會展擺美食展咁乎?後來先知原來呢個叫做Asiatique o既活化夜市係好潮o既東東嚟o架~SONY DSC

開始少少日落,太陽映落去河上面閃閃的更靚呢~CAM00551

Asiatique位置係比較冇咁熱鬧o既地段,河兩旁開始出現啲新式住宅區,呢個樓盤感覺好香港呢~SONY DSC

原來可以出去船頭甲板﹗哇,已經遠遠見到Asiatique個摩天輪lu~SONY DSC

Asiatique o既碼頭好有歐洲風情呢,一間間o既露天餐廳~啲building果然係貨倉﹗同我想像唔同o既係,原來唔係一個貨倉,而係一個貨倉area,好似劃分成十區左右?呢度好大,唔同區域有唔同風格,較靠近碼頭o既係比較高檔次少少o既鋪頭,靚靚裝潢的,而後面啲o既就平民啲,貨品呀、食物呀價錢都平易近人啲~所以只要你嚟到,總搵到適合你o既呢~

大家可以入去Asiatique個官方網頁參考下:

http://www.thaiasiatique.com/index.php/enCAM00564

我哋由平易近人o既貨倉開始行﹗賣o既比較多係女孩子喜愛o既時裝精品,我哋都有收獲呀,我同家姐都買咗啲衫衫,仲要好平嗰隻,唔講價都覺得好ok﹗手信+自用方面,我係幾間唔同o既spa用品店買咗好多番梘,day用咗我買返嚟o既番梘之後,對手工皂有咗興趣,仲買咗兩本書返嚟研究添,但睇佢個款應該都唔會行動啦,因為太多材料要買﹗我其實都幾鍾意用呢啲唔同香薰味道o既番梘,間仲換下又轉下心情嘛,而且用嚟代替洗手液,番梘既環保啲,而且仲好襟用添bor~我另外又買咗個掛牆o既磁石notice board,其實一見到就俾佢上面個slogan吸引咗了—-「DREAM IT, WISH IT, DO IT」,有諗過佢o既size,捧返嚟香港會唔會太困難?但只係捧一個磁石板返嚟都怕煩,點可以實踐到夢想呢?所以唔單止買咗,仲買咗個大o既﹗﹗呵呵~呢度有好多有創意o既tee,我都買咗幾件俾day~CAM00566

我哋買呢個雪條其實都有少少故事,我哋見到幾個女生好滋味咁舔緊雪條,而且顏色係好特別o既咖啡色,我哋問佢哋係邊度買,哦,原來係呢間o既奶茶味雪條﹗﹗好消暑呀~其實呢個雪條感覺都「好容易肚疴」o既樣子,因為佢冇遮冇擋就咁係個冰櫃入面,但turn out我哋兩個都安全﹗所以泰國真係不太嗱咋~我哋周街食嘢好似都ok~SONY DSC

入夜了,唔知家姐指咩俾我睇?SONY DSC

可能就係呢個靚靚o既摩天輪夜景lu~SONY DSC

呢個時候我哋都差不多搵嘢食﹗我哋冇乜咩target,入咗去一條巷有好多靚靚餐廳酒吧,我哋揀咗一間泰國餐廳入去~結果嚟咗四日,好似每一餐都係食泰式呢~SONY DSC

睇番之前啲相,我原來真係好鍾意+常常食生冷嘢~繼早上食咗香蕉朱古力新地,晏晝食咗椰子雪糕,啱啱食咗奶茶雪條之後,而家仲要飲埋生冷嘢之中o既皇者,西瓜沙冰﹗﹗﹗唔知而家戒咗生冷嘢o既我,暫時過咗個冬天都ok,唔知捱唔捱得住嚟緊o既夏天呢?CAM00574

家姐就話要試試佢o既啤酒~SONY DSC

餐廳氣氛好好,除咗樓底高,桌椅放得散多空間之外,仲有live band,質素都唔錯丫,個女主音聲線好好聽,可以上電視o既程度,又唱英文歌又唱泰文歌,感情豐富,而且仲有團員和音呢~好似後來有得俾人點歌,不過我哋唔識啲泰國歌所以都冇點~combine dinner

食物都好好,但我哋好似叫得偏鹹,唔係好平衡到~SONY DSC

夜晚o既摩天輪更靚呢,不過我哋冇錯丫,又唔係情侶~ :pSONY DSC

為咗避免最尾嗰一兩班船太多人,我哋早啲啲走,係碼頭附近見到呢間好似鬼屋o既東西?﹗應該要活化咗佢變成可以入去探險o既鬼屋﹗﹗>v<“SONY DSC

byebye Asiatique,值得一到o既夜市,與其話佢係夜市,其實更加似一個半露天o既商場,嚟到感覺好年青呢,因為好多曼谷青年嚟呢度玩~CAM00592我點都要影下呢個俾大家睇下啦﹗﹗之前食晚飯已經飽到上喉嚨,但家姐果然去旅行時食量o既爆發力非同小可,返到酒店附近佢要encore多個芒果糯米飯囉,恕我今次奉陪唔到了,佢其實都唔駛我陪,佢一個人食都叫咗大size囉,一整個芒果嗰隻…勁﹗

待續

前往其他泰國旅遊blog

Comments

comments

在《18-8-2013:即興曼谷day 3(part 3).年青的Asiatique吃喝買玩夜市場》中有 2 則留言

  1. 阿妹少有的美食當前都可以節制,這個芒果糯米飯,我看到也垂涎!

    • 因為我平時已經非常盡力,唔係節制而係已經full quota﹗但家姐o既小宇宙係深不可測﹗

發表迴響

你的電子郵件位址並不會被公開。 必要欄位標記為 *