先祝家姐生日快樂﹗~~~~~~~~~~~~~~~~~~~~

終於第一日番學了，十點幾去到office，搵o個個miss beena desai，佢話elective student o既學費加價了﹗?？﹗有冇搞錯？﹗加o左價都唔通知我o地？﹗唔係話俾唔俾得起o既問題，而係點可以咁o既行政o架？而且仲加得唔少添啊~我o地係度爭論啦，佢叫我o地去見department of anatomy o既某個doctor，哎??，o個個doctor咁陰聲細氣，溫柔的同我o地耍太極，我o地要發火都發唔出啦~唯有乖乖就範~最唔憤氣就係輸o左俾faculty office o個個女人…

交好錢，辦好手續喇，faculty office叫我o地搵department of medicine o既office問下上堂o既東東了，哇哈哈，「KEM-O」開始啦，D人o’camp時咪要玩HK-O o既，即是好多check point，要跑o黎跑去衝station呢，我o地今朝就係做D咁o既o野了，係成間醫院度東奔西跑，搵到office了，又叫我o地去邊度搵邊個醫生，o個個醫生又叫我o地去邊度搵邊個~奔跑o左個幾兩個鐘先到最後一站﹗係OPD跟o左一個case之後，就有個doctor o黎接走我o地去ward round了~

個general ward超大，所有床，幾十張，唔知有冇五六十張？係一大個hall入面~香港o個D病房係一個個cubicle家嘛，每個cubicle六張床左右~個doctor怒抽書，仲要係抽D physical sign同埋D basic o野，harsh程度同平時上bedside差唔多，但平時好少問呢D o野家嘛~唉，對住外面o既人又唔想丟自己大學、香港、祖國o既假…真係想答得好D呢~我o地仲要係pass o左final o既medical student添~

係呢度睇到好多平時香港見唔到o既case o羅~TB pericarditis、empyema…所以平時唔多用o既knowledge都要搵出o黎﹗

同Amy於canteen合照

認識o左o黎自UK o既elective student Amy，佢好helpful呀~講o左好多o野俾我o地聽~佢而家預備緊final呢~都好o既上晝跟round睇下D physical sign，下晝番去hostel溫習~好犀利呢~佢自己一個女仔o黎o架，唔似得我o地三五成群﹗佢仲要o黎八個星期添~

round到兩點幾先有時間去食飯呀~去o左醫院canteen~唔知係咪太晏呢？咩都冇晒﹗佢o地叫o左chicken masala之後，去到我同connie order時都冇了，只可以叫egg masala。真係發夢都估唔到呢個egg masala只係一隻烚熟o既蛋，放係D黑椒汁咁o既色入面o既汁度~味道都ok o既，而且特平(約HK$5，已包括一支汽水了)﹗

下晝唔繼續啦，Amy show o左俾我o地睇library同埋兩間internet cafe之後就分別了~因為星期五又係公眾假期，我o地想善用呢個weekend出去外面玩丫嘛，決定去churchgate o既旅客火車預約中心度訂票~其實去到時都晏晏地lu，因為中間買電話卡耽誤唔少時間，幸運o既係，新o既電話咭打電話番香港可以平得多~

決定好了，weekend去兩個aurangabad附近o既石窟，叫做ajanta同埋ellora，星期四晚出發搭夜車，星期五去一個，星期五?一晚，星期六去第二個，再搭星期六晚o既夜車番孟買~哇，訂票中心o既效率…極—-度—-慢—-﹗真係要發火咁滯﹗我o地花o左個幾鐘頭買飛o羅，但佢o地serve o左o既客唔夠十批﹗得一個窗口係負責海外旅客o既預約﹗以呢種速度o黎講絕對唔足夠呀~最後都買到飛了，但suboptimal o羅，去o個程要兩個人同埋三個人咁分開坐，因為冇晒飛咁滯啦~兩人坐2-tier second class(有冷氣的雙層軟臥)，三個人坐sleeper class(三層硬臥)，回程時全部人都SL class﹗價錢差別都大得驚人o架，o個個二等價值Rs643時，SL只需要Rs178 o羅~勁誇張﹗如果頂得順o既話，以後都坐SL就慳到唔少錢~

買完飛都夜啦，拿拿聲搵地方食dinner就番酒店lu，係churchgate呢頭搵o野食都唔易，行遠少少俾我o地見到呢間超豪裝修超靚o既素菜餐廳﹗每個菜Rs140-150啦，大概係我o地平時食o既雙倍，講就好得人驚，其實為起上o黎同去明星飲茶差不多o既o者~即管豪一次啦﹗入到去服務真係好好﹗坐得好舒服﹗有冷氣呀(究竟係幾時開始，有冷氣我就已經咁雀躍o既呢？)~~~~~~~~我o地叫o左一個炒飯、一款菠菜masala、一個炒cottage cheese同埋一個薯仔煮椰菜花，仲有兩款roti，人人都食到飽飽的~

waiter serve埋我o地添o架~好高級~

番去時火車勁逼呀~~~~~~應該要去mahim站轉車，但逼到落唔到車﹗周圍o既人都愛莫能助~好在轉車機會唔止一個，我o地唯有兜遠D，去bandra先轉車番o黎啦~

好啦，要休息了﹗

待續

前往其他印度旅遊blog

Comments

comments