今日PSMo既活動又係出去外面呀~朝早番到去KEM分頭行事，stanley番去department報到先，我同kelvin去買午餐~我o地會去urban health centre，早知道附近食飯唔會太方便，所以買定食物同水o羅~我買o左兩個小餐包，一件蛋糕，一樽果汁，加埋樽1L水都係Rs39(~HK$8)咋~
雖然趕番去…但…結果都係等o左大半個鐘先出發﹗由一個實習醫生陪我o地搭醫院o既小巴~車程都幾耐o架，成一個半鐘頭，位置大概係上次國家公園附近啦，架車好「dun」，開頭有同大家吱喳，但漸漸就失去知覺，呼呼大睡了﹗去到都唔發覺添呀~
今日去o既地方叫做malovani urban health centre，比起o個日去o既community clinic規模大好多o架~
呢度就係urban health centre o既大門口~
去到時都差唔多lunch time，有一個醫生同我o地講少少o野就食lunch先lu~果然，o個D麵包呀、蛋糕呀食落真係好寡…又乾…好在只係食一日咋~同埋好在買o左個芒果汁…咁都好少少~唉，係我最衫提議買samosa(上次D咖喱角呀~)，結果佢o地有買，我反而冇買喎，有o既話就冇咁單調了~應該帶個柑去呀﹗
冇乜味道o既午餐~
診所裡面o既環境~
我o地食o野o既位置望出去就係咁o既樣o架啦~好似小鄉村咁o羅~
下晝正式開始參觀~先有一個睇落好權位o既女士同我o地講一個powerpoint slide~係成個malovani係health care system入面o既位置，佢o地o既objective、service等等~好全面~有一個整體o既idea知道發生緊咩事o羅~岔開話題少少，係印度，D人會尊稱女士做「madam」o架，所以有時打電話問o野、係街上人o地稱呼我都會叫madam，最初覺得怪怪地，後來之知道係一個尊重o既稱呼，係醫院入面，叫上級o既女醫生時，佢o地唔叫professor呀、doctor之類，而係叫madam的﹗
之後有個醫生帶我o地四圍參觀，malovani提供好多primary health service俾附近o既居民，general OPD(普通科門診)、paed OPD(兒科門診)、chronic OPD(慢性疾病門診)、產前檢查、TB o既DOT(患肺結核病o既病人需要番去診所食藥，以保證食得齊，香港都有呢D措施o架~)、牙科、眼科、immunization(疫苗注射)、family planning(家庭計劃指導)、STI clinic(性病診所)、愛滋病毒自願測試…等等等等啦~
星期五下晝係產前檢查診所，所以有好多大肚媽媽番o黎覆診，佢o地o黎到先坐晒係地下，聽醫生講health talk，都係關於懷孕dos and don’ts o架啦~之後就驗小便、磅重、做檢查等等~內容同香港o既產前檢查差不多，不過個clinic run得冇咁有系統，同埋冇乜privacy o羅(一間房有四張床，有四個醫生係度，D孕婦好似去銀行排隊咁，邊個counter有位就行埋去…上張床度就掀起衫o架啦~)~佢o地儀器冇香港咁多，但醫生o既手藝可能就更好了，我o地聽BB心跳會用doptone(可以就咁聽到聲音)，但佢o地就傳統地用聽診器o黎聽o羅，我o地就冇乜把握做得到lu~
之後都差唔多時間回程啦~番去o個程車唔單止有我o地搭，仲有好多其他醫生添，車程冇咁耐，一個鐘就到了，我一樣?得咁好~呵呵~
番到KEM附近，去上上網，買少少東東，跟住就番酒店lu~呢排可能都要上網上得勤D啦，因為book緊之後trip o既酒店房嘛~番到去cotton green o個頭都冇乜特別啦，都係去附近食飯咁o羅~今日叫o左個「veg 65」，個名咁奇怪o既？原來係用粉加幾種蔬菜搓成o既一粒粒丸子，用甜甜辣辣o既汁煮o成o既~又有個「manchow fried rice(滿州炒飯乎？﹗)」，即是平時o既chicken fried rice，配上一個蒜蓉汁，都幾好味~
今晚要執行李呀，聽日後日我o地會出去一個短trip，去孟買附近o既地方玩，叫做alibag同埋murud-janjira，會去海灘同埋海上古堡~應該都好有趣o既，英國女生amy會同我o地一齊去呀~希望會盡興而回啦﹗
我平時係pals hotel打blog blog就係咁o既樣o架啦~
待續
前往其他印度旅遊blog