o黎到印度第二日，為準備聽日開始做clinical attachment，今日o既第一個行程係去探路。係香港時上過網，知道我o地暫時住緊o既Pals Hotel有巴士直接去到做attachment o既KEM hospital，問一問櫃位，ok了，搭67號巴士就得啦~因為冇乜失誤o既關係，連埋等車，大概15分鐘就番到醫院lu~都幾方便丫~如果之後唔搬的話，可以繼續咁樣番醫院~

醫院o既環境同出面o既孟買好唔同啊，出面好烏煙瘴氣，人多、車多、塵多、烏鴉多、烏蠅多(if o個一區係污糟o既話~)，而KEM入面就好寧靜，樹木好多，感覺好舒服~首先搵o左聽日要去報到o既college building，係窗口外面見到有人上緊堂、睇緊mic喎~入到去就見到library o既門口了~office應該冇開門~

印度周圍都好多瞓到安詳到好似死o左o既狗…

再行埋KEM o既其他地方，canteen、宿舍、球場、主座大樓…一邊行時聽到傳o黎強勁o既音樂，行過去望望見到有粉紅色心心佈置，唔通有人結婚？行埋少少問下佢o地，佢o地好熱情呢，見到新娘子，當時佢仲未打扮~佢仲邀請我o地下晝番去join佢o地去婚禮添~參與呢D盛事真係好遇不可求o架，不嬲都聽聞印度o既婚禮好大陣象，我都真係好想去睇下﹗

我o地同未開始打扮o既新娘子影相~

KEM o既new building

醫院o個區叫parel，好熱鬧o架，周圍又多鋪頭又多攤檔，好多新鮮o既蔬菜呀~

火車票~

中間有幾個鐘，我o地跟番原定計劃去fort area，即是孟買o既南邊，聽講係最熱鬧同埋遊客最聚集o既地方，應該有D好o野食~而且有好幾個景點都係o個邊~我o地先搭火車去到CST站，再繼續向南行~

CST附近都有好多維多利亞式o既建築~

中間有幾個鐘，我o地跟番原定計劃去fort area，即是孟買o既南邊，聽講係最熱鬧同埋遊客最聚集o既地方，應該有D好o野食~而且有好幾個景點都係o個邊~我o地先搭火車去到CST站，再繼續向南行~

係孟買有個問題就係，地圖、路標極唔清楚﹗你永遠都唔知道自己係邊一條街，街冇街名o既牌啦，鋪頭冇寫地址係門口啦，總之除o左landmark之外，你無法知道自己所在位置~所以我o地行呀行，都未去到想去o既prince of wales museum(而家改o左個新名lu，係一串好長好難o既印度文譯名﹗)~印度人好熱情o架，你問路，佢o地好熱烈咁答你，甚至叫埋附近識講英文o既人過o黎幫手，你唔問路，佢o地見到你迷惘o既眼神，都會主動過o黎幫手﹗不過呢，佢o地熱烈咁回答，並唔保證教你o既路係正確o既路﹗我o地都俾人點錯o左幾次…

未行到museum都決定食lunch先，今日好lucky，搵到一間好味o既餐廳，而且有AC(冷氣)房添(呢度大多數地方冇冷氣o架，即使日間平均氣溫高過30度~)，當然，餐牌都唔同下面non-AC啦，相對地貴D~有o左尋日叫o野食o既經驗，我o地開始識得叫o野食lu，叫番D vegetable pulav、egg biryani(都係炒飯)，再叫o左新o既chicken masala (咖喱雞o既一種，顏色似黑椒汁)配rotti(烤餅)o黎食同埋chicken hakka noodles(真係客家？﹗事實上，味道真的好中國﹗最o岩口味了~)~呢餐好滿意，涼冷氣要加錢都抵，人人食到飽飽的都只係Rs350(大概等於每人$14)~

繼續路程，終於行到去museum了，我o地入場參觀，好在依然有大學學生證可以平價入場，個museum中規中矩啦，最多展示o既係印度文物，神像石刻、木刻、銀像、銅像…另外都有其他民族o既文物o既~中國呀、日本呀、甚至係西方o既都有，不過解說唔仔細，所以得到o既資料、內涵唔深入~行得一個鐘鬆D就要走啦，趕番去婚禮嘛~

又搭巴士(下次再講巴士有咩特別)、又搭火車、又搭的士，終於番去新娘o既屋企，原來未出發去婚禮會場呀，等候時好多親戚包括小朋友開大大個音樂，係屋企前面o既空地跳舞，經過佢o地o既熱情邀請之後，我我o地後來都join埋呀，heehee，stanley最受小朋友歡迎﹗

佢o地俾stanley同kelvin著傳統服飾~

同大人細路一齊跳舞

新娘子打扮番o黎lu~靚靚~

出發去會場，出發前係屋企全部人一齊作一個祈禱，同埋影下相~超華麗o既舞台﹗有閃閃布、閃閃燈~小朋友們好鍾意影相，包括影同埋被影，等候婚禮正式開始前咪就係咁影相o羅~

去到婚禮會場lu~

華麗o既會場

小女孩~佢都有畫手花o架~

「statueman」：歡迎來賓，佢會留低直至宴會結束﹗

婚禮o既儀式其實好短o架咋，有個主持人係度「唱」D儀式出o黎，新人要拜神(台上有佛o既相同埋一個人o既相，聽講都係神o黎o既？唔係好識印度教o既東東…)、誓詞(？﹗其實唔知，總之新郎新娘輪流講o野啦)、交換花環…唔，儀式唔算好莊嚴，台下都嘈嘈地，可能因為小朋友多啦~其實台下o既人o既視線成日都俾camera man擋住…睇–背–脊–﹗

交換花環

禮成

婚禮結束後其實有自助餐o架，不過我o地怕食唔慣會拉肚子，一直都推搪唔食，但佢o地真係超級超級熱情呢，不住咁邀請~其實我o地又想同新人影相喎，又要等好耐，佢o地又有十萬個人輪流o黎叫我o地去食o野，情況都有D不知所措呢~最後，同新人影相後，我o地每人都食o左兩粒甜點，我覺得應該食係因為，可能呢D似係壽宴o既壽包咁，要食o左先吉利吧？﹗o個兩粒甜點好似炸魚旦咁o既樣，皺皺地皮，浸係甜湯入面，味道…真係好甜﹗質感就似用粉整出o黎吧，煮到腍腍的~好食就唔係太算喇，我o地唔習慣呢種味道吧~

截的士番去都好難呀，番到去都夜夜地lu~差不多九點啦~而家都好累了~聽日正式開始attach醫院﹗

待續

前往其他印度旅遊blog

Comments

comments