1-11-2013:西班牙day 2(part 1).偶然遇上的…火車頭等艙

辦好出入境手續,拎好行李後,我哋要睇下點樣離開機場喇,我哋已經決定第一站去巴塞隆拿,知道要由馬德里o既Atocha車站搭火車去,之前睇啲旅遊書話有機場巴士搭出去馬德里市區,但唔見o既?我哋行下跟住metro同埋Renfe(西班牙國鐵)o既路牌,去到售票處,原來有Renfe可以搭過去Atocha,呢度都可以一次過買埋去Barcelona o既車票了~

第一次見識到西班牙人o既慢—-from the香港人perspective,明明我係條隊排第二,但好似等咗一世紀咁耐,終於到我了,我話想買火車飛去Barcelona,點解佢要search咁耐o既?oh no no,原來啲火車好full,一般座位最快要五點半班車至有位,唔得o架唔得o架,我哋買好飛今晚去睇西甲嘛,如果八點九至去到,咁咪連場波都冇埋?佢話一係搭頭等,早上十點半就有車了,價錢係—-每位盛惠160歐羅﹗﹗﹗冇辦法啦,學人講句,用錢解決到o既問題都唔係問題o既…不過真係肉赤赤地,一去到就花咗港幣三千幾蚊…仲要分開坐﹗﹗所以奉勸各位一句,去西班牙長途火車千萬要一早上網買定飛呀~~~~有見及此,我哋去到Barcelona好快就買好晒之後o既火車飛了~所以後來大多都有得一齊坐啦~SONY DSC我哋先搭近郊火車出去Atocha車站~

去到已經肚子極餓,我哋係車站商店買嘢上車食,最初實在未習慣歐洲o既物價,人哋又話西班牙啲嘢比起歐洲其他地方平o既,點解都仲係咁貴o既?最後只係買咗一份三文治,一支水同埋一包薯片(安慰作用)兩份share咋,因為要分開坐,所以講好我食完再拎過去俾day~

SONY DSC呢架就係我哋坐o既Renfe AVE高速火車了,去Barcelona只需要三個鐘多少少~你睇佢o既流線外型~

IMG_2730

未開車我就要先開餐啦~凍冰冰o既三文治,對我嚟講只能夠話係充飢作用,anyway,去到Barcelona再食好嘢啦~

SONY DSC

風景都冇乜咩睇,一片黃沙大地,所以嘛,西班牙主要都係佢o既歷史文化藝術民俗風情,自然景觀欠奉囉~IMG_2732

我對呢個頭等火車其實都唔敢抱太大期望,怕希望越大失望越大,所以心目中只係坐位舒服啲,闊啲,人少啲,靜啲之類,不過後來先知原來好多東東,似足搭飛機丫~

IMG_2731首先係免費報紙任揀,其實有英文報紙,但我學人哋揀咗西班牙文報紙,話晒我都讀咗兩年幾過,唔識得睇得多少少都明啩,再唔係,睇下廣告睇下圖片都好~聽到之前o既人好多都揀El Pais,即是「國家」,我都揀啦,應該係最popular o既報紙~揭揭揭…

IMG_2740

體育版果然有講我哋今晚要睇嗰場波呀,西甲o既Barcelona vs Espanyol,之前仲話唔知Espanyol「西班牙人」係乜東東,後來有friend話我知香港係音譯,哦,愛斯賓奴,仲要係打毗戰添,雖然強弱強懸殊,但大家都叫我要好好感受下氣氛~

報紙都未睇完,就好忙碌咁有其他項目~

combine train drink menu

咦,有飲品餐牌,即是有「火車餐」?﹗哎吔,啱啱食咗三文治,好在只係半份啫~我食得落我食得落﹗之前我係度咬三文治時周圍啲人一定係度偷笑,明明好快就有火車餐仲係度食~ :p

IMG_2736

呢個菠蘿汁好重要﹗因為係今個trip我第一樣用西班牙文得到的東東~yeah~之前買火車飛呢啲咁重要o既事我都唔敢講,今次咁簡單就敢開口了~heehee~

IMG_2737

所謂o既「火車餐」其實好簡單,有一件小火腿芝士三文治,有一件小o既杏仁蛋糕,另外有熱飲選擇,我o既西班牙文馬上受挑戰,我話要茶,跟住個服務員好快咁講咗啲嘢問我,後來佢見我呆咗就俾咗個茶包我,我諗佢應該係問我要邊一種茶,哈,因為我見隔離位係綠茶,我嗰杯係紅茶,因為我話要te con leche(加奶的茶),但好快咁問te roja o verde(估計)時我就聽唔明了…好失禮啊~

