3-11-2013:西班牙day 4(part 3).建築奇才高第之米拉之家

有諗過要唔要第四日o既行程用一篇blog嚟「解決」,但為求「建築奇才高第系列」o既完整性,都係俾佢自己獨立一篇啦~我哋嚟到高第之旅最後一個景點—-米拉之家~米拉之家係二十世紀初o既豪宅,係城市中央地段,好大o既單位,通風透光o既設計,深受有錢人歡迎~係之後o既幾十年,曾經作唔同o既用途,到咗今時今日,有部份開放作為博物館,但有啲部份仲係有被使用緊o架~SONY DSC

靠近黃昏時份o既米拉之家,彎彎曲曲o既外型,貫徹高第o既現代主義設計,不過就冇奎爾公園咁色彩繽紛~

一場嚟到,見聖家堂o既audioguide咁好,都聽下米拉之家o既資料啦,居然有分長、短同埋兒童版本,其實我估兒童版本都夠我哋聽,可惜只有西班牙文,咁要聽英文唯有揀短version啦~SONY DSC

一入到去先係天井,因為內外都有好多窗,所以非常光猛又通風~SONY DSC

抬頭望有藍天呢~SONY DSC

跟從參觀路線,我哋首先上去屋頂~SONY DSC

平時屋頂嘛,都係一個頂而已,大不了可以晾下衫or BBQ,啲屋頂o既水槽呀、煙囪呀,肉肉酸酸都在所難免,但對高第嚟講,冇嘢係唔需要美感~SONY DSC

冇一棵樹、一條草o既屋頂都似一個花園呢,有佈局、有高低,連啲實用o既建築物都仲奇異有趣o既外型掩飾咗,唔知以前啲人住係度會唔會上嚟散下步或者做下運動呢?SONY DSC

之後落去museum,講一講La Pedrera米拉之家o既建築設計、藝術性,同埋原來高第除咗係建築師之外,對於室內o既傢俬佢都有唔少心得呢~SONY DSC

米拉之家模型~SONY DSC

平面圖,外型彎彎曲曲,果然內裡都係不規則o既,如果好似香港啲屋咁細,咁不規則要放家俬就好令人困擾,但佢咁大,入面點放都得啦~combine mira interior

到咗我最鍾意o既環節了,就係參觀示範單位﹗﹗我估都係參考以前啲資料嚟重新裝修o既,我就唔係好信百幾年前o既裝修可以keep到咁靚到而家~真係好大﹗﹗因為一層一個單位,而且一個單位係一個圈,所以由呢間房行去另一間都要行好遠~SONY DSC

華麗o既有錢人客廳~SONY DSC到我哋離開時都天黑啦~

如果你有睇之前o既blog,本身諗住今日去參與彌撒,但聖家堂排咗個幾鐘頭隊買飛,比預算時間晏咗睇完,去唔到十二點彌撒了,不如去下午六點啦,但下午o既奎爾公園又要限時入場,所以計劃都少少失預算,冇辦法啦,有時自遊行就會係咁~

待續

前住其他西班牙旅遊blog

Comments

comments

在《3-11-2013:西班牙day 4(part 3).建築奇才高第之米拉之家》中有 4 則留言

    • 點解唔入去o既?
      兩個圈?咦,我諗我可能誤會咗喎,因為係個示範單位入面係咁沿住個圈嚟行,我以為兜咗成個圈,睇番平面圖,可能係一層四伙?

  1. 我們時間較倉促,只參觀外部建築,覺得風格好特別,想不到內裡這樣多采多姿。另外我們還參觀多一間的建築,也是只在外面看,這座較彩色,一如奎爾公園。

發表迴響

你的電子郵件位址並不會被公開。 必要欄位標記為 *