其實我哋逛清真寺到尾聲時，自然反應已經開始呼喚我哋，唔唔，想搵個洗手間方便一下…吓？清真寺出口冇洗手間？難怪o既，好似連紀念品店都冇~呢個咁偉大o既歷史建築，本身好有可觀性，但配套太差，我哋行緊o既時候我都不斷話，搵我幫你整好佢，變成好好行o既景點啦~記起以前印度好好o既旅遊景點o既經歷：15-5-2008：印度最佳景點‧mehrangarh fort

呀，講緊搵廁所，我又離咗題添…行出去有啲類似旅客中心o既又冇廁所，又唔好意思入去人哋啲酒店借廁所…轉兩個彎我哋發現另一個本身諗住去o既景點~

呢個門後面就係羅馬橋啦~

羅馬橋一世紀時就興建lu，而家都仍然被使用，佢o既好處係係上面可以欣賞兩岸o既景色~而佢自己本身都好靚丫~

清真寺旁o既紀念品店o既裝潢都好有回教風味呢~

好宏偉o既羅馬橋丫~睇啲旅遊網頁，佢o既夜景都好靚呢~我哋就冇機會欣賞啦~

要自拍人+羅馬橋真係唔容易，又冇位放相機做一般o既自拍王，手拎住兩人並排又遮住晒啲景，呢個唔錯﹗不過相機懶醒，前清後濛，我個樣就化咗少少啦~

羅馬橋上可以睇番清真寺o既外觀~

搵廁所，搵廁所，咦，橋o既對岸有個小小博物館bor，博物館應該有廁所啦啩~呢個博物館旅遊書都冇介紹，叫Museo Vivo de al Andalus，即是安達魯西亞活的博物館﹗既然入場費唔貴，我哋又有需要，就入去睇下啦~

買好飛，領取咗門票包o既audioguide，咦，又冇廁所？哎吔，行埋先啦~

不過呢個博物館真係出乎意料之外o既驚喜，好好睇喎~彌補咗我哋行清真寺時o既烏sir sir，因為好多資料呢，而且佢o既presentation好簡單易明，話明「活的博物館」，各樣嘢都比較活潑有趣，推薦﹗

有別於我哋用開o既audioguide，呢度唔係去到邊就按number，而係你個人身處係嗰個展品o既範圍，你就會自動收到訊號，耳仔就自然會傳入相關o既講解，照理上就操作簡單啲，但有時唔知點解有啲位會收唔到，你個頭要豎係某個方位至有聲囉~ ><“

呢個室有Cordoba唔同時代o既領袖代表，天主教政權、回教o既摩爾人等等，佢哋輪流講番佢哋自己o既故事~

Cordoba o既模型﹗當然唔少得我最愛o既橙樹啦~結實纍纍丫﹗

做乜day有古怪動作同埋表情？因為呢度播起啲令人聞歌起舞o既中東音樂﹗

參觀咗呢個博物館，我哋知多咗少少回教徒o既生活同埋宗教活動了~

咦，又入番去清真寺？nonono~係模型嚟o架﹗做得好真﹗﹗﹗

到咗我最喜歡o既部份，就係古代人生活o既模型﹗﹗

左上係市集啦，有唔同o既攤販攞賣，右上係浴堂丫，本來係Sevilla我哋都見到阿拉伯浴堂o既廣告，但冇時間去試下呢，左下係清真寺o既崇拜活動，右下嗰幅大家見到熟悉o既羅馬橋嘛？

係博物館上面可以遠眺番對岸o既清真寺同埋羅馬橋o既優美景色呢~

呢楝博物館building本身都有啲歷史，原來博物館o既前身曾經係學校同埋監獄呢，我哋一邊行時都係度想像如果係監獄要點樣陳設呢咁~

另一個方位可以見到Cordoba白色城市呢，不過大家要繼續期待我個blog啊，聽日o既Granada會見到更靚o既白色城市哦~

出番嚟博物館o既正門，唔係太起眼吧？不過係好值得行o既博物館，如果大家去Cordoba記得順道去下丫~

繼續搵廁所廁所…我哋投降了，我哋決定搵一個有廁所o既餐廳，一次過解決兩個問題~

呢間餐廳當選o既原因當然就係佢係顯眼處有廁所o既招牌啦~呵呵~我哋叫咗雜錦炸海鮮同埋燴牛尾~炸海鮮食得多有少少膩，魷魚都係有少少嗰種「壓壓地」o既味，魚就唔錯，有兩種，長形一整條o既類似我哋啲九肚魚，軟軟滑滑o既質感，另一種就係結實有彈性o既魚柳，蝦就一般般啦，炸得有啲乾~燴牛尾唔錯，但價錢就貴咗啲咯~我哋仲叫咗炸薯角添，咪就係去奎爾公園嗰日係小酒館叫嗰啲辣醬炸薯角囉，不過小酒館嗰個再好食少少~餐廳內部裝修冇乜特別靚，但外面o既小花園就好浪漫丫，如果係夏天，啲花花都盛放就更靚了~

待續

前住其他西班牙旅遊blog

Comments

comments