不過講起「火車餐」,當年去印度嗰啲火車餐都唔錯o架~(請參閱:18-5-2008:烏蠅之城)

combine train headphone

仲有嘢派?個職員派呢啲粉紅色o既盒仔俾乘客,我問佢係乜,原來係headphone,因為頭頂有電視,播電影,我拎咗先唔好執輸,不過最終都冇睇呀,因為播o既係「古魯家族」卡通,我係香港時睇過了~

影下呢樣影下嗰樣,驚訝下,又食下嘢,三個鐘車程好快就過去了~我哋嚟到Barcelona啦~

SONY DSC

SONY DSC

我哋搭o既班車~

鑑於今次o既經歷,我哋本身都想去到Barcelona Sants買好之後o既火車飛再返酒店,但見排隊太長龍,都係返咗去先啦~之前print好咗酒店附近o既地圖,我哋酒店Barcelona Princess Hotel好近地鐵El Maresme Forum站,應該落車轉個街口就到了~

SONY DSC

順利到達,西班牙地鐵唔係個個站有電梯,有時望住啲樓梯,拎住咁大件行李都叫人人有啲苦惱…

SONY DSC

我哋會係度住三晚,好舒服o既酒店呀,房間夠大,陽光充足,乾乾淨淨~呢度啲酒店興長條形枕頭,向左向有碌都仲有枕頭,唔錯唔錯,仲有大攬枕添~

SONY DSC

雖然酒店向海,我哋冇特別upgrade當然係城市景啦,不過都好開揚~幾好~

SONY DSC

我哋出發前先係酒店逛逛,因為book酒店時知道有頂樓游泳池,張相好靚o架,想去睇下~點知出到lift口,見到居高臨下,樹木大街就好喜歡了~

SONY DSC

頂樓泳池果然係infinity pool,不過係個好窄好瘦長o既infinity pool,只可以由左到右游,唔可以由前到後游,但夏天有得係度浸下望下海景都唔錯呀~前面呢個就係地中海了﹗

待續

前住其他西班牙旅遊blog

Comments

comments

在《1-11-2013:西班牙day 2(part 1).偶然遇上的…火車頭等艙》中有 8 則留言

  1. 錢解決到既問題就唔係問題,講得好啱,特別係去旅行既時候,可憐我係紐西蘭因為天氣既關係,D錢想洗都洗唔到~
    半份三文治+MINI火車餐啱啱好,如果淨係得火車餐會唔夠飽,所以你地係精明~
    我地個時去BARCELONA都係住近海邊~
    個INFINITY POOL好似仲細過我地係曼谷住個間酒店個個,不過依度個VIEW靚好多~

    • 我哋個火車餐食唔晒bor,我同day雖然坐唔同車卡,但都不約而同地只食咗個火腿芝士三文治,留低咗個杏仁蛋糕~不過大家都係去到酒店就餓了,食埋個蛋糕,咁o既安排都ok o既,確實只食火車餐應該不太滿足~
      你講得啱呀,細好多添,佢由岸至infinity條邊可能得一米左右…可以唔濕身跨到過去﹗﹗不過個地中海view又確實幾靚o既~

  2. 坐頭等會睡很好d,另一程要4人一圍枱~ 訓唔到!
    酒店很舒服~ 又近車站! 如早d知有免費單車應去踏下樹林大道 🙂

    • 坐頭等時我掛住睇呢樣,影嗰樣,我都冇瞓到添~~ :p
      係丫,好舒服,今次幾間酒店都book得幾滿意~有免費單車係Sevilla嗰間酒店啦~

  3. 我們係北京國家劇院看舞蹈,買票時全場幾乎滿座,只剩下幾張400元的票。爸說既然來到,貴啲都唔緊要,兩張盛惠800元,都有啲肉痛。可是,入場後卻看到座其實也不是坐得很滿,想是黃牛作的孽!心中很是不甘,不過看到你們160歐羅的貴價火車,我就不敢講嘢啦!

    • 哈,另一個講法係,托黃牛黨o既福,你哋有得坐個靜位欣賞表演~ 😀

  4. 在西班牙搭火車,即使訂好位,排隊取票,也可以等很久。那次我們早到幾十分鐘,但因有多條長龍,又沒設急緊辦理的櫃位,致輪候太久,取得票來,原訂的班車已開走了。幸好跟站長交涉後,可轉乘下一班,然而大家已虛驚一場。

發表迴響

你的電子郵件位址並不會被公開。 必要欄位標記為 *