係murud呢間non-AC(沒冷氣)o既酒店房瞓得都幾ok呀~一來有蚊香，二來根本唔見有蚊，我都冇噴到蚊怕水就?，免得黏答答嘛~雖然冇冷氣，但有風扇，又近海，所以都幾涼快~amy又唔反瞓，很好~

起身先知道原來我o地間房係望到海灘o架﹗露台前面有條馬路，對面有D房屋，遠少少就係海灘﹗真係估唔到間酒店咁平(Rs600一間雙人房，即~HK$120)都咁好~可惜丫，我o地一早就要出去參觀了，如果唔係，係個露台hea下都幾好~

去o左尋晚dinner o個間海灘餐廳食早餐，雖然睇個餐牌叫乜冇乜，但都冇損我o既雅興o既，風景太靚了﹗除o左個沙灘唔似得尋日o個個kashid beach係白色沙之外，呢個沙灘都唔錯，周圍又要椰林樹影喎~我叫o左個omelet pav(即是蕃茄洋?奄列配小餐包Rs20)同埋熱咖啡Rs12(總數~HK$6.5)~實在太正了﹗令我諗起去langkawi(浮羅交怡)時o既池畔早餐(詳情請參閱2006年12月底o既blog blog﹗)，o個次係high class o羅，但今次o既沙灘早餐別有一番風味~

食早餐o既地方

食早餐o個度望出去就係呢個海灘啦~

我o既omelet pav早餐~

之後就出發o羅~我o地上晝去janjira sea fort，係一個係海中央o既古堡，要搭船去的﹗我o地先係酒店附近搭三輪電動車(auto rickshaw)去碼頭，原本我o地同司機議價時覺得貴然後「拂袖而去」o架，後來遇到一個健碩跑步印度男行過，佢好熱情咁問我o地有咩需要幫忙，佢話個價錢ok，我o地就上車o羅~斷估佢同D司機唔係一夥?？﹗

去個碼頭都幾遠呀，要經過一個山頭，哈，頭先講價講到面阻阻，佢o地居然係最靚風景o既位置停俾我o地影相喎，仲要向我兜售postcard，想唔俾tips佢都唔得啦~

係山頭停低o既位置

係呢度睇janjira sea fort就最清最靚喇﹗

到碼頭o個個小鎮了，未儲夠人開船，係附近逛逛，買到一頂牛仔帽，我一見就喜歡了﹗又闊邊可以遮太陽，好適合之後去旅行戴呀﹗而且都好襯我而家o既髮型呢~(我帶o黎o個頂cap帽因為我o既超短頭髮搞到好似男人…)

見到D船，哇，係有帆o既帆船o黎o架﹗不過…點解一隻船坐咁多人o既？﹗我o地逼上船好似難民咁…就咁坐係地下o架咋，冇椅子坐~而且好曬呢~因為出發時逆風，所以隻船好慢呀~

去到janjira sea fort了﹗有個人同我o地講解個fort，雖然要無啦啦俾導遊費，但都好o既，好過盲中中咁自己行o黎行去丫嘛~

哈哈，我同amy係防衛o既士兵呀﹗

望出去靚靚o既景色，D帆船遠睇幾靚~唔似難民船?？

不過…回程時…其實真係好似難民船﹗

我都係一個難民﹗

之前咪話出發前遇到一個健碩男子o既，我o地後來係個fort撞番佢呀﹗原來佢係一個command officer??總之係捉D販毒o既人的，好型啊﹗難怪咁大隻啦~

可以同佢影相實在太lucky了~

之後我o地都要回程番alibag再番mumbai了~如果唔係就太晏啦，好在之後D車程、船程都幾順利，不過搭車搭船o既時間真係長D o羅，都有少少辛苦o架~因為隻船都好搖擺，我o地同行o既人都有D頭暈暈~

番o黎孟買了﹗

待續

前往其他印度旅遊blog

Comments

comments