DAY 14 @ USA
我而家好悶呀~~~~~~~~~~~~~~~~
等天黑、等眼訓…有排等…
今日其實真係乜都冇做過，尋晚搭o左夜機由oakland番番o黎new york，搭o左4個鐘之後係chicago轉機~因為係夜晚嘛，我都訓得著，其實係oakland o既候機室等上機已經等到昏昏欲睡﹗
一上機都未起飛已經攬住個枕頭訓著o左~佢直情好快就熄晒燈添~唔知係咪因為諗住大家都訓覺，第一程飛機連飲品都冇派(其實我都唔係好sure o架，或者係有派，不過佢見我訓o左所以冇嗌醒我？﹗
)﹗第一程降落時都幾辛苦
，耳仔好痛，今次旅行咁多程飛機都未試過咁，唯有谷D「喊露」o黎打啦~
去到chicago好快就搵到閘口，要等成個鐘先再上機，但我o既手提行李(一個背囊加一袋手挽袋)又重，都費事行o黎行去，o個陣時間又早，好多機場舖 頭都未開，想逛都冇得逛，於時咪坐係度享用康皓珊為我入盒o既加洲水果o羅~係尋日係farmers’ market買o既blueberry、raspberry同埋strawberry﹗仲係好好味呀~
再上機又飛快地訓著了﹗訓醒飲o左杯橙汁，又訓過，好快就到啦~兩班機都唔滿，我旁邊都有空位，可以坐得好舒適~
班機早o左到，行李又超快咁出o左o黎喎~所以都等o左六姨一陣，但佢最終都好順利咁接到竹找番去~
因為係飛機度訓得又少(因為時差o既原故，我抵達時間係九點幾，但係我o既生理時鐘，即加洲時間，其實只六點幾﹗)、中間又斷開，睡眠質素又唔理想，所以我超眼訓﹗
一番到六姨度就倒頭大睡﹗訓到食lunch(其實都一點幾兩點lu~)﹗食完叉燒米粉就上下網啦，玩o左陣寵物連連看，之後又超級累，番房又再次倒下了﹗一訓又兩個幾鐘﹗
今日六姨D朋友o黎佢o地屋企燒o野食，但我都唔係好想social social，同D唔識o既人講D不著邊際o既o野，所以我食完就番番上樓lu~
六姨好搞笑，佢唔單止醃好D肉，仲將D肉預先煮到八成熟，咁燒起上o黎就超快熟，好快就有得食啦(佢o地係美國燒o野食唔係我o地咁樣用個叉o黎燒，而係放係個網上面，所以只有一個人係度燒，其他人等食﹗)~
我番入屋時幾誇張，六姨要打電話入屋叫我表弟開門俾我，因為佢封鎖o左全屋o既門口(燒o野食係花園進行)，原因係有個朋友帶o左個超百厭o既仔
o黎，要防止佢係屋大肆破壞(聽聞個細路會係廚房拎把刀o黎劃破梳化椅﹗
好恐怖啊﹗)﹗
我而家冇o野做呀，打埋diary，可能寫D postcard(自從最初係聯合國寄過o個兩張之後就冇啦~)啦，部電腦會卡住，恐怕玩唔到胡連連lu，我都唔知呀，總之我知道自己唔會咁快眼訓啦，真係oh no~
接著回香港那程飛機也很漫長，很無聊，很悶，很累，我的做法是找些事情來做，有個寄託，順其自然，這樣會比較好過些。最好是找本有趣的書，精神的時候就拿來看，疲倦了就休息，別管他「白天」或「黑夜」，反正回港後晨昏又倒過來了。疲累而又沒法睡是螿痛苦的事情。試試看，在機場買本小說吧！別考慮美金是否化算了。身心不感到那麼「沉重」，就值回「票價」了。
Re爹爹: 爸真好~~~~~﹗安慰到我心坎處~我今日買o左本雜誌了﹗都未睇晒，聽日都可以繼續睇﹗買多本小說都好，兩程加埋差唔多廿個鐘，真係好難捱呢~
Rita! Just received your postcard yesterday… thanks a lot ar. the park was really beautiful! hee… i'm so honoured to be one of the two ppl who received postcard from you… wahahaha..
我都覺得有書睇就ok~~ 記住要買本有趣的~~~shopacholic係幾好o既選擇~~~^^ 唔…如果o個日唔得就等我返黎先啦~~ 諗諗吓你剛剛返黎都應該會好累~~~見你d jet lag好嚴重咁… 順便比d時間你晒相~~~~hahaa~~~~
唔….我怕你真係想去揾本書 所以寫清楚d~~ a confession of shopacholic by sophie kinsella 當然，你想返黎先問我借都可以啦~~~~
悶gweg 可做咩?? um…. 寫信俾我!!~ 或者寫下野，記住現時的心情! bbq 都要so趕?!哈 我有時在想~ 練定d ”今天天氣哈哈哈” 都好~ 因很多時都避免不了!! 可以講得自然d都好！
Re helen: 哎吔，其實我漏o左張postcard係我阿姨屋企未寄，我以為會永永遠遠咁失落了…點知我阿姨幫我寄出喎~你遲D會再收多一張…
Re mandy: 我結果係機場買o左本小說咋~係jane green o既the other woman，話係international best seller no. 1喎~我睇o左頭幾個chapter，之後係飛機度就怒睇戲(3套﹗)同埋打機了﹗ 我聽日都唔得閒lu~因為我個friend生日，約o左同佢慶祝啦~你番o黎再找我啦~
Re day: 我咪要用支新買o既招搖毛毛鴨鴨筆o黎寫？﹗哇，會好誇個播~因為本來帶去o個支樸實原子筆留o左係七姨度~佢個design同以前o個支跳跳虎閃筆係一樣o架~ 佢o地趕住食完入屋唱k嘛~同埋o個D火好猛，表面焦了裏面都唔熟，咁都不失為一個方法…不過我就覺得燒o野食要慢慢享受先係個o羅~ 哎吔，我真係唔鍾意「今天天氣哈哈哈」~