26-5-2013:釜山麗水day 2(part 2).麗水市隨意走

上午本來就定咗去梧桐島,但下晝去邊我哋之前真係no idea,主要都係睇下去邊啲市內景點咁,好在係梧桐島入口嗰度我哋入咗去tourist information centre,本來只係諗住拎下啲小冊子參考下,點知入面有個講流利普通話o既韓國人服務大使小姐丫﹗佢開頭時都怕怕醜醜咁,但講開咗就好流暢,我盡量用簡單直接o既句子同佢溝通,真係有問有答呢,佢仲教我哋可以點樣搭巴士去玩添,真好~

我哋就按佢指示,係梧桐島個巴士總站搭車出去市中心,其實本身都想搵地方食lunch,但我哋係巴士度先發現咗第一個景點—-鎮南館,咁我哋就係參觀先啦~ SONY DSC鎮南館係以前1590s抗日時期o既building,但後來大火之後再重建,就成為而家一個標誌而已~SONY DSC 大招牌 SONY DSC   而家只留低外殼~   SONY DSC 不過加埋外面o既草地,都不失為一個舒適o既休憩空間~ combine museum   下低有個小小資料館,介紹倭寇入侵o既歷史,當然唔少得李舜臣將軍同埋龜船啦~不過呢個資料館搞鬼o既地方係,同之後o既釡山博物館一樣,啲英文or中文話嚟就嚟,話走就走,睇睇下呢一段介紹有中文or英文,下一部份就忽然會得番韓文,^_^”

真係肚子餓了,好想快速咁搵到嘢食…沿住鎮南館對出條馬路行落斜路,好快就見到一堆充滿商鋪o既街道,但好似好多都係賣衫o既~雖然見到我上次去首爾時愛上咗o既Le Bunny Bleu鞋店,但入去一趟唔敢買嘢,冇理由拎住對鞋行多大半日o架,同埋我哋o既主要任務係要食午飯嘛~ SONY DSC 忽然間見到一條人龍,咦,好似係食肆喎,咁多人o既?窗口太細,望唔到係食咩o既,又冇menu係門口,我哋聽到人龍傳來普通話,就膽粗粗走去問下,原來係食餃子o既,不過咁長龍我哋唔等lu~ SONY DSC   行到呢度要叉一叉開話題,話說我哋後來行超級市場,發現廣告人氣最旺o既,男o既係鐘基(我哋係Running Man、成均館緋聞對佢好熟悉了),女o既就係金妍兒(有睇過「金妍兒的kiss and cry」嗎?),不論貨品o既種類,糧油雜貨,乜都關佢哋事﹗﹗     SONY DSC   點解搵餐廳o既途中又先搵到景點o架~李舜臣將軍o既廣場~ SONY DSC   當然唔少得關於佢o既介紹,柤機o既後面仲有好大個area都係講佢o既事跡~  SONY DSC   好在過條碼路就見到充滿食肆o既街道,我哋好快就揀定一間入去食了,點解揀佢?因為… SONY DSC 有中文餐牌呀﹗勁~ 餐廳個老伯(老闆乎?)好醒且搵拎咗個烏蠅拍出嚟,俾我哋指住嚟點菜,day好準確咁指住咗黃花魚湯o既中文,但唔醒o既係… SONY DSC 點解上菜時變咗泡菜湯o既?你睇番個餐牌就明白了…:p黃花魚湯o既中文同泡菜湯o既韓文,距離上只有1cm…umum…不過都好o既,如果唔叫錯,我哋又未必會叫泡菜湯,怕辣嘛~點知又唔辣喎,而且豬肉好腍好香濃,好好食~其他o既泡菜都好豐盛,雖然今次冇咁多海產,但都試咗好多新口味泡菜~滿足~

可能因為舉行過麗水世博吧,鋪頭招牌都有中英文註腳,不過店員識唔識中英文就冇擔補了~

食飽飽我哋向住下一個目的地邁進,其實之前嗰兩個景點我哋都冇話特別想去,不過既然旅遊資料有介紹就即管去下,之後o既先至係我心目中o既目的地,因為係Running Man景點—-麗水茶館喬洞水產市場~ SONY DSC

大家對於呢個門口有印象嘛?Running Man們就係要係呢度搵特定o既「阿豬媽」,向佢索取親筆簽名,而兩位嘉賓就係度潛汱,係呢個市場,佢哋成功咁搵咗光洙做spy~

combine market

不過星期日下午o既市場空空洞洞,好多鋪頭都關晒門了,我哋見到開門o既大概一半都冇,不過都叫做見識過少少韓國o既水產市場啦,確實,佢哋賣o既品種同我哋好唔同,而且有好多魚乾賣呢~見到有啲人一箱箱咁買,似乎係韓國國內o既遊客,不過我哋即使買咗,返到嚟都唔知點煮呢~

