參觀聖家堂比起我哋本來預計o既耐咗，所以要快快去下一站度開飯+繼續高第之旅了，Gaudi o既作品之中，如果要prioritize嚟睇，完成聖家堂，下一個必睇就變成咗奎爾公園(Parc Guell)了~

肚子唔容許我哋繼續參觀，但Parc Guell個地鐵站附近好似咁荒蕪，冇乜食肆咁o既？

由地鐵站行到去上公園o既扶手電梯嗰幾百米o既路程只有一間酒館，本住the best is yet to come o既心情冇入到去而選擇繼續行…冇~噢~見到有間小cafe，吓，得pizza咋，唔係好想，因為西班牙o既每一餐都potentially係美味嚟家嘛，非到山窮水盡都唔想隨便食pizza，所以決定再上多個街口，如果再冇先落番去食pizza…

yeah~lucky地搵到間好local o既小酒館呀﹗個feel我估就似香港o既茶餐廳，有啲阿叔買杯嘢飲就聚埋一齊吹水吹一個下晝咁，輕輕鬆鬆又過一日嗰種~不過可能因為位於景點旁邊，一啲都唔馬虎地有英文餐牌bor~今次終於叫做第一次食tapas~Tapas就係啲細碟細碟o既下酒菜，可以有成幾百款咁多，當然common o既、間間鋪頭都會serve o既都係嗰十幾廿款啦，我諗有啲似去飲茶食點心咁~

我再試試呢間o既sangria，哇，今次好strong丫，day話見到個阿叔起勢咁加咗好多酒落去，難怪今個trip飲咗咁多次sangria，只有呢一餐真係有醉醉地o既感覺﹗

我哋叫咗鯷魚包包、肉丸子、雜錦拼盤(tortilla、蕃茄包包、芝士同埋火腿)，後來再追加一個炸薯仔配辣醬，樣樣都好好味呀~

杯sangria實在太勁，我食到後來真係醉醉地，去到個地步係埋單時個大叔問我「Are you ok?」囉~日光日白搞成咁，我唔敢再lunch飲sangria了…:p

沿住條斜路上到頂，哇，超開揚景觀，原來成個巴塞隆拿都係啡紅色的﹗比較高o既建築物都一目了然，大家見到聖家堂嘛？係左邊中間丫﹗係呢度連地中海都見到呢~

過到去近公園嗰邊，咦，點解有個售票處o既？旅遊書明明話奎爾公園免費入場o架喎，但入口又唔係賣飛嗰度旁邊，因為我哋買o既聖家堂門票係二合一，包埋奎爾公園入面o既(?)故居(我都唔記得好清楚了)，半迷糊o既我+day就諗，可能係賣我哋有嗰張飛啫啩？

落到去公園門口，真係要入場券﹗﹗﹗仲要買咗之後有限時入場添呀~呢個新措施只實行咗一個星期﹗好唔抵呀~難怪啲旅遊書都未update啦~

http://www.parkguell.cat/en/

無可奈可，仍然半迷糊o既我要撐番樓梯上去售票處，本來day叫我坐係度等佢，但要…有義氣﹗﹗係買好飛、等入場時，我慢慢清醒番了~heehee~

可能真係因為人太多先要收費、先要分批入場，但入到去依然太多人，完全冇「公園」應有o既悠閒囉，只係景點式地影咗相就好想快啲走，所以我對Parc Guell o既印象都係一般~

當然，Gaudi o既現代主義建築物都係好矚目o既~人太多，冇逐間排隊入去睇…

人﹗人﹗人﹗

要影Parc Guell o既標誌salamander，都要遠距離地影，又難得day影得好好bor，影唔到嗰啲堆埋去o既人~

扮少女~

轉到上去似係個平台o既地方，原來又係一個觀景o既地方~而圖片入面嗰啲彩色繽紛、彎彎曲曲o既座椅就係呢度搵到~

Gaudi o既設計果然係非一般o既呢~

呢度望到奎爾公園o既全貌~

到上面人少啲，終於可以自拍王一下~

哇，有鴿子匿埋係度呢~記起以前聖堂外牆個十字架，有燕子家庭係十字架個胳剌底度築巢~

入場嗰份小冊子超級多字，我哋都冇乜心機逐樣跟住嚟睇，加上人太多，所以行過一圈就決定走lu~結果我哋買咗套票嗰個館都唔知係邊度﹗﹗

見另一個地鐵站都近，我哋決定唔走回頭路…

點知有驚喜喎﹗有個Gaudi 4D Experience館，一場嚟到，都試下啦~

當然係啲戴住3D眼鏡，坐啲郁o既座椅，有水噴下呀咁啦，不過主題係要追逐同條龍打鬥，然後會途經Gaudi o既建築物，都幾有趣，做得都好靚呀~

睇完show外面有個小小展覽廳，有啲高科技o既多媒體展覽，可以睇下Gaudi作品o既資料，難得o既係連中文都有呢~

係呢度可以唔駛同人爭同隻微型salamander影相﹗

仲有Gaudi自己添呀~

呢個館連旅遊書都冇介紹呢，可能都好新下，大家去開Parc Guell都不妨參觀埋~

去到地鐵站，哇，咁大o既汽水機，好想買一次嚟睇下~

待續

前住其他西班牙旅遊blog

Comments

comments