27-5-2008:主題公園狂迷@台北六福村

唔知大家知唔知道,其實我真係好鍾意去主題公園o架,刺激o既機動遊戲我係會玩,但又唔係超鍾意,鍾意主題公園,係鍾意o個種歡樂氣氛o羅~所以去每一個地方旅行,我都好想去主題公園﹗

今次去完印度,經台北番香港,其實台北o既兩日半行程我o地都冇乜點plan過,主要係plan印度o既行程都夠晒忙了,而我o地會一齊去玩o既一行三人都去過台北,所以冇話咩地方要必去,hee,係大家冇乜所謂o既情況下,我提議:不如去六福村啦﹗呵呵~good good good﹗

交通都唔係太方便呢,由酒店我o地要搭地鐵再轉專線巴士,架巴士都搭o左成個幾鐘o架~咁當然我o地都係車上呼呼大睡啦~

終於去到六福村啦~好在係平日,而且天氣麻麻地,所以人唔係好多~玩好多o野都唔駛點排隊~

坐呢D轉轉船比起上次去深圳歡樂谷真係溫和好多~上次係必須著雨褸o架~如果唔係會由面濕到底﹗今次都濕呀,不過局局地部o羅~

我都未玩過呢款勁刺激o既遊戲呢~connie當然坐係一邊等我o地兩個啦﹗呵呵~架車係極速衝上落一條U型垂直路軌,真係每一次衝上去我都尖叫o架﹗係發自內心o既尖叫而唔係湊熱鬧o既尖叫﹗

因為connie唔玩D刺激o野,所以我o地主要玩D溫和o既設施、睇下動物同埋睇下show咁o羅~

呢個叫做「猴子行大運」~

我o地就坐係呢架單軌馬騮單車上面,真係要自己踩o架,沿住軌道行,下面會見到好多唔同品種o既馬騮o架~可以同佢o地近距離地say句hello呢~

唔知係呢排o既專題定係點呢?真係好多動物睇﹗

你睇D鸚鵡幾近﹗佢o地冇縛住o架~真係乖乖咁企係度﹗很cutie呢~

連白老虎都咁近,真係離晒譜﹗

獅子又多喎~諗起上次去孟買o個個國家公園o既safari…獅子老虎各只有兩隻﹗而且仲要係係烈日下熱到一pat o既撻皮獅子o羅~

仲有得餵羊咩咩添~我o地三個人買o左一筒飼料,輪流感受下餵羊咩咩o既感覺﹗

少少口渴,買下雪條唧唧冰o黎食先~

後來我o地玩o左好多BB遊戲…

好似坐船仔﹗係極慢同埋唔駛自己撐的…我o地兩個人坐還好…kelvin嘛…一個人坐一條船…哈哈~

仲有阿拉伯風o既天馬~

仲有主題公園必備o既merry-go-round﹗呢個時候,公園其實剩低好少人lu~幾乎係為o左我o地而開o架~

其實仲有其他show同埋game o架,有載歌載舞o既表演,亦有雀鳥o既演出,不過點解我冇影相o既呢?﹗

臨走同同主題公園o既主角馬騮影張相先~不過唔記得佢叫咩名添~

番到台北之後,我o地又去夜市食o野啦﹗不過今次係去我o地酒店附近o既小小夜市~食o左魯肉飯o個D~仲有超美味o既木瓜牛奶﹗

待續

前往其他台灣旅遊blog

Comments

comments

在《27-5-2008:主題公園狂迷@台北六福村》中有 2 則留言

  1. 餵完羊咩咩餵自己…HAHA…
    其實我都未去過六福村,你覺得要坐咁耐車值唔值得去?
    [版主回覆10/18/2008 16:31:00]replied

  2. Re家姐:
    係呀﹗
    你記得我o地o個次去澳洲時都有餵羊咩咩嗎?不過你只係想影相…呵呵~
    我覺得值得去o架~都不失為一個好玩o既主題公園﹗雖然唔係「哇」咁好玩o羅~o個度有好多唔刺激o既東東,又有好多動物睇,即使同唔鍾意刺激o既媽咪or姐夫去都ok~

發表迴響

你的電子郵件位址並不會被公開。 必要欄位標記為 *