SONY DSC

之後我哋搭巴士去突山公園,可以順道參觀突山大橋~我哋睇下搭咩巴士睇到一頭煙,因為路線number超級多,但又唔知啲車幾耐一班,要知道方向啱唔啱都有難度,我哋決定narrow down我哋留意o既路線數目,好似110至120之間嗰啲都經突山大橋的,再算啦~

SONY DSC

umum…原本我哋係唔suppose用腳過條突山大橋的,因為巴士站係對岸,但唔知點解過橋前有個人呼喊司機話要落車,我哋又令令林林跟埋衝落車,哈,落到車先發現嗰度唔係巴士站,好在條橋可以俾人行啫,如果唔係都唔知係邊度再搭番上巴士過埋條橋~不過有危就有機,如果唔係落錯車,我哋又邊有機會親身踏上突山大橋呀~

SONY DSC

過橋時仲發現,嘩,龜船造型o既遊覽船呀~

SONY DSC

過到橋o既對岸,我哋唔小心去咗一個本來冇預算o既景點,就係海鮮街,店家都非常熱情呢,但我哋仲係好飽呢~呢度停咗超級勁多旅遊巴~似乎係必到o既景點呢~

SONY DSC

遊覽突山公園~

SONY DSC

突山公園好舒服,地方大,樹木多~勝在人唔多~

SONY DSC

傻瓜~SONY DSC

欣賞下花花草草~

SONY DSC

另一賣點就係居臨下,可以飽覽麗水市o既景色~

逛完突山公園,時間仲係好多,咁早返酒店又好似好無聊咁,但主要市區內景點又已經逛咗,我哋係個地圖度隨便搜索,結果揀咗去一個房屋比較密集,靠近我哋嚟嗰陣個長途巴士總站嗰區,by the way,我哋唔知嗰度有咩睇~我哋指俾的士司機我哋要去呢個地方…點知佢好開心喎,佢話佢住係嗰區喎﹗﹗

SONY DSC

因為嗰度又有一條美食街,的士司機以為我哋專登過去食嗰度出名o既野菜套餐,佢特別介紹我哋要去呢間鋪頭食,佢話特別好味喎,but我哋唔係嚟食嘢…我哋目送佢架車駛走之後,搵個地方匿埋一陣先,如果唔係我哋怕佢會好似第一日嗰個熱情阿婆咁折返,再親身送我哋入去餐廳﹗哈~

SONY DSC

點知呢區並非我哋想象中咁熱鬧,好多building係…住宅區﹗不過又係錯有錯著o既,如果唔係隨便嚟咗呢度,我哋又唔知道原來麗水市o既市民係住係呢啲低密度o既樓宇o既~社區o既環境都好舒服丫~

行出去大街,有趣o既鋪頭唔多,都係啲切合人日常生活o既東東~

SONY DSC

不過我哋發現了靚靚麵包店cafe~

SONY DSC

哇~我哋叫咗一個超巨型fancy芒果刨冰~唔講你唔知,我哋今次呢個trip,總共食咗三個刨冰,我覺得冇話邊個贏邊個輸,總之每一個都好切合佢o既身份同埋出現o既位置,呢個靚靚cafe o既刨冰,恰如其分地用咗甜蜜o既芒果同埋糖漿、雪糕,完全係少女口味、少女造型,正~之後我會再介紹另外兩個刨冰,風格好唔同,但我同樣推薦~

SONY DSC

就係呢間靚靚cafe了,點解韓國咁多唔同品牌o既靚靚cafe,但係香港就總係俾嗰三兩間大集團壟斷咗呢?失去好多趣味呢~

待續

前往其他韓國旅遊blog

Comments

comments

在《26-5-2013:釜山麗水day 2(part 2).麗水市隨意走》中有 6 則留言

  1. like 比阿day ,haha !無得去旅行,睇下你們的blog 都好呀!我好懶,寫寫下就無寫,支持你同你家姐繼續寫。

    • 歡迎歡迎~
      我都希望可以keep得貼啲,時時隔好耐至補番,好多細節會唔記得,同埋其他人都希望睇新鮮熱辣的吧~我會繼續努力﹗(考完試後繼續努力啦~)

  2. 因為之前睇相時你已經好詳細咁講過你既行程,睇個BLOG變得無乜趣味,所以決定你一個TRIP我唔要睇相,但係你一定要寫BLOG~

    • 咁即是我個曼谷blog可能對你嚟講仲有趣味bor,雖然一齊去,但觀點、印象深刻o既地方可能唔一樣~
      咁西班牙trip我要努力啲寫啦~

  3. 好餓的時候只得泡菜同飯,有些不滿足,都有肉ge.. 不過好少!!
    泡冰是好食~ 不過2人食都是太多了!

發表迴響

你的電子郵件位址並不會被公開。 必要欄位標記為 *