五一勞動節，香港o既家人們、朋友們都放假，係印度都係假期o黎o架~我o地之前冇特別記低，所以好似忽然多o左日假期咁呀~去o左好幾個本身冇plan去o既地方，今日非常充實﹗

朝早九點幾出門口，去參觀甘地故居，甘地就好似孫中山先生一樣咁受人尊敬，MG
stands for咩？我o地medical student就會諗起myasthenia gravis(重症肌無力)，但MG係印度人心目中係mathama gandhi(甘地﹗)，KEM附近就有一間甘地紀念醫院，而印度o既貨幣亦係印有甘地個嘜頭係上面o架~甘地故居位於一條綠蔭處處o既小路上面，兩旁都係獨立house，好有西方國家o既風格~

甘地故居外觀

入面除o左展示o左佢當年住o左十幾廿年o既房間之外，仲有好多舊相片，又有一系列o既泥塑公仔，講解佢生平中o既大事~我都係細個時讀書有講過少少甘地咋，佢實際做o左D咩都唔係好清楚，而家知多少少了~佢對印度呢個國家、印度人真係好有影響力﹗

泥塑公仔講故事

係附近食o左lunch，試o左tandoori chicken，有玩NDS o既朋友們有冇覺得個名有D熟口面呢？其實玩cooking mama都有得煮呢道菜o架，kelvin話佢煮過了﹗cooking mama入面o個個樣像真度都幾高添~

下晝先去nehru planetarium(太空館？)，買好睇天幕電影o既門票，就去o左旁邊o既nehru
centre逛逛，入面有好多好多展覽呀，簡直就好似成本印度歷史書放o左入去﹗另外又有D不定期展覽，睇o左一個modern art o既展覽，D青銅雕塑好靚呀，好鍾意佢做得D人物好有動感﹗

入去太空館未開show前有D展覽，有呢D老土o既「你係星球有幾重？」o既磅o羅~

天幕電影片名叫「awesome universe」，我o地睇英文場，所以聽得明白﹗講o既都係天文學o既basic o野啦，大熊座、北極星、十二星座、九大行星、太陽系、銀河系、黑洞…開頭講o既比較係一般o既常識，所以都容易follow，但後來我都唔係聽得好明，有少少昏昏欲睡添~angela同connie就直情?了﹗呵呵~都係stanley最愛天文學~

最後一站chowpatty beach，呢個沙灘係孟買人假日一家大細去o既地方o黎o架，好大，D沙好幼，踩落去好舒服，不過…D水係黑色的﹗污糟o羅~印度人時時都亂丟垃圾家嘛~(係一件好自然o既事﹗人人都咁做唔會羞恥的~佢o地冇垃圾桶呢個concept嘛~全孟買暫時見過最多垃圾桶o既地方就係KEM了~)我o地行行沙灘，影影相，去到最熱鬧o既位置時有D出租沙灘地蓆o既人o黎兜搭生意，我o地就用o左Rs10(~HK$2)租o左一個鐘，黃昏時份?下沙灘真係好舒服呀﹗chowpatty beach有好多賣o野o既人，食物最多啦，花生、samosa同埋其他油炸小食、薯仔蕃茄沙律、棉花糖、雪糕、chai(超甜奶茶)…佢o地係會行o黎行去大聲叫賣的﹗所以好熱鬧~

瞓完沙灘之後行過去後面個遊樂場睇下，有好多「機動遊戲」？﹗正確D o黎講應該叫「手動遊戲」或者「人力遊戲」~好誇張﹗嚇死人﹗有海盜船、摩天輪、merry-go-round(唔係馬，而係電單車、車仔之類)…但全部都用人力推動﹗最勁o個個係有兩層樓高o既摩天輪，要由五六個佬推動，佢o地爬上去頂，再捉住車卡，由高處跳落o黎，借助衝力推郁個摩天輪，最高速時轉得快得好緊要o架，睇到人個心卜卜跳﹗總之成個遊樂場都睇到人嘆為觀止啦，估唔到可以咁~其實都唔係唔好丫，大家玩得開心，又環保﹗不過係香港都係冇可能發生o架啦，咁危險，同埋香港人邊度捱得住咁辛苦o既工作呢？

手動遊戲—-摩天輪

過去H2O water sports centre，我o地租motor boat出去bay cruise，即是一架電動船載住我o地兜back bay一圈，全程大約45分鐘啦~

預備上船o羅~

坐船出海真係好舒服啊﹗D海風吹埋o黎，good﹗平時天氣真係好熱好熱家嘛~原來孟買都有D好繁榮o既區，有好多新式高樓大廈，坐船睇到成個海灣，就知道邊一區係商業中心了~我o地坐呢個bay cruise有少少賺o架，7:00pm前出發每位Rs200(~HK$40)，7:00pm後就要Rs280，即是慳o左HK$16  o架~但我o地回程時都差唔多7:20pm lu~睇到少少夜景啦，天就未黑齊o既~

由船睇過去back bay o既夜景~

食埋個簡單o既dinner就番酒店lu~架巴士好逼呀﹗雖然直接車番到去酒店樓下，但都少少辛苦…

番到o黎酒店，哇，隔離塊空地有function﹗咁多人坐晒係度，又有個台又有人用咪激動地講o野，後來又歡呼聲，又有勁歌熱舞聲…陣間要去露台睇睇發生咩事先~

呢排唔知咩事皮膚好痕呀，起D一粒粒咁~之前去aurangabad間酒店有舊herbs
o既番?，話對skin problems好喎，唔知我D skin o既problems係咪佢講o個D
problems呢？今晚試下用o黎沖涼，睇下有冇好轉啦~

待續

前往其他印度旅遊blog

Comments

comments